Гемнгч киисквр

Гемнгч киискврт бәәх бәәлһнә нерд кениг? юуг? ю? гидг сурврмудт хәрү өгнә. Гемнгч киискврт бәәх үгмүд- иг, (-г) чилгчс авна. Ю? гисн сурврт хәрү өгчәх үгмүдт чилгчс уга.

2-гч багин бәәлһнә нерд һоллгчдан - иг гисн чилгч авна: (кениг?) Манҗ иг, (юуг?) самбр иг, (ю?) дегтр.

1-гч багин бәәлһнә нерд гемнгч киискврт н эцүсән гееһәд, ормднь г болн иг чилгчс авна: темә н – ( юуг? ) темә г, төрск н – (юуг?) төрск иг.

Зуг зәрм үгмүд гемнгч киискврт н эцүсән геехш: Һалзн – (юуг?) Һалз н иг.

3-гч багин бәәлһнә нерд гемнгч киискврт деерән г чилгч авна: зара – (юуг?) зара г, кирү – (юуг?) кирү г.

131. Умштн. Буулһҗ бичтн. Гемнгч киискврт бәәх бәәлһнә нерд темдглтн.

1. Ноха яс кемлнә. 2. Өлзәт Герләг дуудна. 3. Экнь Манҗиг делгүр орулв. 4. Эрднь һасиг һазрт булв. 5. Багш күүкиг сән гиҗ буульв. 6. Ээҗнь Мазниг нөкд болхинь сурв. 7. Нисч йовх сәәхн шовуг цугтан һәәхв. 8. Элдәг телевизорар үзүлв, эн сән дууч. 9. Зуульчнрин баг Сити-чесс балһсиг һәәхв. 10. Медрлиг дегтрәс авдг.

132. Умштн. Киискврин чилгчс ирлцүлҗ бичтн.

Альмн (юуг?) – альм.., өвсн (ю?) – өвс.., заһсн (ю?) – заһс.., моһа (юуг?) – моһа.., меклә (юуг?) – меклә.., күүкн (кениг?) – күүк.., Һәрә (кениг?) –Һәрә.., көвүн (кениг?) – көвү.., йиртмҗ (юуг?) – йиртмҗ.., балһсн (ю?) – балһс..

133. Умштн. Текст нерәдтн. Харар барлата үгмүдин киисквринь