Зін-өзі тану тәсілдері мен амалдары

Енді өзін-өзі тану мақсаттарына қол жеткізуге мүмкіндік беретін, іс-әрекеттерді дәйекті түрде алмастыру ретіндегі өзін-өзі тану процесінің өзіне көңіл қоялық. Өзін-өзі тануды ұйымдастыру барысында қандай құрал-амалдарды пайдалануға болады? деген сұраққа жауап беріп көрелік. Өзін-өзі танудың ең кең таралған амал-тәсілдеріне мыналар жатады: өзін-өзі бақылау, өзін-өзі талдау, өзін қандай да бір «өлшегішпен» салыстыру, өз тұлғасын үлгілеу, әр қасиетте, жүрыс-тұрыс сипаттамасында қарама-қайшылықтарды танып-білу.

Өзін-өзі бақылау. Бұл өзін, өз жүріс-тұрысын, ішкі әлем оқиғаларын бақылау арқылы өзін-өзі тану тәсілі. Адамзат бір кездері психологияның негізгі әдісі болып табылған және «интроспекция» (ішке қарай үңілу) деп аталған, ал психологияның өзі «интроспективалы» деген атау алған өзін-өзі бақылаумен баяғыдан таныс. Бұл әдіс өте субъективті және адам психикасының дәл көрінісін бермейтіндіктен, кейініректе бұл әдістен негізгі әдіс ретінде бас тартылды, алайда өзін-өзі тану тәсілі ретінде оның зор маңызы бар. Өзін-өзі бақылау жолшыбай аз ұғынылған және мақсатты бағытталған болады. Жолшыбай аз ұғынылған ретінде өзін-өзі бақылау үнемі жүзеге асырылып отырады және біздің санамыздың қызмет атқаруына ұқсас болып келеді. Біз бір нәрсені жасаймыз, араласып-құраласамыз, дем аламыз және өзін-өзі бақылауды жүзеге асыра отырып, бір мезгілде өзімізді бақылағандай боламыз. Жүріс-тұрыс басқалар немесе біздің өзіміз белгілеген норматив шегінен шығып кеткеннен-ақ, біз оған түзетулер енгіземіз. Солай бола тұрса да, мақсатты бағытталған өзін-өзі бақылау барысында фактілерді жинау процесі жүзеге асырылады, олардың кейбірі маңыздылығына немесе қайталанғыштығына орай біздің санамыздың объектісі бола бастайды, яғни табылады, бекітіледі, талдауға ұшырап отырады.

Мақсатты бағытталған өзін-өзі бақылау біз қандай да бір қабілетті, тұлғаның қасиеттерін, жүріс-тұрыс сипаттамаларын табуды және оның көрініс беруін өзімізде бекітіп қалуды мақсат етіп қойған кезде орын алады. Бұл үшін адам кей кездері өз өзін тиісті жағдайларға қояды немесе өзімен өзіндік эксперимент жүргізе отырып, осындай жағдайларды өзі жасайды. Осындай эксперимент жүргізу үшін жақсы мүмкіндіктерді өз бойынан белгілі бір қасиеттер мен сапаларды табуға және бекітуге мүмкіндік беретін, арнайы ұйымдастырылған психологиялық тренингтер жасап береді. Айтылғаннан жолшыбай да, мақсаттцы бағытталған өзін-өзі бақылаудың да тұлғаның қасиеттерін, мінез ерекшеліктерін, қарым-қатынас жасау ерекшеліктерін және көптеген басқаларды табуға және бекітуге мүмкіндіктер беретіндігі түсінікті.

Өзін-өзі талдау. Өзін-өзі бақылаудың көмегімен табылған нәрсе талдауға (бөлшектеуге, ыдыратуға) ұшырайды, оның барысында тұлғаның ерекшелігі немесе жүріс-тұрыс сипаттамасы оны құрайтын бөліктерге бөлшектенеді, себеп-салдарлық байланыстар анықталады, өзі туралы, аталған нақтылы қасиет туралы ойлану процесі жүреді. Мысал. Сіз өзін-өзі бақылау және жағымсыз эмоцияларды бекіту арқылы өзіңіздің ұялшақ екеніңізді анықтадыңыз немесе таптыңыз. Өзін-өзі талдау арқылы мұның шынында осындай екендігін, яғни ұлшақтық белгілерінің қандай екендігін дәлдеп тексереміз. Сіз өзіңізге: «Мен қысылып-қымтырыламын, мен қызарамын (немесе бозарамын), қойылған сұрақтарға түсінікті жауап бере алмаймын» деуіңіз мүмкін. Бірақ егер тек осыған ғана тоқталып қалсаңыз, Сізді жағымсыз сезімдер мен уайымдаулар орап әкетуі мүмкін, кемшілік кешені туындауы мүмкін. Алайда бұл тек бастапқы өзін-өзі талдау ғана. Одан әрі, бұл туралы ой жүгірте отырып, тағы да сұрақтар қоюымызға болады: бұл әрқашан көрініс таба ма? Мен жақын және туыс адамдармен қарым-қатынаста ұялшақпын ба?

- Жоқ. Сабаққа жауап бере отырып, мен ұялшақтық көрсетемін бе? – Жоқ. Ал танымайтын адамдармен қарым-қатывнаста ше? – Иә. Бәрімен бе? – Жоқ, тек қарама-қарсы жыныс өкілдерімен ғана.

Осылайша, сіздің ұялшақ екендігіңіз, бірақ жалпы емес, қарама-қарсы жыныс өкілдерімен ұялшақ екендігіңіз анықталады. Бұл немен туындаған? Бұл әлде ұнап қалуға тырысу, әлде өзіңізді әртүрлі жағдайларда қалай ұстау керектігін білмеу, немесе өзіңізге қатысты келемеждің немесе қалжыңның нәтижесінде бала кездің өзінде пайда болған, қарама-қарсы жыныстағы бөтен адамдармен қарым-қатынаста көрініс табатын сенімсіздік деп ойлануға болады. Біз енді өзіміздің гипотезалық мысалымыздағы гипотезалық шындыққа жақындап та келеміз. Ересек адамның ұялшақтығының себебі оны келемеждеудің нәтижесі ретіндегі, бала кезінде бастан кешкен, жасырынып қалған реніш те болуы мүмкін екен.

Көріп отырғанымыздай, осында келтірілген өзін-өзі талдау алгоритмі айтарлықтай қарапайым, ол тек қана өзіне назар аударуды, біршама уақытты және өмірлік фактілерді тарта отырып, өзіне сұрақ қоя білуді, оларға дұрыс жауап беруді ғана қажет етеді.

Өз өзін қандай да бір «өлшеммен» салыстыру. «Өлшем» мен «шкала» сөздері – бұл шартты түсініктер, алайда олар аталған тәсілдің мәнісін айтарлықтай дәл жеткізуге мүмкіндік береді. Біз өзімізді басқа адамдармен, әлде идеалдармен, әлде қабылданған нормативтермен үнемі салыстырып отырамыз. Салыстыру тәсілі өзін-өзі танудың маңызды құрамдас бөлігі ретінде өз өзін бағалауды құруға мүмкіндік береді. Мұндай салыстыру мұның полярлық полюстері қарама-қарсылықтар болып табылатын шкаламен жүзеге асырылады, мысалы: ақылды – топас, жақсы – жаман, әділ - әділ емес, зейінді – зейінсіз, еңбексүйгіш – жалқау. Әрі біз осы шкаладан өзімізге орынды міндетті түрде табамыз.

Мысал. Сіз: «Мен айтарлықтай ақылдымын, бірақ онша міндетті емеспін, мен мейірімді адаммын, бірақ өзіме кейде сенімді емеспін» дейсіз. Мұндай өлшемдер сізде бүкіл өмір бойында, кей кездері санадан тыс, өзіңізді басқа адамдармен немесе жалпы танылған нормативтермен үнемі салыстырудың негізінде қалыптасады. Өлшемдер әртүрлі: аталған жағдайдағы секілді шкала түрінде немесе сіз, осы қатарда өзіңізге де орын таба отырып, адамдарды қандай да бір қасиеттің көрінушілік дәрежесі бойынша дәрежеге бөлген кездегі дәреже түрінде болады, мысалға, сіз өз бойыңыздан өзіңізге өмір сүруге, еңбек етуге, басқа адамдармен өзара әрекеттесуге күш беретін мықты қасиеттерді және, керісінше, өмірді қиындататын, дисгармония енгізетін, теріс эмоциялар тудыратын, тұлғаның әлсіз қасиеттерін бөліп көрсете аласыз.

Алайда кез келген жағдайда, өзімізді қандай да бір «эталонмен» салыстыра отырып, жалпы алғанда да, жекелеген қасиеттер мен жүріс-тұрыс сипаттамалары бойынша да өзімізге өз өзімізге баға береміз. Бұл ақыр аяғында Мен-концепцияны танып-білуге және құруға жақындатады.

Өз тұлғасын үлгілеу енді өзін-өзі танудың айтарлықтай арнайы әдістеріне жатады және оны ең жақсысы, мысалы, психологтың көмегіне сүйене отырып қолданған жөн болады. Бірақ, өкінішке орай, психологпен әңгімелесу барлығына қол жеткізе бермейді, сондықтан өзін-өзі үлгілеу элементтерін өз бетінше қолдануға да болады. Үлгілеу – бұл жекелеген қасиеттер мен сипаттамаларды нақтылы процестердің (аталған жағдайда өзінің тұлғасының, өзінің басқалармен қарым-қатынасының) символдарында, белгілерінде, нысандарында көрсету.

Үлгілеудің ең қарапайым мысалы, мысалға, өзін-өзі суретке салу болып табылады: «Мен қазіргідемін», «Мен болашақтамын», «Мен дос ретінде», «Мен оқушы ретінде» және көптеген басқалары. Сурет өзін-өзі талдауды жеңілдетеді: мен қандаймын, менің қандай ерекшеліктерім, қасиеттерім бар, мен нені керек етемін, мен не істей аламын және т.с. Мен және басқа да маңызды адамдар символдармен (мысалға, шеңберлермен) белгіленетін, өзі мен басқалар арасындағы байланыстар: симпатиялар, антипатиялар, басым болу, бағынышты болу, кикілжіңдер және т.с. жазылатын және ой елегінен өткізілетін тәсіл де тиімді болып табылады. Осылайша тұлғаның өзінің қасиеттерін де: олардың қандай да біреулерін орталықта орналастыруға, біреулерін – шеткері жақта орналастырып, оларды бір біріне жақындық дәрежесі бойынша (біреулері - өмір сүруге, қоршаған адамдармен қатынас құруға көмектеседі, басқалары – кедергі келтіреді, тұлғаны әлсіз етеді) топтастырып, белгілеуге де болады. осыдан кейін дәл осыған ұқсас талдау жүргізіледі, өзін-өзі ойлану, өзінің жүріс-тұрысын және әрекеттерін ойлану жүреді. Практика мұндай тәсілдердің, өз ішкі әлемін сыртқа шығаруға, оған сырттан қарағандай етуге мүмкіндік беретіндіктен, өзін-өзі тану процесін айтарлықтай жеңілдететінін көрсетіп отыр.

Өз тұлғасының құрылымын да, өз қарым-қатынастарын да, мысалға, рольдік ойындардың және психодраманың көмегімен үлгілеудің одан да күрделі тәсілдерінің болуы мүмкін, бірақ бұл тәсілдер басқа адамдардың қосылуын қажет етеді және тек қана тәжірибелі психологтың басшылығымен ғана жүзеге асырыла алады.

Қарама-қайшылықтарды ұғыну өзін-өзі тану процесінің қандай да бір тұлғалық сипаттамасы бөлініңп көрсетіліп те қойылған, талданып шыққан, бағаланған және өзін-өзі қабылдау актісін ауыртпалықсыз жүзеге асыруға мүмкіндік беретін кейініректегі кезеңдерінде қолданылатын тәсілдеріне жатады. Оның мәнісі жалпы алғанда біздің тұлғамыздың, оның жекелеген қасиеттерінің бір мезгілде теріс те, оң да жақтарға ие болып келетіндігінен тұрады. Сондықтан, егер біз тек бір жаққа ғана бекітілсек, оны әлде сөзсіз оңды, әлде сөзсіз теріс ретінде қабылдасақ, өзін-өзі тану толық болмайды. Мысал. Жауапкершілік – бұл мықты қасиет. Кей кездері біз жауапкершілікті тәрбиелеу қажеттігі туралы айтамыз, адамдардың осы қасиетті көрсетуін ниет етеміз. Бірақ жауапкершіліктің немесе шамадан тыс жауапкершіліктің жоғары деңгейі адамға кедергісін келтіреді, теріс уайымдар туғызады, өйткені барлық жерде және барлық жағдайларда жауапты болу мүмкін еай. Адамдар әдетте теріс сипаттамаларға жатқызатын өзге қасиетті – агрессивтілікті алайық. Көптеген мәдениеттерде және қоғамдарда аргессивтілік өзінің бұзып-талқандағыштығына орай ынталандырылмайды және тұлғаның әлсіздігінің, оның кемеліне жетпегенінің көрсеткіші ретінде, өзін-өзі байыппен ұстай алмау ретінде, ұстам мен салмақтылықтың жоқтығы ретінде қарастырылады. Бірақ агрессивтілік – бұл бір мезгілде «бу шығара» білу, жинақталып қалған теріс энергиядан босану қабілеті, катарсис, тазару тәсілі де. Сондықтан тәрбиелеу және өзін-өзі тәрбиелеу тұрғысынан алғанда сөз адамның мүлдем агрессивтілік көрсетпеуі туралы емес, оны көрсетудің қолайлы тәсілдерін игеру туралы болады, мысалы, деструктивтік агрессияны конструктивтік агрессияға көшіруге үйрену, басқа адамдарға, мал-жануарларға, заттарға зиян келтірмейтін орнын басушы әрекеттерді меңгеру, сондай-ақ өзін-өзі ұстау, сабыр сақтау, төзім, шыдамдылық және т.б. тәсілдерін меңгеру маңызды болмақ. Әдетте адам, өзінің бойынан қандай да бір қасиетті тауып және тіптен оны талдап шығып, егер бұл қасиет оңды болса және оның өз талаптану деңгейінде болу қажеттілігіне жауап берсе, қанағаттану сезімін бастан кешіреді немесе, егер осы қасиет теріс, әлсіз қасиет категориясына жататын болса, қанағаттанбау сезімін бастан кешеді. Мұндай тәсіл біржақты болып табылады. Оңды, мықты қасиеттен әлсіз жақтарды табу, ал теріс қасиеттен – оңды және мықты жақтарды табу маңызды. Дәл осындай ішкі жұмыс көбінесе қасиеттерді қайтадан тұжырымдауды, алмастыруды мүмкін етеді, осының нәтижесінде қасиет өзінің игілігі ретінде түсініледі, ал оның теріс зардаптары минимумға келіп саяды. Осы ережені ұялшақтық мысалынан талдап қорытайық. Мысал. Кей адамдар өзіндегі ұялшақтықты басқа адамдармен қатынас жасауда кедергі келтіретін теріс қасиет ретінде қабылдап, осы фактіні қатты уайымдауы мүмкін. Уайымдаулар, өз кезегінде, қоршаған адамдарға қатысты күдіктілікті күшейте түседі. Күдіктілік ұялшақтықты күшейте түседі. Шеңбер тұйықталады. Ұялшақтық қабылданбайды, онымен күрес басталады. Күрес іс жүзінде тек қана уайымдаулардың күшеюіне ғана келіп тіреледі. Алайда ұяылшақтықтан күшті, оңды жақты бөліп көрсе болғаны, ол еш жанға батпайтындай қабылдануы мүмкін. Осындай мықты жақ, мысалға, адамдардың қарым-қатынасына сезімталдық болуы мүмкін, бұл жанның нәзік ұйымдастырылуының және ішкі әлемнің көрсеткіші болып көрініс табады. Шындығына келгенде мұның екеуі де (нюанстарды қоспағанда) бір нәрсе болғанымен де, ұялшақтыққа қарағанда, өзіндегі сезімталдықты, нәзік жан құрылысын қабылдау оңайырақ соғады.

Жалпы алғанда өзін-өзі қабылдау - өзін-өзі танудың қорытындылаушы бөлімінің маңызды сәті, дәл осы өзін-өзі жетілдірудің, өзін тану және дамыту дың бастапқы нүктесі болып табылады, бір мезгілде өзін-өзі тану кезеңі ретінде де, тұлғаның бірлігі мен үйлесімділігінің жетістігі ретінде де, өзін тану және дамыту механизмі ретінде де көрініс табады.

Өзін-өзі танудың ең кең және қол жетерлік тәсілі болып басқа адамдарды тану табылады. Өзіміздің жақындарымызға, достарымызға сипаттама бере отырып, олардың жүріс-тұрысының мотивтерін талдай отырып, өзімізді басқалармен салыстыра отырып, біз осы сипаттамаларды кей кезде санадан тыс өз өзімізге көшіреміз. Осындай салыстыру жалпы мен ерекшені бөліп көрсетуге, өзіміздің басқалардан айырмашылығымызды және оның нақты неден тұратынын бөліп көрсетуімізге мүмкіндік береді. Өзін-өзі тану тәсілдеріне бет бұрайық.

Өзін-өзі танудың кең таралған тәсілдерінің бірі, әртүрлі формаларда жүзеге асырылуы мүмкін өз өзіне есеп беру болып табылады. Ауызша өз өзіне есеп беру аптаның, айдың және т.с. соңында жүргізілуі мүмкін. Мұнда күннің немесе аптаның оқиғаларын жаңғырту: өзіңнің әртүрлі жағдайлардағы жүріс-тұрысыңды талдап шығу; барлық позитивтер мен негативтерді атап өту; қандай да бір түрде әрекет жасауға түрткі болған себептерді көрсету; одан да тиімдірек жүріс-тұрыс үлгілерін қарастырып шығу; өз бойыңда «есепті» кезеңде көрініс тапқан қасиеттер мен жеке бас ерекшеліктерін бөліп көрсету маңызды.

Өз өзіне есеп берудің өзге түрі күнделік жүргізу болып табылады. Ол уақыт шығындауды және ерік-жігерді қажет еткенімен, осы түрдің басымдықтары айдан анық. Біріншіден, адам оқиғаларды өзінде жазып алған кезде онда, әсіресе алуан түрлі уайымдауларды сөз түрінде білдіру керек болған жағдайларда, ойдың қарқынды жұмысы жүреді, осының нәтижесінде оқиғаларды да, уайымдауларды да ұғыну процесі жүреді. Екіншіден, күнделік жүргізу бізде бар ең бірегей нәрсені – біздің өміріміз бен оқуымыздың маңызды нәтижесі ретінде көрініс табатын өз өмірлік тәжірибемізді жазбаша түрде бекітіп қоюға мүмкіндік береді. Үшіншіден, күнделікте өзіңнің өткен өміріңді баяндауға, осылайша оны терең ұғынуға, өз тұлғаңның даму динамикасын табуға болады. Төртіншіден, күнделік мұнда баяндау талдаумен үйлесетін өзіңе өзіндік сипаттама беруге мүмкін сыйлайды. Өзін-өзі танудың келесі тәсілдері кинофильмдер, спектакльдер көру, көркем әдебиет оқу болып табылады. Жазушылардың, әсіресе классиктердің тамаша психологтар екендігі белгілі, оның үстіне, олар кей кездері мұны шешуге ғылыми психология тек енді ғана кірісе бастаған мәселелерді көтереді. Көркем әдебиетті оқи отырып, біз кейіпкерлердің психологиялық порттері мен сипаттамаларына, олардың әрекеттеріне, басқа адамдармен қатынастарына назар аудара бастаймыз, сіз еркіңізден тыс өзіңізді осы кейіпкерлермен салыстырасыз. Фильм, спектакль көріп, көркем туындыны оқып, өзіңізге: негізгі кейіпкерлердің әрекеттері қандай? деген бірқатар сұрақ қоюға тырысыңыз. Бас кейіпкердің мінезінің қалыптасуында қандай факторлар жетекші роль ойнап шықты? Адамды дәл осындай болуға не итермеледі? Ол басқаша әрекет жасай алар ма еді? Өзіңіз осындай жағдайда не істер едіңіз? Өзіңіздің көзқарасыңыз бойынша, кейіпкерге өзгеше болу, өзгеру үшін не істеу керек? және т.с. Адам неғұрлым көбірек оқыған сайын, адамның оның ішінде өзін-өзі тану мәселелерінде де соншама көбірек мағлұматты деген ақиқат жақсы таныс. Және, сірә, өзін-өзі тану үшін ең кең мүмкіндіктерді психологияны, оның ішінде тұлға психологиясы, топтар психологиясы; әлеуметтік психология, танымдық әрекет психологиясы секілді тарауларын оқу береді. Қазіргі таңда көптеген орта және жоғарғы оқу орындарында психология міндетті пән болып табылады, бұл, сөз жоқ, оңды фактор болып табылады. Осыған байланысты көптеген пайдалы мәлімееттер білім қалуға, өзіңнің психологиялық сауаттылығыңды арттыруға, өзін-өзі тану сферасын кеңейтуге болатын, көпшілікке арналған психологиялық әдебиеттің көлемі айтарлықтай арта түсті. Психологиялық тестілеуді қолданған пайдалы, бірақ интерпретациялау нұсқаулары мен тәсілдерін зейін қоя оқып шығып, байсалды, сынақтан өткен тесттерді қолданған жақсы екендігін есте ұстау керек. Егер мүмкіндік бар болса, интерпретациялауды маман-психологпен бірлесе жүзеге асырған жақсырақ болады. Ойын-сауықтық тесттерге тиісінше қарап, оларды шындап қабылдамаған жөн.

Өзін-өзі танудың арнайы тәсілдеріне психолог жұмысының алуан түрлі қазіргі түрлерін жатқызған жөн. Дербес кеңес беру барысында психолог пациентпен жұмысын ол мейлінше көбірек ашылатындай, өзінің проблемаларын түсінетіндей, оларды шешу үшін ішкі ресурстар табатындай, өзін-өзі тану актілерін жүзеге асыратындай етіп құрады.Әлеуметтік психологиялық тренинг тобында жұмыс істеу де жақсы нәтижелер береді. Мұнда қарым-қатынас топ осында әрбір қатысушы көрініс табатын өзіндік айна бола отырып, өзгелерді және өзін-өзі тану процесін қарқынды ететіндей етіп құрылады. Топ пен психологтың өзара әрекеттесуінің міндетті шарты жетекшінің сенім мен өзара қабылдау атмосферасын құруы болып табылады. Психологияда тұлғаға тек өзін терең тануға ғана емес, өзін тану және дамыту бағыттарын, әртүрлі өмірлік мәселелер мен қиындықтардың өз шешімдерін жасап шығаруға да мүмкіндік беретін алуан түрлі психотерапиялық әдістердің көптеген саны бар.