Прӧстӧй да сложнӧй сёрникузяяс

Кутшӧм сёрникузя прӧстӧй? А кутшӧм сложнӧй?

Кыдзи артмӧ сложнӧй сёрникузя?

189 удж. Лыддьӧй сёрникузяяссӧ, аддзӧй сюрӧса юкӧдъяссӧ. Кымын грамматика подув ӧти сёрникузяас?

1. Даддьӧн джуджыд чойті исковті ме шыльк. 2. Туй вылас вӧлӧма мыльк.

1.. 2..

3. Даддьӧн джуджыд чойті исковтіме шыльк,

а туй вылас сэтӧн вӧлӧмакӧмыльк. (В.Лыткин)

3., а.

· 1. Мӧвпыштӧй, мый тӧданныд прӧстӧй да сложнӧй сёрникузя йылысь?

2. Кутшӧм сёрникузяяс тані лоӧны прӧстӧйнас?

3. Кыдзи артмӧма сложнӧй сёрникузяыс?

Сёрникузяяс овлӧны прӧстӧй да сложнӧй. Прӧстӧй сёрникузяын грамматика подулыс ӧти, а сложнӧйын кык либӧ некымын.

190 удж. Кужанныд-ӧ тӧдмавны сёрникузяяслысь тэчассӧ: прӧстӧй али сложнӧй? Петкӧдлӧй ассьыныд тӧдӧмлунтӧ. Лыддьӧй, гӧгӧрвоӧдӧй, мый серти тӧдмалінныд сёрникузяяссӧ.

1. Шондіыс важӧн нин лэччис. 2.Кыаыс тӧкӧтьӧ тыдалӧ. 3. Кыркӧтш дор нӧрысын сулаліс пожӧм, тӧлыскӧд вензис пыр тулыс и гожӧм. 4. Вой тӧлыс шутьлялӧ, пармаыс шувгӧ. 5. Тӧв кор петас, Эжва лёкмас, гызяс ыджыд гыӧн. 6. Ворс жӧ, чери, гыбав, чеччав паськыд Эжва ваын. 7. Муӧдз нюклясьӧны ньӧръяс, да чегъясьӧны пуяс. (В.Лыткин серти)

· 1. Гижӧй сложнӧй сёрникузяяссӧ, визьнитӧй грамматика подувсӧ.

2. Лоас-ӧ сложнӧйӧн 3-ӧд сёрникузяыс? Мыйла?

3. Мыйӧн торъялӧ мукӧдсьыс 6-ӧд сёрникузяыс? Лӧсьӧдӧй схема.

191 удж. Лыддьӧй сложнӧй сёрникузя артмӧм йылысь, велӧдчӧйторйӧдны мукӧд сёрникузяясысь, аддзыны текстысь, а сідзжӧ лӧсьӧдны найӧс аслыныд.