Зертханалық сабақ 10 – Мұнай өнімдерінің жану және тұтану температурасын анықтау

Жұмыс мақсаты: Мұнай өнімдерінің жану және тұтану температурасын анықтау

Жұмысты жасау: Тұтану температурасын анықтайтын екі құрал түрі бар: ашық және жабық тигельмен. Тұтану температурасын анықтау кезінде ашық приборда құм моншасына салынған темір тигельді қолданады. Тигель түбі мен сауыт арасына жуандығы 5-8 мм болатындай құм сеуіп қою керек. Моншадағы құм мөлшері тигельдегі сұйықтың мөлшерімен тең болу керек. Құм моншасын штатив сақинасына орнатады. Термометрді сұйықтыққа 45мм терендікке батырады. Мұнай өнімінің тұтану температурасы 210⁰С төмен болса сұйықтық тигель шетінен 12 мм қашықтықта болу керек, ал 210⁰С жоғары болса сұйық мөлшері тигель шетінен 18 мм қашықтықта болу керек. Тұтану температурасын анықтау үшін термометрді бақылай отырып құм моншасын қыздырады. Бас кезінде мұнай өнімінің температурасын 1 минутта 10⁰Сқа көтереді, тұтану температурасына 40⁰С қалғанда 1 минутта 4⁰Сқа көтереміз. Тұтану температурасына 10⁰С қалғанда қыздыруды азайтып, әр 2⁰С сайын микрогорелка жалынымен тигель шетінен қыздырып отырады. Жалын ұзындығы 3-4 мм, қыздыру ұзақтығы 2-3секунд.

Тұтану температурасын өнім үстінде аз қопарылыс пайда болып, түтін пайда болғанда белгілеп алады.

Мұнай өнімінің жану температурасын анықтау үшін 1 минутта 4⁰С жылдамдықпен қыздырады және әр 2⁰С температура жоғарлауын горелка жалынымен суйықтықтың бетінде жүргізеді. Жану температурасын өнім жанып 5с жана берген кезде белгілеп алады.

Жұмыс нәтижесін өрнектеу: Жұмыс әдістемесін сипаттау және алынған нәтижелерді жазу.

Өзін өзі бақылауға арналған сұрақтар:

1. Мұнай өнімінің тұтану температурасы деп қай температураны айтады?

2. Мұнай өнімінің жану температурасы деп қай температураны айтады?

3. Тұтану және жану температурасын анықтау жағдайлары.