Дөрвн көлтә иньг

Чирә - зүснь ирвск,

Чидләрн зуг тату,

Гер - бүлин иньг

Һар дахад өснә.

Энүг тадн таняд,

Эврән неринь заатн.

Хот уусн цагт

Хаҗудтн даңгин сууна.

(Саңһҗин Бося)

рисунок кошки

***

Нанд ээҗм миисин кичг белглв. Эн һавшун*, ухата, ик мис болҗ өсв. Намаг школас ирхлә, миисм мәәләд, сүүлән өргәд, барун өмнк көлән өгәд «мендлнә».

Нег дәкҗ миистәһән наачахла, ээҗм келнә:

- Айса, миисин шинҗ* меддвч?

-Уга, - гиҗ хәрү өгхлә, ээҗ үгән эклв.

Хальмг улс кезәнә,

Ховр шинҗ олҗ,

Арвн хойр заяни

Аҗгллһ* иигҗ келҗ:

Аюһин нооста,

Арслңгин унтлһта,

Моһа сүүлтә,

Харада сахлта,

Мөрн чееҗтә,

Харцх шовуна шүүрлһтә,

Чон чиктә,

Күн хамрта,

Шар шовуна нүдтә,

Туула урлта,

Ноха суудлта,

Ирвскин хумста.

_____________________________________________________________________

Ээҗ ю белглв?

Мис ямаран болҗ өсв?

Школас ирхлә мис яһҗ тосна?

Ээҗ ю келҗ өгнә?

Миисин шинҗ келтн.

♦

♦

* шинҗ – примета

* һавшун – проворный, ловкий, изворотливый

* аҗгллт – наблюдение

«Такас» гидг дууна айсар.