Тодлтн. Каменное здание школы деревянное здание школы

Рис.

Каменное здание школы деревянное здание школы

чолун гер модн гер

Новае здание старое здании

шин гер хуучн гер

Высокое здание низкое здание

өндр гер маштг гер

2. Күүндтн.

А.: Тана школын гер ямаран?

Ә.: Мана школын гер чолун.

3. Багш: Мана үүрмүд эврәннь школын туск келвр илгәҗ. Эн келврәр зург зурҗ илгәхинь сурҗана.

Мендвт, күндтә үүрмүд! Эн җил мадн шин школд сурһуль сурхвидн. Зунын туршар тосхлтын көдлмш кегдв. Тосхачнр школын эрсинь улан чолуһар кев. Школын деевр күрң өңгтә. Мана шин школ селәнә тал дунд зогсҗана. Эн хойр давхр гер.Хойр эрсин ик терзмүд гилвкнә. Терз болһн цаһан ширәр ширдәтә. Школын үүдн деед үзг хәләнә. Үүд хар модар кеҗ. Эн йир бат үүдн.

Рис. идут строительные раюоты строитель (каменщик)

тосхлтын көдлмш тосхач

4. Багш: Мадн бас эврәннь школын тускар келҗ өгхмн. Би таднд сурврмуд авч ирв. Соңстн.

1. Мана школ альд бәәнә?

2. Мана школ кедү давхр?

3. Школын герин эрс ямаран өңгтә?

4. Школын деевр ямаран өңгтә?

5. Школын үүдн ямаран бәәдлтә?

6. Школын терзмүд ямаран бәәдлтә?

7. Школын хаша ямаран?

5. Багш: Школдан йовдг хаалһан келҗ өгтн.

школа, путь к школе, прилегающие улицы, дороги, перекрестки и т.д.

6. Багш: Өрүн нег бичг ирв. Бичг илгәсн күн нерән бичсн уга. Тааҗ медх кергтә. Умштн.

Бичг

Мендвт, мини үүрмүд! Ода тадн мини бичг умшхар седҗәнәт. Цуһар алң болҗанат. Кен бичсинь медхәр седҗәнәт.

Би һурвдгч класст сурнав. Медрлин байрин өдрт би шүлг келҗ өгләв. Мини ээҗ йөрәл келлә. Би негдгч классин сурһульчнрт наадһас белглләв. Мини үүрин аав – номт.

Мини дурта кичәл – эсв, орс келн, хальмг келн болн информатик. Эсвин кичәлд то тоолнав, бичнәв, самбрт даалһвр күцәнәв. Орс, хальмг болн англь келнә кичәлд би үгмүд чикәр бичдг даснав. Би ахр келврмүд бичхдән дуртав. Багш намаг магтна. Цугтаһаснь икәр би информатикин кичәлд дуртав. Кичәлдән олн соньн юм медҗ авнавидн.

а) Сурврмудт хәрү өгтн.

1. Кен бичг бичсн болхв?

2. Эн кедүдгч класст сурна?

3. Кен йөрәл келв?

4. Ямаран белг эн белглв?

5. Энүнә дурта кичәлмүд ямаран?

6. Ямаран кичәл цугтаһаснь икәр дурлна?

7. Чини дурта кичәл ямаран?

8. Ямаран кел чи даснач?

9. Тана класст эндр кедү кичәл болх?

10. Кедүдгч кичәл болҗана?

ә) Кичәлмүдин дарани зура темдглтн.

№	Сарң	Мигмр	Үлмҗ	Пүрвә	Басң	Бембә
	Эсв
	Орс келн
	Зурлһн
	Һарин эрдм

Иим янзар көдлтн.

А.: Сарң өдр кедү кичәл болна?

Ә.: Сарң өдр 4 кичәл болна.

А.: Түрүн кичәл ямаран?

Ә.: Түрүн кичәл эсв.