Би цергч болнав

Мөңкинд төвкнү хардг,

Мел сагар бәәдг,

Мергн, түргн, зөргтә

Меҗән манач болнав.

(Эрнҗәнә Константин)

Рис. мальчик прибежал с улицы, где катался на санках, из армии вернулся брат, на груди медаль «За боевые заслуги»

***

Көвүд өндр эргәс цанар дошчала.Шорва теднүр ирҗ йовад, ик холас хәәкрв:

– Санҗ, тана Эрдм автобусас бууһад, хәрҗ одв.

Җилдән ахан үзәд уга Санҗ цанан чирәд, герүрн адһв. Ик хорад гүүҗ орхлань сәәхн цергә хувцта, Эрдм энүг тосв, өрчднь медаль гилвкәд бәәнә. Эн дүүһән теврҗ үмсәд, деегшән өргәд келв:

– Намаг цергт мордхла, чи маштг нурһта биләч, ода зөвәр өсчҗ.

Санҗ ахан күзүдәд, яһад медаль авсинь, цергч күн ю кедгинь мөшкҗ*сурв.

– Цергчнр цуг әмтнә төвкнүн бәәдлиг харна, йилһән сәәнәр церглсн күүнд ачлвр өгдмн, – гисн цәәлһвр ахнь өгв.

– Би өсхләрн бас цергч болнав, – гив Санҗ.

– Болхч, зуг ода деерән сурһулян сәәнәр сур, цогцан батл. Төрскән харсх цергч сурһульта болсн деерән, чаңһ-чиирг болх зөвтә.

Асхн өрк-бүл, элгн-садн хурад, Эрдмиг йөрәһәд нәр кев.

______________________________________________________________

Ахнь дүүһән яһҗ таалв?

Эрдм яһҗ церглҗ?

Юңгад Санҗ цергч болхар бәәнә?

♦ Харар барлата үгмүд ямаран келлһнә хүв болҗахинь цәәлһтн.

♦ Шорва, цергт, цанар гидг бәәлһнә нердин баг киисклһинь, тооһинь болн киисквринь зааҗ келтн.

♦ Удан эгшгүдтә үгмүд олад, бичлһинь цәәлһтн.

* мөшкх – расспрашивать