Главная Случайная страница Контакты | Мы поможем в написании вашей работы! | ||
|
Текст-мӧвпалӧм паныдасьлӧ научнӧй и художествоа литератураын, кор мыйкӧ колӧ гӧгӧрвоӧдны, подулавны.
Мӧвпалана текстыс артмӧ куим юкӧнысь. Медводдза юкӧныс – тезис (ме тадзи мӧвпала). Сійӧ дженьыда юӧртӧ, мый йылысь лоӧ медшӧр сёрниыс. Мӧд юкӧныс – медводдза юкӧнлысь мӧвпсӧ гӧгӧрвоӧдӧм, примеръясӧн подулалӧм: мыйла сідзи? мыйла ме тадзи мӧвпала? Татчӧ содтӧд пример пыдди лӧсялӧ вайӧдны ас либӧ кодлӧнкӧ олӧмысь вӧвлӧмтор, либӧ лыддьӧм небӧгысь юкӧн, либӧ тӧдчана мортлысь шуӧм. Коймӧд юкӧныс – помшуӧм, текстлы кывкӧртӧд вӧчӧм.
Текст-мӧвпалӧмсӧ артмӧдны отсалӧны кывъяс: сы вӧсна мый, ӧти-кӧ, мӧд-кӧ, сідзкӧ, медбӧрын; кывтэчасъяс, сёрникузяяс: ме мӧвпала, мый…; сы шуӧм серти…; медшӧр мӧвпыс –…; колӧ шуны, мый….
· Лыддьӧй выльысь шусьӧг гӧгӧрвоӧдан текстнытӧ (80-ӧд удж). Видлалӧӥ, мый лӧсялӧ текст-мӧвпалӧм признакъяслы, а мый колӧ содтыны.
82 удж. Лыддьӧй текстсӧ да видлалӧй артманногсӧ. Аддзӧй текст-мӧвпалӧм артмӧдысь кывъяссӧ. Сетӧй текстыслы ним.
Нюръяс – зэв аслыспӧлӧс васӧд местаяс.
Ӧти-кӧ, мыйта вотӧс нюрын быдмӧ. Турипув сэтысь вотам, ветлам и шонді рӧма мырпомла. Позьӧ вотны и чӧдлач да пув. Мӧд-кӧ, нюрсӧ вевттьысь нитшкыс йӧзлы колана. Керка лэптігӧн нитшсӧ керъяс костас пуктӧны, медым шоныдсӧ керкаас кутас. Коймӧд-кӧ, нюрысь перйӧны торф. Торфыд – сійӧ ломтас и муяс вынсьӧдан удобренньӧ.
Нюрыс збыльысь аслыспӧлӧс васӧдін. Веркӧссяньыс да пыдӧсӧдзыс мортлы буртор сетӧ. Колӧ видзны тайӧ озырлунсӧ.
· 1. Мый позьӧ содтыны нюрлӧн аслыспӧлӧслун йылысь?
2. Кутшӧм нима нюръяс, тыяс эмӧсь тіян оланінсянь матын?
83 удж. Ӧтитекстын вермӧ лоны и юӧртӧм, и серпаса юкӧн, и мӧвпалӧм. Лыддьӧй Степан Раевскийлысь висьтсӧ, видлалӧй юкӧнъяссӧ.
Дата публикования: 2015-09-17; Прочитано: 197 | Нарушение авторского права страницы | Мы поможем в написании вашей работы!