Главная Случайная страница Контакты | Мы поможем в написании вашей работы! | ||
|
Цәәһин тускар медий
Аав-ээҗдән одлав,
Әмтәхн булмг идләв.
Аав-ээҗин цәәһәс
Ааһан дүүргҗ уулав.
(Шугран Вера)
***
Герәсн хол сурчасн күүкд Цаһан Сарла хәрцхәв. Бата эцкән, ахан, бергән санад* бәәв.
Хотнурн өөрдҗ йовхла, Муузран хар ноха тосҗ ирәд, һәрәдәд, ам-хамраснь долаһад, гер талан нег гүүһәд, Батаһур хәрү эргҗ ирәд, сүүлән шарвадад йовна.
– О - о, мана «пииср» аашна! Сән менд йовнч? – гиһәд бергнь Батаг үмсәд, герт орулв.
Баавнь тәмк татад маштг орндг деер сууна. Цаһан орҗ ирн:
– Аав, «пииср» көвүнтн ирв, үзҗәнт!
– Ирл уга яах билә! Көләр йовсн ирдмн. Не, менд йовҗ ирвч! – гиҗ эцкнь байртаһар маасхлзв.
– Баавларн цаһал. Нам цаһалдган мартад, орс болҗ одсмн болвза энчн? Тенд, школдан, цаһа кедн угавт? – болҗ Цаһан шоглв.
– Баав, үвләс эн-тер уга һарвт? – гиһәд Бата киилгиннь ханц бәрәд, эцк талан өөрдв.
– Менд, менд һарв! – гиҗ баавнь отхн көвүтәһән цаһалад, теврҗ үмсәд:
– Тер дееҗ өргсн цә у, боорцг ид. Тадн школдан хальмг цә уудвт?
– Өдр болһн уудувидн.
Бата дееҗин цә ууҗаһад:
– Муузра яһсмб? – гиҗ сурв.
– Ахчн мал услҗана, удл уга ирх, – гив Цаһан.
(Эрнҗәнә Константин)
_____________________________________________________________________
Юңгад цуһар Батаг «пииср» гиҗәхмб?
Юңгад Бата дееҗин цә ууҗахмб?
Текст нерләд, зура тогтатн.
♦ Харар барлата үгмүдт сурвр тәвәд, киисквринь олҗ келтн.
♦ Маштг, одсмн гидг үгмүдт алңтрулгч хадврмуд олад, бичлһинь шалһҗ цәәлһтн.
♦ Текстәс хөөт үгмүд олад, бәәлһнә нертәһинь умштн.
*санх – вспоминать
***
Кезәнә Зуңкван гегән бийнь тас уга болҗ. Нег цецн күн золһҗ ирәд, энүнд селвг өгнә:
– Тана гемд Деедсин* идән туслх.
– Терчн юмб? – гиҗ Зуңкван гегән* сурҗ.
– Деедсин идән гисн – улан зандн цә (җомба).
Зуңкван гегән цецн күүнә келсиг соңсад, өдр болһн өлн элкндән цә аршала бәәҗ, эдгҗ, – гиһәд домгт келгднә.
Тер цагас авн хальмгуд цәәһәр дееҗ бәрәд, цәәһән эдлхин өмн иигҗ йөрәл тәвдмн:
Не, цә - чигән элвг-делвг болҗ,
Оньдин дөрвн цагт
Кен ахан тевчҗ, ааһта цәәһән бәрүлҗ,
Амулң җирһл эдлхитн
Зуңкван гегән өршәх болтха!
__________________________________
Зуңква гегәнә гемд юн туслв?
Деедсин идән гисн юмб?
Дееҗ өргнә гисн үгмүдин чинр цәәлһтн.
♦ Харар барлата үгмүдт алңтрулгч хадврмуд олтн.
♦ Аршалх гидг үгд синонимс олад, зәңгс тогтатн.
♦ Йөрәләс эгшг үзгәр эклсн үгмүд олад келтн.
*Деедс – боги
*Зуңкван гегән – божество Цзонкапа
«Эңкр мини» гидг дууна айсар.
Дата публикования: 2014-10-25; Прочитано: 293 | Нарушение авторского права страницы | Мы поможем в написании вашей работы!