Деесәр һәрәддгнааднд

Дегд Бигә дурта,

Эн наадн дөгәтә,

Элдү* болчкад, күчтә.

(Төвкнкин Эрнст)

_________________________________________________________

Юңгад Бигә деесәр һәрәдхдән дурта?

Ямаран кевәр күүкн һәрәднә?

Эн наадн ямаран?

♦ Харар барлата бәәлһнә нердт сурвр тәвәд, киисквринь зааҗ келтн.

♦ Удан эгшгүдтә үгмүд олад, зокалынь цәәлһтн.

* элдү – хороший

Төгәһәр гүүлглһн

Дорҗд һарсн өдрләнь эцкнь төгә белглв. Эн шулун төгәһән унад, хаалһар гүүлгв. Ɵмннь йовсн маши күцәд, нег һарарн хәврһәснь бәрәд дегәлгдв.

Герл докъян улан шам шатхла, машин зогсв. Дорҗ шүрүтәһәр күвкүгд цокгдад, чирәдән дала сөрв авв.

Сөрвснь эдгхлә, эн дәкн төгәһәрн гүүлгв. Хамдан сурдг көвүдиг үзн бийәр, Дорҗ көөрәд, һаранхавтхдан дүрчкәд, төгән дөрәһинь эргүләд йовна. Генткн өмннь бичкн довун харһхла, эн «хард» гиһәд унв.

«Күчтә фигурист бәәҗич!» – болҗ көвүд инәлдв. Дорҗ босад, гүүлгҗ йовх машид хоорнд орад, хаалһ һатлхар седв. Цагдач энүг зогсаһад, ууртаһар:

– Чи юңгад хаалһин зокал эвдҗәхмч?

– Би һатц һархар* седләв? – гив Дорҗ.

– Төгә деерәс бууһад, йовһн улсла әдләр, хаалһиг һатлх кергтә.

Цагдач төгәһәр йовдг улсин тодлвр* Дорҗд өгәд келв:

– Эн тодлврт бәәх хаалһин зокалмуд сәәнәр дасад, тегәд төгәһәр гүүлгҗ чадҗанач.

__________________________________________

Дорҗ хаалһин зокал кедү дәкҗ эвдв?

Йовһн улс яһҗ хаалһ һатлхмб?

Дорҗла әдләр сул цаган давулҗ болхий?

♦ Харар барлата бәәлһнә нердин киисквринь келтн.

♦ Зокалмуд, чадҗанач гидг үгмүд ниилврмүдәр салһҗ девтртән бичәд цәәлһтн.

♦ Хоорнд, деерәс гидг хөөт үгмүд бәәлһнә нертәһинь умштн.

*дөрә – педаль

*хаалһин зокал эвдх – нарушить правила дорожного движения

*һатц һарх – перейти на ту сторону

* тодлвр – памятка

«» гидг дууна айсар.