Махар, үсәр

Мел асрх*

Ээҗдән заавр

Эн өгнә.

– Көдлмшм күнд.

Көшәд бәәвүв.

Амтта хот,

Аак, белд.

Уучкад, амрад

Унтнав, – гив.

(Җимбин Андрей)

_____________________________________________________________

Юңгад Коля үдлә сернә?

Коля ямаран көдлмш күцәнә?

Дурта иньгүдтән эн яһҗ килмҗән тусхана?

Коля ямаран көвүн? Энүнәс үлгүр авч болхий?

♦ Харар барлата бәәлһнә нердин киисквринь келтн.

♦ Серв, эклв, уув гидг үүлдәгчс ирх цагт тәвҗ хүврәтн.

* эдл-аху – хозяйство

* асрх – ухаживать

Рис. Ежонка не могут разбудить ни мама, ни бабушка, сестра. Но увидев друзей игр. во дворе сразу убежал играть

***

Нег дәкҗ Зарахаг экнь əрə гиҗ серүлəд келнə:

– Кукн, бос, үд болҗ йовна. Яһҗахмч, гемнсн болвзач?

– Би гемнсн угав, намаг нөр тәвҗәхш, – гив Зараха.

Экнь һар-көлинь иләд, ээлтә дууһар:

– Ю-у-у, хәәмнь, шулун босад, ор-дерән яс, хотан ууһад, эцкдән нөкд бол.

– Ю кехмб?

– Теңгрин ки хураһад, хагсаҗ авх кергтә. Цаачн үвл өөрдҗ йовна.

– Керго, босшгов, төрүц юм кешгов, – гиһәд эн заңна.

Невчк бәәҗәһәд, ээҗнь улан альм авч ирәд, зееһән эңкрләд:

Ай, айтахн* зеекәм,

Адгтан* хотан ууһич.

Альмн, хәлә белн,

Амслч – йир әмтәхн!

– Керго! Амсшгов! Унтнав, – болҗ Зараха һар-көлән тиирәд шугшна.

Дарунь эгчнь дурта дүүһән хойр халхаснь үмсәд, эвлҗ келнә:

Арзһр-сарсхр үсичн

Адһм угаһар самлнав.

Алтн ухрар хаш,

Амндчн тәвҗ өгнәв.

Зараха улм заңнад, эгчдән эркләд, шугшна. Генткн һаза наачасн үүрмүднь энүг дуудв.

–Зараха, шулуһар һарч ир. Хамдан наадхмн!

Нөөртән диилгҗəсн Зараха, агчмин зуур босад, һазаран һарч гүүнә.

– Тадн намаг эртәр яһад эс дуудвт? – гиҗ эн үүрмүдән гемшәһәд, бодма хавлҗ авад, деегшән цокв.

Удан унтсн Зарахан орндг одачн ясгдад уга. Эцкнь һанцарн теңгрин ки зөөһәд хагсаҗана.

(Шугран Вера)

__________________________________________________________________

Кен Зарахаг серүлнә?

Зараха ямаран заң-бәрцтә?

Юӊгад Зараха босхар седхш?

♦ Шугшнана, дуудна, гүүнә гидг үүлдәгчс ирх цагт тәвҗ хүврәтн.

♦ Текстәс чинрлгч нерд олтн.

*айтахн – хорошенький

*адгтан – по крайней мере