Со ӧд кыдз артмылӧ!

Коркӧ Изьваӧ командировкаӧ ветлі. Олыштны муні ӧти дядь ордӧ. Кадыс рытлань, кӧзяиныс буретш ужнайтӧ вӧлі.

— Ин поо, пыр да пуксьы пызан саяс, сёй картапельсӧ, – тшӧктіс варов, нюмбана мортыс.

Панясьыштім, мудз веськӧдiм, сёрнитыштім. Сэсся кӧзяин мудеракодь видзӧдліс ме вылӧ да шуис:

— Ӧні сэсся ватлансӧ бось да бурня дорас воедлы.

Ме эг гӧгӧрво.

— Абу мӧй коми?

— Коми эськӧ да. Но тэ быттьӧ эн комиӧн висьтав да.

— Кыдз иг? Дзик комиӧн.

Сетіс киӧ ведра да корис ветлыны вала.

Вӧлӧм, «ватланыс» изьватас ногӧн ведра, «бурняыс» — ва бось-
тан труба, а «воедлыыс» – котӧртлы либӧ ветлы.

Со ӧд кыдзи артмӧ! Кык коми морт ӧта-мӧдӧс эг гӧгӧрвоӧй.

· 1. Кыдзи лоӧ изьватас ногӧн ӧшмӧс кыв?

2. Кыдзи шуӧны тiян сёрнисикасын: сов, кымӧр, йӧра,
пос, ӧдзӧс, серавны, котравны, чужӧм, куран.

54 удж. Лыддьӧй Иван Торопов «Но, биа-бордаяс!» повесьтысь
юкӧн. Думыштӧй, код йылысь тані висьтавсьӧ, кутшӧм
тӧдчана пас кольӧма тайö мортыс комияслы.

Пароходлӧн кыз труба гӧгӧр медйӧза: шондi лэччӧм бӧрын ёна ыркнитіс, а труба дорас шоныдджык. Кодлӧнкӧ киргысь гӧлӧс сэні сьӧлӧмсяньыс висьталiс:

— O-o! Ti он на тöдö, кутшӧм мича вӧлi водьті Емдіныд!
Ӧтарсянь визувтö Емва, а мöдарсянь паськыд Эжва. А кор пара-
коднад каан, синтӧ он вермы вештыны. Еджыд чудӧ сулалö! Вит
вичко мылькъяс вылын сярвидзö!...

— Но-о!— шензьö сöдзджык голоса.

— А мӧй чайтад! Boдьmi тані аслас Степан Перымскöйыслöн штабыс вöлöма! Сы дырйи на вичкосö карӧмаӧсь, квайтсё во сайын, адьдзан...

— Кутшӧм Перымскöй? – юасьö сійӧ жö том гӧлӧсыс.

— Но, он и тӧд! Да сія жö комиад выль енсö пыртöма! Тӧлка да
титрей морт вöлöма. Ачыс пӧ комиöн жö сёрнитö... Эжваöдыс пӧ
Емдінöдзыс из вылын каас, ёна и чуймöдас народсö...

— Со вӧд!

— А сэні венӧ воасны кутшöмкö Памкöд, важ енъяс дор сула-
лысьяскöд. Ыджыд би ӧдьдзӧдасны, Степаныд и шуö: вай пӧ кыкöн
пырам биас, кодi оз сотчы, сія и венас. А мöдыс оз пыр, шуö: тэ пӧ
титрей, нимкыв тöдан бисьыс...

— То öд... И, шуан, квайтсё во сайын нин тайö вöлöма? Сэки
нин коми йöзыд тані овлöмаöсь?

· 1. Гижöй тöдчöдöм кывъяссö, вайöдöй на дінö литературнӧй кывъяс.

2. Кыдзи мӧд ног позьö шуны: сӧдз гӧлӧс, вен, венны, шензъыны.

55 удж. Кутшӧм шы кылӧ медводзас?Кутшӧм шыпас колӧ гижны?Лыддьöй кывъяссö да вöчöй кывкöртöд, кутшӧм согласнӧй шыпасъяс колö гижны кыв заводитчигöн е да и водзын.

	…ижны		…и
	…ез		…евмыны
Г	…егдыны	К	…епысь
	…ежӧд		…ерка
	…ид		…изь
		…елега
	Т	…ертука
		…етрадь
		…ешкодь

· Шуалӧй кывъяссӧ сідзи, кыдзи найӧ юргӧны тіян сёрниын. Гижӧй транскрипцияӧн.