Сергмҗтә кевәр наадый

Би наачанав,

Бииләд, дуулҗанав.

Тер наачана.

Тогляд гүүҗәнә.

Тедн наачана.

Тачкнад инәҗәнә.

Бидн наачанавидн

Байрта бәәнәвидн.

(Шугран Вера)

Деесәр һәрәдҗ наадлһн

Хойр һарарн Бигә

Хүрүләд деес эргүлнә.

Көлән дегц сольна,

Көлсн һартл һәрәднә.

Тавгнь һазрт күрхш,

Төрүц муурхан медхш.

Бигәг холас хәләхлә,

Биилсн болҗ медгднә.

Гүҗрҗ деесән эргүләд,

Гүн йовҗ һәрәднә.

Деесндән оралдлго бас

Дор ормдан доһчна.