Гиич гиичнр зара зарас

Ашлвр.

Олн тооһин суффиксмүд: -д/-т, -уд/-үд, -муд/-мүд, -нр, -с

6. Умштн. Сурврмудт хәрү өгтн. Күүндвр тогтатн.

Ирсн тадн чигн, Гем-зовлң уга,

Ирүлсн мадн чигн, Сән сәәхн бәәхмн!

Бәәсн-бәәсн һазртан

1) Эн ямаран литературн жанр? 3) Юуна тускар келгдҗәнә?

2) Кенә тускар келгдҗәнә? 4) Альд, кезә келҗ болхм?

7. Соңстн. Бийән шинҗлтн.

Эн йөрәл. Йөрәл – амн үгин жанр. Эн йөрәлиг ирсн гиичнрт келҗ болхмн.

8. Сурврмуд эврән тәвтн.

Сурһулян сәәнәр сурч,

Сән нүднд үзгдҗ,

Эк-эцкиннь нер дуудулҗ,

Эңкр үрн бол!

2-гч әңг Мини үүрмүд

Умштн.

Сән седкл

Витя һурвдгч класст сурна. Школасн ирчкәд, көвүн экдән нөкд болна. Өдр болһн лавкас үс, өдмг хулдҗ авч ирнә.

Нег дәкч Витя өдмг авад, хәрҗ аашла. Өмннь медәтә залу адһҗ йовла. Тер күүнә хавтхас нег юмн унсинь көвүн үзв. Залу медлго йовсн кевәрн йовад йовна. Витя одад, унсн юминь өргәд авна. Тернь альчур бәәҗ.

- Альчуран унһачквт. Альчуран автн! – гиһәд көвүн хәәкрәд, медәтә күүнә ардас гүүнә. Күцҗ ирәд, альчуринь өгнә.

Толһаннь үсн буурлтад бәәсн медәтә күн бәәҗ. «Мини аавла әдл», - гиҗ Витя сана.

- Ханҗанав. Сән седклтә көвүн бәәҗич. Мини наснд күр. Эн альчур дотр пенсәс үлдсн мөңгн оралһата йовла. Олҗ өгснчнь йир сән болв гиһәд, өвгн икәр байрлв.

Бембин Һ.

а) Сурврмудт хәрү өгтн.

1. Келврт кенә тускар келгдҗәнә?

2. Көвүн кедүдгч класст сурна?

3. Экдән яһҗ нөкд болна?

4. Көвүн өдр болһн ю кенә?

5. Нег дәкҗ ямаран йовдл болв?

6. Медәтә залу ю унһав?

7. Витя ю кев?

8. Медәтә залу яһад байрлв?

9. Медәтә залу яһҗ көвүг магтв?

10. Витя ямаран көвүн?

2. Шинҗлтн. Тодлтн.

→ школас Альдас? → герәс → хораһас - = -