Главная Случайная страница Контакты | Мы поможем в написании вашей работы! | ||
|
Есейді деуге бола ма,
Жас едім кеше, сенсеңдер.
Шал болып сонда қала ма,
50-ге мендей келгендер?
Не сыр бар, қане атап өт,
Мен емес қарт боп жата алған.
50-де адам ата боп,
Қала ма жастық қатардан?
Тартайын қане садақты ап,
Демесін қуат қалмапты.
«Ер жасы» дейді мадақтап,
50-ді құрғыр салмақты.
Ойымды айтсам бүлдірмей,
Десем бір туды құлатпай.
Жастықты алған білдірмей,
50-ді тұрмын ұнатпай.
Басылмай тұрған аптығым,
Тұлпармын білсең шаң берер.
Шал болып кетсек тап бүгін,
Өмірдің несі мән берер?
50-де дейді ерге жүк,
Жаз айым осы, күз емес.
Ноқтасын салса егделік,
Бас біле қояр біз емес.
Жастықты алып егелеп,
Барып ем кеше арманға.
Жақтырмай тұрдым, не керек,
50-ді таяп қалғанда.
Кіреукі тартып көруім,
Әйелім айтып төрелік.
Келсе бір келсін 50-ім,
Оны да байқап көрелік.
Дата публикования: 2015-10-09; Прочитано: 354 | Нарушение авторского права страницы | Мы поможем в написании вашей работы!