Ouml;ти сёрнитö – мöд кывзö. Ми кывзам, и миянöс кывзöны

Уна сикас ловъя лов олö му шар вылын, но кывйöн сёрнитан сямыс эм сöмын мортлöн. Морт вермö висьтавны, мый синнас аддзылiс, мый пельнас кывлiс, мый сiйöс дöзмöдiс либö чуймöдiс да с.в.

Мöд морткöд, йöзкöд сёрнитiгöн ми тöдчöдам ассьыным висьтнымöс киöн шеныштлӧмöн, юрöн гогйöдлöмöн, нюмъялöмöн. Кывзысьяс синкымсö лэптылöны, воча нюмъёвтлöны, юрнас довкнитлöны. Ми аддзам, мый миянӧс кывзöны (ёрт, бать-мам, велöдысь) и гöгöрвоöны, мый йылысь мунӧ сёрниыс.

· Кыдзи позьӧ петкӧдлыны ловрутӧ ӧтуввезын сёрнитігӧн?

34 удж. Кужанныд-ӧ такӧдны-бурӧдны либӧ ӧлӧдны матысса мортӧс, кор сыкӧд мыйкӧ лоӧма? Висьталӧй, кыдзи (мый отсӧгӧн) тайӧс вӧчанныд?

1. Ой, тетрадьӧс восьсӧн коли да каньӧй чашйӧма гортса уджӧс!

2. Пачысь шыдсӧ вунӧма кыскыны, шоммӧма! Вот и верді тіянӧс!

3. Кокӧс музгыльті физкультура урок дырйи котралігӧн. Доймӧ!

4. Нинӧм эз шед талун. Кадсӧ вошті!

5. Павелсянь письмӧыс дыр тай оз лок. Кыдзи нин олӧ-а?

6. Немтор менам оз артмы! Нинӧм ог кут вӧчны!

· 1.Думыштӧй, кодлы лӧсялӧны тайӧ шуӧмъясыс.

2. Ковмыліс-ӧ ӧлӧдны кодӧскӧ либӧ бурӧдны асьнытӧ? Кыдзи?

35 удж. Висьталӧй серпасъяс сертиыс йӧзыслысь сёрнитанногсӧ. Донъялӧй да вӧчӧй кывкӧртӧд.

Тут рисунки. 1. Мальчик, поднятой головой, жестом руки показывает своё

высокомерие перед друзьями: два-три подростка. Можно в спортивной одежде.

2. Девочка взлохмаченная кричит (показать злую гримасу, открытый рот) на маму либо старшую сестру (показать испуг, удивление)

3. В автобусе два мальчика, показать размахивание рукой, рты в широкой улыбке, один громко говорящий, пассажиры закрывают уши.

36 удж. Мый колӧ тӧдны сёрни да сёрнитанног йылысь – сёрни этш (культура) йылысь?

Сёрнитны верман öти морткöд и унакöд, и телефон пыр либö öтуввезын лöсьöдöм аддзана-кылана йитöд (скайп) пыр. Колӧ стӧча тӧдны, код дорӧ шыӧдчан, медым кужны панны сёрнисӧ, кывзыны да кутны сёрни визьсö.

Сёрнитны колö öта-мöдöс, мукӧд йӧзӧс пыдди пуктöмöн, вежавидзöмöн.

Сёрни да сёрнитанног сертиыс донъялӧны мортлысь олан сямсӧ, культурасӧ.

Сёрни визь – сёрни тема, мыйкӧ ӧтитор йылысь сёрнитӧм.

Сёрни этш – сёрнитан сям: шаня, вежавидзана сёрнитны кужӧм.

37 удж. Лыддьӧй сёрнияссӧ, водзӧ нуӧдӧй сёрни визьсӧ.

1. – Агния баб, вай мыйкӧ мойд, – корис Аннуш.

– Став мойдсӧ мойдлі нин, нинӧм эз коль.

– Мойд, – дзайгӧ нывка.

– Тэ шуан: мойд, ме шуа: мойд. А сьӧд ошкӧс мойда ог?

– … (Е.Козлова серти)

2. – Ыджыд мам, тэ талун мича бобув кодь, – шуӧ Вова.

– Но-о! – серӧктіс сійӧ. – Тэ вӧччы жӧ, ветлам пошта вылӧ батьыдлы звӧнитны.

– Мыйла?

– … (Е.Козлова серти)

3. Мамыс водіс шойччыштны, унмовсис. Ая-пиа сёрнитісны на. Пиыс видзӧдліс мамыс вылӧ, шӧпкӧдӧ батьыслы:

– Видзӧд, мамлӧн синкым весьтас чукыр. Эз на быттьӧ вӧв, а ӧні аддзи.

– А тэ вунӧдін, кыдзи чойтӧ кӧсаӧдыс нетшкин? Аскинас мамыдлӧн чукырыс и тыдовтчис.

– Вом дорас чукырыс либӧ ме вӧсна жӧ артмис? – шогӧ усис зонка.

– И тэ вӧсна, и ме вӧсна…, – ышловзис батьыс.

– …

38 удж. Кужинныд-ӧ нюжӧдны сёрни визьсӧ? Донъялӧй уджтӧ текст вылас подуласьӧмӧн.

Сёрниын быд кыв тöдчана. Сёрнитысь бöрйö сёрни темалы, сёрнитанторлы лöсялана кывъяс, йитö найӧс кывтэчасъясӧ, лӧсьӧдӧ сёрникузяяс, медым кывзысьыс гöгöрвоис да вермис пырӧдчыны панӧм сёрниас. Кужӧмӧн колӧ панны и помавны сёрнисӧ.

39 удж. Мый йылысь позьӧ сёрнитны серпасъяс сертиыс? Лӧсьӧдӧй сёрни ӧти серпас серти, юрнималӧй.

40 удж. Кыдзи позьӧ ӧлӧдныковтӧг уна сёрнитысьӧс? Бӧрйы лӧсялана пом, кыдзи вермис Витяыс дугӧдны варов ёртсӧ, да мед мӧдыс эз лӧгась.

– Чолӧм, Витя!

–Чолӧм, Гриша! Тэрмася, бать корис отсыштны пыж мавтны.

– Витя, менам колӧ тэкӧд сёрнитыштны. Кывзы, тӧрыт меным «два» пуктіс Вера Михайловна. А мыйысь? Ме Касевалы шуа: «Мый тэ век Петьӧыслы шӧпкӧдан ӧтветсӧ?» А сійӧ менӧ оз кывзы, кинас ӧвтыштчӧ. Ме бара шуа…

Пом: 1. – Ме ӧні тэрмася. Рытнас телефонӧн сёрнитам.

2. – Аски асыв сёрнитам. Ме котӧрті.

3. – Некор-некор тэнӧ кывзынысӧ!

41 удж. Ковмылӧ донъявны ассьыныд и ёртъяслысь уджъяс, кодлыськӧ оласногсӧ, кутшӧмкӧ лоӧмтор да с.в. Кодлӧн шуӧмыс да индӧдъясыс, тіян серти, лоасны медтӧдчанаӧн да коланаӧн?

Учёнӧй, бура уджалысь, велӧдысь, ёртъяс, бать-мам, чой-вок, суседъяс.

42 удж. Серпасасьысь кывзӧ,кыдзи донъялӧны сылысь уджсӧ. Кодлӧн сёрниыс ышӧдас бурмӧдны серпассӧ? Гӧгӧрвоӧдӧй, мыйла.

Нина: Бура артмӧма серпасыс. Нывкаыс зэв лӧсьыдик, нюмъялан чужӧма. Дзоридзьясыс киас мичаӧсь. Подув рӧмыс (фоныс, муыс) вот озджык лӧсяв, коліс югыдджык рӧмӧн краситны.

Ира: Абу артмӧма серпасыс. Нывкасӧ эськӧ абу лёка серпасалӧма. Дзоридзьясыс сідз-тадз, мичаӧсь. А стеныс зэв пемыд рӧма, ньӧти оз лӧсяв.

· Мӧвпыштӧй ас йывсьыд, кужӧмӧн-ӧ донъяланныд ёртъясыдлысь уджсӧ.

43 удж. Видзӧдӧй серпасъяссӧ, думыштӧй помсӧ да гижӧй лоӧмторсӧ ас нимсяньыд. Лыддьӧй ёртъясыдлы, кывзӧй налысь донъяланкывъяссӧ.

?

· Кыдзи эськӧ та йылысь юӧртісны «Талун» телеуджтасын? Лӧсьӧдӧй дикторлы лыддьӧм вылӧ текст.

44 удж. Велӧдчӧй гӧгӧрвоны да уджавны схема серти. Видзӧдӧй сетӧм схемасӧ, мӧвпыштӧй давӧчӧй «Сёрни визь. Сёрни этш» темалы кывкӧртӧд.