Неелт кедг дасий

Теегәр һарад йовхла,

Төгәлң цецгүд дала,

Каңкнсн сәәхн үнртә,

Ке уняртсн зүстә.

(Дентелинә Раиса)

Алтн царң*

Мана герин өмн бәәх царңгиг әмтн «алтн царң» гидмн. Би энд урһҗах җамб цецгүдиг, сәәхн биш гиһәд, хара зөңдән* таслад хайчкдг биләв.

Нег өрүн эрт босад, царңгин ца бәәх нуурур заһс бәрхәр һарув. Царң ноһан өңгтә. Үдин хөөн хәрҗ йовхлам, царң нарна герлд шарлсн өңгәрн күүнә нүд байрлулв.

Би алң болад, эн цецгүдиг шинҗлдг болув. Асхн шидр хәләхлә – царң хәрү ноһан өңгтә болҗ одв. Өөрдәд хәләхлә – эдн шар делвсән хаачксн бәәҗ.

Маңһдуртнь үдлә би дәкн царңгур одв. Җамб цецгүдин секәтә делвснь шарлад бәәнә. Тер цагас авн җамбиг йир соньн, өвәрц цецгүд гиҗ тоолдг болв. Эдн нанла әдл нарн суухла унтад, нарн һархла сернә.

Иигәд би түрүн неелт* кевүв.

(Михаил Пришвин)

_________________________________________________________________

Җамб цецгин нуувч юунд?

Юңгад көвүн эн цецгин туск эврәннь тоолвран сольв?

♦ Кел-җәнә, кел-нә, кел-ә гидг үүлдәгчс 2-гч нүүрт тәвтн.

♦ Харар барлата хөөт үгмүд бәәлһнә нертәһинь келтн.

♦ Алтн гидг үгин чинринь заатн.

*царң – луг, лиман

*хара зөңдән – ради забавы

*неелт – открытие

Рис.фиалка