Главная Случайная страница Контакты | Мы поможем в написании вашей работы! | ||
|
У сістэме моўнай падрыхтоўкі студэнтаў філалагічных факультэтаў важнае месца адводзіцца курсу этналінгвістыкі. Вучэбнае выданне “Этналінгвістыка: курс лекцый” уяўляе сабой тэарэтычны блок, у якім выкладзены змест 12-ці лекцый, найбольш важных для разумення этнакультурнай спецыфікі моў. Лекцыйны курс распрацаваны на аснове базавай вучэбнай праграмы “Этналінгвістыка”, складзенай кандыдатам філалагічных навук, дацэнтам А. С. Дзядовай (зацв. Саветам УА ”ВДУ імя П. М. Машэрава” 29.08.2007 г.).
Структура лекцый па кожнай тэме прадугледжвае пералік пытанняў, выклад іх зместу і спіс літаратуры, якая можа быць скарыстана падчас студэнцкай самастойнай працы. Прыведзеныя навуковыя крыніцы арыентуюць студэнтаў на паглыбленае вывучэнне тых ці іншых пытанняў, у тым ліку і дыскусійных. У канцы выдання прыводзяцца спісы асноўнай і дадатковай літаратуры па этналінгвістычнай праблематыцы.
Большасць прапанаванага лекцыйнага матэрыялу ахоплівае тыя тэарэтычныя пытанні, якія, як паказвае практыка выкладання дысцыпліны, з цяжкасцю ўспрымаюцца і асэнсоўваюцца студэнтамі, бо патрабуюць выкладу розных падыходаў і пунктаў гледжання мовазнаўцаў на тую ці іншую этналінгвістычную праблему. Сярод іх закранаюцца пытанні, прысвечаныя разгляду гісторыі ўзнікнення і станаўлення этналінгвістыкі, асвятленню этнічных аспектаў моўнай палітыкі, вывучэнню нацыянальна-культурнай семантыкі безэквівалентнай лексікі, экзатызмаў, фразеалагічных і парэміялагічных адзінак, у якіх “зашыфравана” інфармацыя пра светапогляд таго ці іншага народа, яго абрады, звычаі, уяўленні пра навакольны свет. Многія распрацаваныя тэмы, на думку аўтара, з’яўляюцца найбольш статуснымі і “ключавымі” ў плане лінгвакультуралагічнай адукацыі будучых філолагаў, а таму змест такіх лекцый даволі глыбокі і падрабязны. Трэба адзначыць, што межы дадзенага выдання не дазваляюць выкласці змест усяго лекцыйнага матэрыялу, асабліва па раздзеле “Этнафразеалогія”, па якім у аўтара назапашаны багаты і цікавы матэрыял. Пытанні, якія закранаюць розныя аспекты этнафразеалагічнай праблематыкі, знойдуць сваё тэарэтычнае асэнсаванне і асвятленне ў вучэбным дапаможніку “Этнакультурная семантыка фразеалагічных і парэміялагічных адзінак беларускай мовы”, які рыхтуецца аўтарам да выдання ў 2011 годзе.
Вучэбнае выданне “Этналінгвістыка: курс лекцый” можа быць скарыстана як студэнтамі дзённай, так і завочнай форм навучання пры падрыхтоўцы да аўдыторных заняткаў, курсавога экзамену і заліку па этналінгвістыцы і асновах этналінгвістыкі, а таксама Дзяржаўнага экзамену па дысцыплінах спецыялізацыі “Мовазнаўства”. Прапанаваны лекцыйны матэрыял дазволіць студэнтам паглыбіць і сістэматызаваць веды па асноўных раздзелах курса, звярнуць увагу на найбольш складаныя тэарэтычныя аспекты дысцыпліны.
Заўважым, што колькасць лекцыйных гадзін, адведзеных на вывучэнне этналінгвістыкі на філалагічным факультэце і факультэце беларускай філалогіі і культуры, розная. Дадзенае выданне арыентавана ў першую чаргу на студэнтаў факультэта беларускай філалогіі і культуры, якія вучацца па спецыялізацыі ”Мовазнаўства” і здаюць Дзяржаўны экзамен па дысцыплінах спецыялізацыі. Згодна з вучэбным планам, курс этналінгвістыкі на дзённым аддзяленні ФБФК разлічаны на 36 аўдыторных гадзін (24 лекцыйныя і 12 практычных). Тэматычны план лекцый прыведзены ў наступнай табліцы.
№ п/п | Назва тэмы | Коль-касць лекц. гадзін |
1. | Уводзіны. | |
2. | Этнас і мова. | |
3. | Гісторыя этнамоўных працэсаў на тэрыторыі Беларусі. | |
4. | Глабалізацыя і мова. | |
5. | Мова і культура. | |
6. | Нацыянальна-культурная спецыфіка мастацкага тэксту. | |
7. | Моўная карціна свету і культура. | |
8. | Этнасемантыка. | |
9. | Тапанімічныя і этнанімічныя назвы як адлюстраванне духоўнай культуры народа. | |
10. | Этналінгвістыка і фальклор. | |
11. | Этнас і моўны этыкет. | |
12. | Этналінгвістычная лексікаграфія. |
Лекцыя 1. УВОДЗІНЫ
Дата публикования: 2014-11-28; Прочитано: 740 | Нарушение авторского права страницы | Мы поможем в написании вашей работы!