Шуанног вежлалӧмӧн лыддьысьӧм. Логическӧй ударение

Кужанныд-ӧ ті лыддьысьны?

Кыдзи велавны лыддьысьны выразительнӧя?

126 удж. Лыддьӧй рольяссӧ юклӧмӧн. Сетӧй текстыслы ним.

Марья Ивановна: Видза оланныд, челядь! Босьтӧй тетрадьяс, гижам выль лист боксянь.

Стёпа: А менам тетрадьӧй абу. Мамӧй решайтчис да вунӧдӧма сумкаӧ сюйны.

Марья Ивановна: Стёпа, школаад мунтӧдз колӧ ставсӧ аслыд видзӧдлыны! Со тэныд выль тетрадь. Восьтам небӧгъяс.

Стёпа: Менам небӧгыс абу жӧ. Батьӧй отсасис задача решитны да вунӧдӧма пуктынысӧ. Ой, Марья Ивановна, а менам и ручкаӧй вунӧма!

Марья Ивановна: Коді нӧ босьтліс да вунӧдіс бӧрсӧ пуктыны?

Стёпа: Пӧчӧ! Сылы тӧрыт пенсия вайисны да кырымасьны босьтліс.

Нывка: Эк тэ, Стёпа-тёпа! (Г. Горчаков серти)

· 1.Донъялӧй, кодлӧн медбура артмис рольсӧ лыддьӧмыс.

2. Мый отсаліс лыддьысьяслы бӧрйыны колана шуанногсӧ?

127 удж. Коді медбура лыддяс? Дасьтысьӧй да мичаа лыддьӧй Елена Козлова висьтысь юкӧн. Петкӧдчӧй радиодикторӧн.