Зузан дегтр нимгн дегтр шин дегтр хуучн дегтр

3. Күүндтн. А.: Эн юмб?

Ә.: Эн дегтр.

А.: Эн ямаран дегтр?

Ә.: Эн зузан дегтр.

4. Шинҗлтн. Келвр маднд ямаран уха медүлҗәнә?

Дегтр – эңкр иньг

Дегтр ямаран чигн медрлин түлкүр. Дегтр – мана цагин нөкд. Дегтр цуг олн әмтнд уха орулна. Сән дегтр умшхла, ухата соньн күүндвр кеснлә әдл болна. Эс медсиг дегтрмүдәс умшад, медрлән өөдлүлҗ болхмн.

Сурһульчнрин күцәх эркн кергнь – ончта сәәнәр сурһуль сурх керг мөн. Сән медрлтә күн төрскндән ик туста болхнь лавта Эн учрар цуг сурһульчнр дегтр умшхдан ик дурта болх зөвтә.

Дегтриг шуулл уга, цеврәр хадһлхмн. Умшсн цагтан цаасинь нуһлхмн биш. Дегтр деер төрүц юм бичхмн биш. Дегтриг сууһад умшхмн. Кемр кевтәд умшхла, нүднә харан муурна Дегтриг эврәннь хойр нүднләрн әдл харҗ хадһлх кергтә.

Дегтр мана зөөр. Дегтр тасрхан уга умшдг дастн. Дегтр – бичкдүдин эңкр иньг мөн.

а) Чик эс гиҗ хаҗһринь келтн.

1. Күн дегтрәс медрл авна. __Ч__

2. Дегтр икәр умшхмн биш. _____

3. Дегтрәс күүнә нүдн муурна. _____

4. Дегтрт юм бичҗ болҗана. _____

5. Дегтриг кевтәд умшхмн. _____

6. Дегтриг сууһад умш кергтә. _____

7. Дегтр – мана зөөр. _____

8. Керг уга дегтр шуулхмн. _____

9. Дегтр цеврәр хадһлхмн. _____

10. Дегтр умшх кергтә. _____

ә) Зураһар ахр келвр тогтатн.

Зура

1. Дегтр гисн юмб?

2. Күн дегтрәс ю авна?

3. Дегтриг яһҗ хадһлх кергтә?

4. Дегтр яһҗ умшх кергтә?

5. Нүдән яһҗ хадһлх кергтә?

б) Ямаран үгмүд келврт олзлгдсн уга.

Зузан, медрл, соньн, зөөр, илвтә, муурна тууҗин, туульс, сууһад умшх.

в) Хойр баг үгмүдәс келврлә ирлцүлҗ үгин ниицлһс тогтатн.

зөөр

өөдлүлх

медрл умшх

дегтр туста

күүндвр бичхмн биш

соньн

ухата

ончта

г) Зәңгс чикәр умштн.

1. Нанд (рис. большой толстой книги) бәәнә.

2. Мини (девочка с книгой) умшхдан дурта.

3. Дегтр (мальчик лежа читает) умшхмн биш.

4. Дегтр (девочка читает сидя) умшхмн.

5. Дегтр (мальчик рвет книгу) биш.

Ашлвр

Дегтрин тускар ю меднәт?

Нег-негндән келҗ өгтн.