Төрскни цергчнрт туурмҗ!

Дəн керго гиҗ

Давтҗ цуһарн келий.

Делкəн күч-көлсчнр,

Дегц чидлəн негдүлий.

«Дəн» гидг үг

Дəкҗ бичə соңсгдтха.

Делкə саатулдг һазр

Дəəнд бичə дəəвлтхə.

(Эрнҗəнə Константин)

рис. Дети на уроке по шаблону вырезают голубей. На доске образец голубя.

***

– Эндр бидн эвин кичәлд цаасар көглҗрһд кехмн, – гиҗ багш зәңглв. Көглҗрһн – эвин элч*. Цаасар кесн шовун деер эвин туск санаһан күн болһн бичтн. Күүкд, ямаран үгмүд бичҗ болх?

–Эв – күүкдин инәдн.

– Оньдин нарн мандлтха*!

– Оньдин аакм бәәтхә!

– Ни-негн бәәхмн!

– Эв цуг әмтнд кергтә!

Чик, хойр җилдән сурад, мадн ниитә бүл болувидн. Цааранднь чигн хоорндан үүрләд, нег-негндән дөңгән күргәд бәәхвидн. Юңгад гихлә мадна хоорндк иньгллт орчлң деер эвәр бәәлһнд бас бичкн тәвц болх.

Көглҗрһд минь, көглҗрһд,

Көк аһуһар нистн,

Делкән әмт негдүлҗ,

Делгүд эв күргтн!

___________________________________________________________

Эвин кичәлд сурһульчнр ю кеҗәнә?

Цаасн көглҗрһд деер күүкд ямаран үгмүд бичх?

Көглҗрһиг юңгад эвин элч гидмн?

Өггдсн текстиг нерлтн.

♦ Харар барлата үгмүдиг ниилврәр салһтн.

♦

*элч– посол

*мандлх – восходить, сиять

Бумб

Эргин ташуд делдсн*,

Элстин нерн болсн,

Баатрмудын бумбд әмтн

Бадм цецгүд тәвнә.

Олн улсин седклд

Оньдин тедн әмдиг,

Үй - үйдән зөргәрн

Үлгүр болсиг үзүлнә.

Төрскнәннь хөв харсҗ

Туурад алдршсн* баатрмудт

Үкл угаг зарлсн

Үрглҗин* заль дәрвкнә.

(Көглтин Дава)

___________________________________________

Кенд бумб тәвгдсмб?

Яһад баатрмудын нернь олнд туурсмн?

*делдх – создавать

*алдршсн – прославленный

*үрглҗ – постоянно

«Тавн уулын белднь» гидг дууна айсар.