Іштен біткен жүрек ақауларының бұл тұрінде жүрек қызметінің жеткіліксіздігі ерте шығуы тән. Терминалдық фазада сол қарыншаның созылмалы түрдегі жеткіліксіздігі, мидағы қан айналамының бұзылып, оның тініне қан құйылуы және коронарлық жеткіліксідік пайда болады. Бактериалды эндокардит пайда болуы мүмкін. Қолқа коарктациясы – қолқаның бір жерінің – іштен біткен тарылуы, негізінде ол сол бұғаналық артерия бөлініп шыққаннан кейінгі ұшырасатын қолқа тарылуы.
Ер балаларда әлдеқайда жиірек кездеседі. Баланың шағымдары: бас ауруы, бас айналуы, құлақтағы шу, әлсіздік, ентікпе. Қарағанда - бала ағзасының үстінгі жартысы астыңғы жартысымен салыстырғанда жақсы дамыған. Қан қысымын өлшегенде, қолындағы қан қысымы жоғары, ал аяқтағы пульсациясы өте төмен болады не тіпті анықталмайды. Жүрек көлемі сол жаққа қарай үлкейеді. Аускультацияда: ІІ тон қолқа деңгейінде қатты естіледі. Осы жерде және арқа жақтын ІІ –ІІІ кеуде омыртқасы тұсында систолалық шу естелуі мүмкін. Хирургиялық ем жасалмаса, баланың өмір болашағына нұқсан келеді.
