Мана школ

Рис. Кееды

6. Тавн тө сахлта нег тө өвгн

Җаңһр: Намаг маңһдур зурһан часла серүл.

Ээҗ: Эрт биший?

Җаңһр: Ээҗ, би школын линейкд шүлг келх зөвтәв.

Шүлгән невчк давтхар седләв.

Цецгүд хулдҗ авх кергтә.

Мана класс ирсн гиичнрт белг белглх зөвтә.

Ээҗ: Кен ирхмб?

Җаңһр: Ачта малчнр, һардачнр, амрлһнд һарсн медәтә багшнр.

Школан үзхәр седҗәнәв.

Эн сурһулин җил мана классин хора хойрдгч давхрт бәәхм.

Ээҗ: Үлү үг келл уга, дорваһан белдҗ ав.

Энчн юмб?

Җаңһр: Эн мини дурта наадһа болн умшлһна дегтр.

Ээҗ: Наадһаһан гертән үлдә.

Бичкн бишич. Һурвдгч класст сурхич.

Җаңһр: Мадн цугтан нег дурта наадһаһан авч

ирх зөвтәвидн.

Негдгч классин сурһульчнрт белглхвидн.

Ээҗ: Тиим болхла сән.

Чини үр көвүн ямаран наадһа белглҗәнә?

Җаңһр: Улан ацана маши белглҗәнә.

Хоңһр цаһан седклтә, хатуч биш.

Долан часла мини ардас ирх.

Ээҗ: Би йөрәлин үг келнәв.

Келх үгән бичәд авчклав. Соңслч:

«Байрта сурһулин түрүн өдрлә,

әрүн цаһан седкләсн, күндтә мана багшнр,

хөвтә мана бичкдүд, экнр, эцкнр, ээҗнр, аавнр,

цуг ирсн улс, тадниг йөрәҗәнәв!

Сурһультн өлзәтә болтха!»

Җаңһр: Тиигтхә, йөрәл шиңгтхә.

Энүнәс сәәнәр келҗ болшго

Нә, ээҗ, сән зүүд бәрҗ хонтн.

Намаг серүлхән бичә марттн.

Рис. бабушка с внуком в комнате внука, на стуле висит белая рубашка, черные брюки, под стулом обувь, на стуле рюкзак

1-гч әңг Сурһультн өлзәтә болтха!

1. Умштн. Чееҗәр дастн.

Һаха сарин нег шин.

Серү татсн өрүн Улан бүчтә хоңх

Һаха сарин негнд болв, Уульнцд тодрха соңсгдна,

Сахньҗ адһсн бичкдүд «Үүрмүд, шамдтн!», - гиҗ

Һаза олар үзгдв. Үүд зааҗ дуудна.

Сииләд кесн школ Көгшн багшан үзәд

Селән дунд цаһана, Көвүд, күүкд мендлнә,

Сарул олн терзмүднь Кеерүлҗ оларн белдсн

Сурһульчнриг дуудҗ гилвкнә. Каңкнсн цецгәһән бәрүлнә.

Беглән Һ.

Школурн белгтәһән ирлһн.

Һаха сарин нег шин болв. Эндр цуг сурһульчнрин байрта өдр. Сурһульч болһн эн өдриг икәр күләнә, урдаснь белднә. Мана 3-гч классин сурһульчнр школдан белгтә ирцхәв. Зәрмнь баглата сәәхн цецгүд һартан бәрцхәҗ. Җаңһр Хоңһр хойр дурта наадһасан авч ирв. 1-гч классин сурһульчнрт белглхәр седҗәнә. Байрта сәәхн өңгтә моһлцг чолуд түңгрцгт кеҗ. Долан сад дотрас бәрҗ авсн бичкн зара авч ирв. Йисн бичкн-бичкн заһста банк авч ирв. Эдн класстан әмд булң кехәр седҗәнә.

а) Сурврмудт хәрү өгтн.

1. Кен школдан белгтә ирв?

2. Эн сурһульчнр кедүдгч класст сурх?

3. Кен бичкн зара авч ирв?

4. Сурһульчнр класстан ю кехәр седҗәнә?

ә) Чик эс гиҗ хаҗһринь келтн.

1. Һаха сарин нег шин – медрлин өдр. ___

2. Сурһульчнр белгән эврәннь класстан авч ирв. ___

3. Җаңһр улан ацана маши авч ирв. ___

4. Байрта Долан хойр алтн заһс авч ирв. ___

5. Байрта сәәхн теңгсин чолуд авч ирв. ___

6. Байрта чолуд дорвадан авч ирв. ___

7. Хойр үр белгән 1-гч классин сурһульчнрт

белглхәр седҗәнә. ___

8. Сурһульчнр багшдан цецгүд белглнә. ___

9. Бичкдүд ке хувцан өмснә. ___

10. Эдн 3-гч классин сурһульчнр. ___

б ) Күүндтн.

1. Медрлин өдр кезә темдглгднә?

2. Эн өдр школ болһнд юн болна?

3. Школын линейкд кен ирнә?

4. Бичкдүд багшнртан ю авч ирнә?

5. Негдгч классин сурһульчнрт ю белглнә?

6. Кедү часла школын линейк эклнә?

7. Линейкд кен үг келнә?

8. Кенә ээҗ йөрәл келв?

9. Бичкдүд школдан ю авч ирв?

10. Кен зара авч ирв?