Мдг дасый

Өөлән көвүн Йисн

Өөмдг даснав гинә.

Өдр өнҗәд эн

Өөмлһнә бассейнд ирнә.

***

Бадм Җанҗ хойр Лолад бәәсн лагерьт таньлдад, сән нәәҗнр болв.

– Чи, Бадм, альдас ирвч?

– Цаһан Амнас.

– Цаһан Амн хама бәәнә?

– Иҗл (рис. река) –ын көвәд.

– Эндәс холый?

– Зөвәр хол.

– Тана Иҗл мана Манц һолас ямаран?

– Манц һолыг би үзәд угав, зуг Иҗләс сәәхн һол нарт делкә деер уга болх гиҗ би санҗанав. Һолын барун амнднь ө-шуһу (рис. дерево) көкрәд урһна. Энд олн аңгуд, шовуд бәәнә.

Зунд Иҗлин цегән уснд ик бичкн уга серүцәд өөмхдән йир дурта. Кегстән өөмҗәһәд, уснас һарч ирәд, көвән халун элсн деер кевтәд, (рис. солнце) –а цур авхла, йир сән!

– Чи, Бадм, усч чаддвч?

– Чадлго. Мадн, көвүд, күүкд, үдин хөөн, (рис.солнце) –а күчн невчк баһрхла, даңгин (рис.река) –ур одад өөмдүвидн.

– Би, чамла әдл, усна көвәд бәәсн болхла, өдрин дуусн уснас һаршго биләв.

– Җанҗ, тиигҗ болшго. Һал үдлә нарн цонаҗ* халулхла, күн наршад*, гем авч болх.

– Тиимий?

– Э, медҗ ав!

(Тачин Анҗа)

__________________________________________________________________

Бадм юңгад Иҗл һолыг буульҗахмб?

Бадм Җанҗд ямаран сурһмҗ өгв?

Текст нерлтн.

♦ Харар барлата бәәлһнә нердт сурвр тәвәд, киисквринь олтн.

♦ Эврә бәәлһнә нерд олад, бичлһинь цәәлһтн.

♦ Олн тоод бәәх нерд олад, бәәлһнә нерд олтн.

*цонах – напекать (голову солнцем)

*наршх – перегреться

***

Занда Байрта хойр школас һарч йовад, эрст өлгәтә зар үзв.

Цуһар оньган өгтн! Үүдәлтин бәәшңд өөмлһнә бассейн секгдв. Өдр болһн 9 часас авн 18 час күртл ирҗ чадҗанат!

Занда зар умшчкад:

- Байрта, усчдг дасий?

- Би усч чаддв.

– Альд дасвч?

– Нидн зун наһц аав - ээҗүрн одхларн даслав.

- Тенд өөмлһнә бассейн бәәнү?!

– Уга, һолын уснд. Наһц аав-ээҗин герәс хол биш һол бәәнә. Өндр эргәс һәрәдҗ булхад, кесгтән усчдг биләв.Уснь йир цевр, өөмхд тааста.

– Кен чамаг дасхв?

– Күүкдтә йова бәәҗ, эврән дасув. Түрүләд би белкүсцә уснд орад, шалвачдг биләв. Хөөннь әм аврдг төгрг* өмнән бәрәд, амрар усчдг дасв. Маңһдур хамдан өөмлһнә бассейнд одый, би чамд үзүлнәв.

– Одый, зуг би уснас әәҗәнәв. Чивҗ одхв.

– Бичә ә. Дамшач* цугинь цәәлһҗ өгх. Би болхла, «кроль» гидг усчлһна эв - арһ* дасч авхар седләв.

– «Кроль» гиснчн юмб?

– Уснд нурһн деерән кевтчкәд, усч чадлһн.

– Не, Байрта, менд бә! Маңһдур эрк биш йовхмн.

– Сән зүүд бәрҗ хон!

___________________________________________________

Юуһар Занда Байрта хойр соньмсв?

Эднә хоорнд ямаран күүндвр болв?

Занда усчдг дасхий? Тадн юн гиҗ санҗанат?

♦ Харар барлата бәәлһнә нердт сурвр тәвәд, киисквринь олтн.

♦ Өөмлх, әәх гидг үгмүдт синонимс олтн.

*әм аврдг төгрг – спасательный круг

*дамшач – тренер

*эв - арһ – способ

– Санҗ, хаалһан тер мана өмн йовсн көгшәһәс сурий.

– Ээҗ, буйн болтха, танас сурҗ болхий?

– Соңсчанав тадниг.

– Өөмлһнә бассейн альд бәәнә?

– Эндәс хол биш. Ода невчкн зуур өмәрән йовад, «Булг» гидг бумблв үзхт. Тер бумблвас зүн талагшан хаҗиһәд, нег хойр минутд йовхла, дигтә үүдәлтин бәәшңгүр күрхт. Өөмлһнә бассейн тенд бәәнә.

– Ээ, ханҗанав

Һаргч киискврт бәәлһнә нерд кенәс? юунас? гидг сурврмудт хәрү өгнә, –ас, -әс гидг чилгчс авна. аав-ас бумблв-ас Кенәс?улс-ас Юунас?нарн-ас көвүд-әсэрс-әс

идн.

– Кергтн күцтхә!

♦ Һаргч киискврт бәәх бәәлһнә нерд олад, чилгчинь зааҗ келтн.