Шавашмуд

Хәдрис! Хәдрис! Нисәд од!

Хойр көлән мульҗад од!

Хойр ээмән холькад од!

Хальмг көвүн, авад од!

(Көглтин Дава)

***

Биилҗәх күн муурад ирхлә, терүнд сүрә өгхмн* төлә хойр-һурвн күн шаваш хайна. Шаваш гисн шүлгләд, бииһин айс алдлго, домбрт түргәр келдг үгмүд. Шаваш соңссн биич, җивр урһсн мет, эргәд, дуһрад биилнә.

Хәрс, хәрс, авад од,

Хәрин көвүн, хальгад од,

Өскәһәрн эргәд од,

Өмннь ирәд, сөгдәд од.

Иг кевтә ээрәд од,

Будан кевтә буслад од,

Булмг кевтә лугшад од,

Хәдрис! Хәдрис!

Элә кевтә эрлзәд од,

Элсн кевтә дошад од,

Хү кевтә хурлзад од,

Хулсн мет ярлзад од.

(Эрнҗәнә Константин)

_____________________________________________________________________

Эн шавашмуд ямаран цагла олзлгдна?

Эдниг яһҗ келх кергтә?

♦

♦

* сүрә өгх –воодушевлять, вдохновлять

Элә кевтә эргәд од!

Иг кевтә ээрәд од!

Будан кевтә буслад од!

Булмг кевтә лугшад од!

(Эрнҗәнә Константин)

– «Бамб цецгин» бичкдүд биилхлә теегин торһас җиргсн болна, – гиҗ концертәс һарсн ээҗ келв.

– Би бас шаваш даслав.

Нерлгч

Нерлгч зәӊгд кенә, юуна тускар келгдҗәхиг медүлнә. Кен? Юн? гидг сурврмудт хәрү өгнә. Υлгүрнь: Авһ шаваш хайв. Кеер улан цецгүд урһна.