Аҗл кү асрдг, залху кү харһнадг

Көдлмшч һарин тускар күүндий

Арвн арвс үртә,

Атхсан тәвдго шүрүтә.

Муурхан мартад көдлнә,

Моһлцг һазр кеерүлнә.

Юуна төлә һар кергтәв

Петя аавтаһан ни-негн бәәнә. Ямаран чигн төрәр эдн күүнднә. Нег дәкҗ аавнь ачасн сурв:

- Петенька, юуна төлә күүнд (рис. 2 руки) кергтәв?

- (рис.мяч) – һар наадхин төлә кергтә, – гиҗ ачнь түдлго хәрү өгв.

- Дәкәд юуна төлә?

- (рис. кошка) – иг җөөлн ноосарнь илхин төлә.

- Бас юуна төлә? – гиһәд аавнь хәрү ачан мөшкв.

- Хот уусн цагт, (рис. ложка, вилка, чашка) бәрхин төлә.

-Дәкәд юуна төлә?

- Бичкн чолус (рис.река) – ын уснд хайҗ наадхин төлә.

Кесгтән ачнь аавин сурврт чик хәрүс өгв. Зуг эврәннь (рис. руки) – ин кедг тоотс зааҗ келв. Йосар болхла, цуг бәәдл-җирһл, цуг нарт-делкә теткҗәх күч-көлсч, көдлмшч һар заах кергтә бәәсн болҗана.

(Евгений Пермяк)

_____________________________________________________________

Аавнь ачасн юуна тускар сурв?

Петян хәрү чик гиҗ келҗ болхий?

Ямаран һар заах кергтә билә? Тадн юн гиҗ санҗанат?

♦ Зургуд нерләд, киисквринь келтн.

♦ Өңгрсн цагтан бәәх үүлдәгчс шүүҗ умштн.