Кывтэчас

Мыйӧн торъялӧны кыв да кывтэчас?

Кыдзи артмӧ кывтэчас?

96 удж. Лыддьӧй, туялӧй, мыйӧн торъялӧ кывйыс кывтэчассьыс. Мӧвпыштӧй, кутшӧм юалӧмъяс лӧсялӧны йитчысь кывъяс дорас.

Пу – пӧрӧм пу; кӧч – руд кӧч, ловъя кӧч; син – сюсь син; вошис – вошис син улысь, ӧдйӧ вошис; чеччыштны – чеччыштны пу бокысь; висьтавны – висьтавны ёртъяслы, висьтавны кӧч йылысь.

кутшӧм? кытысь? мый улысь? кодъяслы?

пӧрӧм пу вошис син улысь висьтавны ёртъяслы

тайӧ кывтэчасъяс

· 1.Кор кокньыдджык лӧсьӧдны сёрникузя: ӧти кыв серти? кывтэчас серти?

2. Лыддьӧй кывтэчасъяссӧ выль пӧв да висьталӧй, кутшӧм текст позьӧ лӧсьӧдны на отсӧгӧн.

97 удж. Лӧсьӧдӧй С.Поповлӧн «Зарни паськӧмӧн пасьтасис вӧр» кывбур серти кывтэчасъяс да гижӧй. Йитлӧй кывъяссӧ юалӧмъяс отсӧгӧн. Тӧдмалӧй эмакывъяслысь вежлӧгсӧ.

(Кутшӧм?) паськӧм, (кутшӧм?) бисер, (кутшӧм?) сырчик; мӧдӧдчис (кытчань?), пужъялас (мый?), ӧвтны (мыйӧн?), котӧрт (кыті?).

· 1. Вӧчӧй кывкӧртӧд: а) кутшӧм? юалӧма кывъяс йитчӧны …. (кывсикас) дорӧ; б) … (кывсикас) дорӧ йитчысь эмакывъяс вежӧны …, босьтӧны кывбӧр.

98 удж. Лыддьӧй, тӧдмалӧй кывтэчас йылысь: мый сійӧ, кыдзи артмӧ, кутшӧм овлӧ.

Вежӧртас да грамматика боксянь йитчӧм кык либӧ унджык кыв артмӧдӧны кывтэчас. Видлӧгъяс: бур лун, гажа нӧрыс, ӧдйӧ муна, кыліс сьылӧм, зэв варов. Кывтэчасын ӧти кывйыс сюрӧс (главнӧй), а мӧд кывйыс йитчысь. Сюрӧс кывсяньыс йитчысь кыв дорассувтӧдсьӧ юалӧм.

кутшӧм? кутшӧм? мый? кытысь?

Дженьыд гожӧм, рытъя шонді, ытшка турун, локта вӧрысь. Гижигӧн сюрӧс кывсӧ колӧ петкӧдлыны û пасӧн.

Кывъясыс кывтэчасын йитчӧны кык ногӧн: а) вежӧртаснас да грамматика боксянь; б) сӧмын вежӧртаснас.

Вежӧртаснас да грамматика боксянь йитчӧны кадакыв да вежлӧг формаа либӧ кывбӧра эмакыв да нимвежтас. Видлӧгъяс: ветлыны (мыйла?) вала (кадакыв + мог. в. эмакыв), босьтны (мыйӧн?) киӧн (кадакыв + керант.в. эмакыв), сёрнитны (кодкӧд?) мекӧд (кадакыв + ӧтв. в. нимвежтас), дзебсьыны (кытчӧ?) потшӧс сайӧ (кадакыв + кывбӧра эмакыв).

Вежӧртаснас йитчӧны эмакыв да кывберд, кадакыв да кадакывберд. Видлӧгъяс: джуджыд (кутшӧм?) керӧс, пӧрысь (кутшӧм?) пожӧм (эмакыв + кывберд), ӧдйӧ (кыдзи?) котралӧ (кадакывберд+кадакыв), зэв (ёна-ӧ?) шань (кадакывберд + кывберд).

Кывтэчасӧн оз лоны: кыв кывбӧркӧд (пу вылын, шор вомӧн) либӧ кывторкӧд (абу нин, шусис тай); кывйитӧдӧн йитчӧм кывъяс (ӧтиыс ни мӧдыс).