Ногапас

Мыйла содтана юкӧдсӧ шуам ногапасӧн?

Мый петкӧдлӧ ногапас?

Сёрникузяын кутшӧм кывкӧд йитчӧ ногапас?

159 удж. Гижӧй кывтэчасъяссӧ,пасйӧй сюрӧса кывсӧ, сувтӧдӧй йитчысь кыв дорас юалӧм.

Висьтавлісны ошйысьӧмӧн, пӧтмӧныс ислалісны, увлань юрӧн сунгысьлыны, усьӧма лым пытшкӧ, усьӧма гатшӧн, пуксьӧдіс даддяс, котӧртӧдіс гортас.

· 1. Кутшӧм кывсикасӧн петкӧдлӧма сюрӧса кывсӧ?

2. Кутшӧм юалӧмъяс лӧсялӧны йитчысь кывъясыслы?

3. Мый петкӧдлӧны йитчысь кывъясыс?

Кыдзи? кӧні? кор? мыйла? ёна-ӧ? юалӧмъяс вылӧ вочавидзысь кывъяс петкӧдлӧны действиелысь мунанногсӧ, мунанінсӧ, мунан кадсӧ, помкасӧ. Сёрникузяын найӧ лоӧны содтана юкӧдъясӧн – ногапасъясӧн.

Ногапасӧн вермас лоны кадакывберд, кывбӧра эмакыв, кывтэчас. Сёрникузяын ногапас векджык йитчӧ кадакывйӧн петкӧдлӧм кывкӧд.

160 удж. Вынсьӧдӧй тӧдӧмлунтӧ ногапас йылысь. Лыддьӧй сёрникузяяссӧ, аддзӧй сюрӧса юкӧдъяссӧ, юалӧм отсӧгӧн аддзӧй ногапасъяс. Гижӧй бӧръя куим (4,5,6-ӧд) сёрникузясӧ, визьнитӧй сюрӧса да содтана юкӧдъяссӧ.

1.Пӧтмӧныс ислалӧм бӧрын челядь ошйысьӧмӧн висьтавлісны ӧта-мӧдныслы усьласьӧм йывсьыныс. 2.Кодкӧ увлань юрӧн сунгысьӧма, кодкӧ гатшӧн усьӧма. 3.Усьласьӧмъяссӧ аслас лыжи беддьӧн пасъяліс Ивук. 4. Лым вылын тӧдчис кольчаа беддьӧн сатшйӧдлӧм лыдтӧм розь. 5. Челядь долыда сералісны. 6. Лена пуксьӧдіс Ивукӧс даддяс да мӧдӧдчис гортас. (Л.Мартюшева серти)

161 удж. Лыддьӧй шусьӧгъяссӧ, гӧгӧрвоӧдӧй вежӧртассӧ. Гижӧй сёрникузяяссӧ, кӧні эм содтана юкӧд – ногапас. Визьнитӧй сюрӧса да содтана юкӧдъяссӧ. Пасйӧй вылісяньыс, мыйӧн петкӧдлӧма ногапассӧ.

1. Киссьӧм тывнад черитӧ он кый. 2. Мӧскыдлӧн йӧлыс кыв йылас. 3.Дыш вӧлыд мегыр пырыс видзӧдӧ. 4. Бур видз вылысь бур и турун лоӧ. 5.Тыртӧминӧ потшӧс оз потшлыны. 6. Каньтӧгыд шыръяс йӧктӧны пызан вылад. э макыв ина в.

Отсӧг: Тыртӧминӧпотшӧсоз потшлыны.

162 удж. Лыддьӧй кывбурсӧ пунктуация пасъяс пыдди пуктӧмӧн. Бӧрйӧй ногапаса сёрникузяяс да гижӧй.