Рвр кедг дасий

Окн Теңгр евәсн

Ончта сәәхн һарсн өдр.

Нарн мандлҗ гегәртхә

Наснчн ут болтха.

(Очкан Борис)

Хәәртә мини үр Девәлә! Моһа сарин тавнд мини төрсн өдр. Би чамд үрвр кеҗәнәв. Мини хайг: Арһмҗ сала, Буурлдан нертә уульнц, 5-гч гер. 10 часла ирхичн күләҗәнәв. Чини үр Кермнәш.

Υрврин ил бичг

– Алло, Аюка, менд.

– Менд, Кермнәш.

– Аюка, эн долан хонгин нарн өдрлә, буйн болтха, нанур күрәд ир.

– Яахар?

– Би һарсн өдрән темдглҗәнәв.

– Кедү часла ирхмб?

– Өрүн арвн часла.

– Ханҗанав. Эрк биш ирнәв.

– Мини хайг эс меднч?

– Меднәв.

– Не, сән байрта харһий!

Рис. У Белочки день рожд. Белочка нарядная встречает гостей, Волчонок нарисовал картину, Лисичка подарила шкатулку, Медвежонок собрал корзину грибов, Девәлә написала стихи

Һарсн өдр

Маңһдур Кермнәшин һарсн өдр. Асхн Белтрг Һаврушур ирәд:

–Хәлә, Һавруш, би Кермнәшт сәәхн зург зурв.

– Фи, хоосн урһа модд зурҗч. Кермнәш өдр сө уга иим модд үздг билә, нам ацмуд деегүрнь оньдин тогляд һәрәдҗ йовла.

– Би кесг өдртән килмҗтәһәр зурлав. Чи, Һавруш, Кермнәшт ю белглхәр бәәнәч?

Мини белг эн гиһәд Һавруш хуучн хәәрцг үзүлв.

– Я-а-а, Һавруш яһҗахмч? Чамд тиим белг таасгдх билү?

– Нанд таасгдшго билә, болв Кермнәшт иим хәәрцг кергтәһинь би меднәв.

– Тиигхлә, ядхтан, энүгән ширәр өңгл. Би чамд нөкд болнав.

– Не, тиигий.

Тиигәд күүндҗәтл эднүр Аюка ирв.

– Пуф, өдртән Кермнәшт теңгрин ки цуглулад, муурв, – гиһәд эн дүүрң земблән һазрт тәвәд, көлсән арчв.

Маңһдуртнь Кермнәшиг үүрмүднь йөрәһәд, белгүдән өгцхәв.

– Ханҗанав таднд, мини эңкр үүрмүд! Эн сәәхн зургиг би хорадан өлгәд, үвл зун уга көк урһа модд һәәхәд, төрскн һазран санандан хадһлхв. Хәәрцгт кесг үүрмг юмсан тәвхв. Теңгрин ки идхдән би йир дуртав. Зембль бас нанд кергтә.

– Ай, Девәлә яһад оратҗахмб? – гив Һавруш.

– Би ирчкүв, гемән сурҗанав, шүлг бичәд, невчк оратв. Кермнәш, авсн наснчн өлзәтә болг1 – гиһәд Девәлә эвкәтә цаас өгв.

Кермнәш умшчкад: Яһсн сән шүлгв! Чи, Девәлә, йоста шүлгч бәәҗич!

Үүрмүд, би тадниг тоохар сенр хот белдүв.Буйн болтха, сууһад эдлтн!

________________________________________________________

Кермнәшин үүрмүд ямаран белгүд белдҗ?

Кермнәшт белгүд юуһарн таасгдв?

Яһҗ Кермнәш эднд үрвр кев?

♦ Харар барлата бәәлһнә нерд эклц кев-янзд тәвәд, ямаран киисклһнд бәәхинь цәәлһҗ келтн.

♦ Эврә бәәлһнә нерд олад, бичлһинь цәәлһтн.

♦ Санандан, цуглулад гидг үгмүдт эгшгүдт таарлт цәәлһтн.

***

Һавруш: Кермнәш, би чамаг һарсн өдрләчн халунар йөрәҗәнәвидн. Ут наста, бат кишгтә бол. Эн хәәрцг чамд белглҗәнәв.

Белтрг: Оньдин дөрвн цагт җирһлчн эн урһа модд мет сәәхн болтха!

Аюка: Идх-уухчн даңгин белн болтха!

Девәлә: Сәәхн дүричнь тодлад чамд шүлг нерәдүв. Эн кевәрн олн әмтнә хаалһар амулң җирһл эдл гиҗ йөрәҗәнәв!

Кермнәш: Ханҗанав, эңкр мини үүрмүд!