Түүмрәс бийән саглый

Түүмр унтрадг машин

Түргәр, чишкҗ гүүв.

Хаалһднь харһсн хамг

Хәврһшән, сүрдҗ, һарв.

Тоолврм, агчмд тарад

Толһаһим әәмшг дүүргв.

(Көглтин Дава)

***

Зәрмдән түүмр орсн гермүдт арһ уга бичкн күүкд үлднә. Тедн әәхләрн, энд-тенд бултад, тагчг бәәнә. Нигт утанд тедниг олхд әвр күнд. Тиим цагт түүмрчнрт* дөң болдг нохас бәәнә. Лондон балһснд нег иим ноха 12 күүкд әмд-менд һалас авч һарһҗ. Нохан нернь – Боб.

Нег дәкҗ түүмр орсн герүр түүмрчнр гүүлгҗ ирхлә, теднә өмнәс уульсн күүкд күн:

– Герт хойр наста күүкм һанцарн үлдлә.

Түүмрчнр Бобиг герүр тәвв. Тавн минут болад, ноха амндан киилгәснь зууһад бәрсн күүк авч ирв. Экнь күүкән теврҗ авад, әмд үлдснднь байрлад, улм икәр уульв. Түүмрчнр нохан нооснь шатсн болвзго гиһәд эргүлҗ хәләхәр седхлә, Боб күгдләд, хәрү герүр гүүв. Эн удан боллго амндан нег юм бәрсн утан заагт үзгдв. Нохаг тоссн әмтн җе гитлән инәцхәв. Ноха ик күүклдә шачасн герәс авч ирв.

(Лев Толстой)

____________________________________________________________________

Боб ямаран эрдмтә ноха?

Юңгад ноха күүклдәг түүмрәс авч һарч?

Текст нерлтн.

♦ Олн тоод бәәх бәәлһнә нерд олад, суффиксинь заатн.

♦ Текстәс орч нерд олтн.

♦ Харар барлата бәәлһнә нердин киисквринь келтн.

*түүмрч – пожарный

***

Түүмр* шатҗана гилдәд

Тедүхнд бичкдүд шууглдв,