Хөвтә җирһл* гисн юмби?

Нег дәкҗ Бух, Элә, Моһа һурвн ован ора деер харһна. Хѳвтә җирһл гисн юмб? – гҗ эдн хоорндан зүтклднә.

- Хѳвтә җирһл гисн шимтә ноһан эргндән көкрәд, цегән усн нуурт мелмлзәд бәәхлә, мини гесн цадхлң, - гиҗ Бух келнә.

- Хөвтә җирһл гисн – деер, цевр аһарт бәәнә! Деерәс чи, Бух, зурмна чиңгә болҗ үзгднәч. Деерәс нанд цуг тег үзгднә, - гиҗ Элә герчлв.

- Хөвтә җирһл гисиг нанас сәәнәр меддгнь уга. Би ода эн ован ора деер таднла күүндә бәәҗ, ээврәс эн җирһлиннь хүвән авчанав, - гиҗ Моһа келн, шар нарна тольд һотьхлзад доран эргв.

Эн һурвна толһа болһнднь хөвтә җирһлин туск эврә шишлң тоолвр орна. Бух идшлхәр ован ора деерәс дорагшан, налаҗасн көк ноһанур буув. Элә үүлн дораһур деләд нисв. Моһа хурц нарна толин күчнд саатулгдад, сур метәр сунад* үрглв.

Салу-салудан эдн бийиннь ухалсар хөвтә җирһлтә болна.

(Санҗин Николай)

_____________________________________________________________________

Бух, Элә, Моһа һурвн альд харһна?

Юуна тускар эдн зүткнә?

Эн һурвна тоолврнь ямаран?

Тана ухаһар, хөвтә җирһл гисн юмб?

* хөвтә җирһл – счастливая жизнь

* сур мет суняһад – вытянуться, как ремень

*авмһа – алчный

*аҗглх – наблюдать, приглядываться

«Сәәхн эрвәкә» гидг дууна айсар.

Җирһл гисн юмб

Җигтә эн сурврт

Ован ора деер 2д.

Оңдан - оңдан ухата

Эля, бух, моһа

Эврәһәрн? хәрүһинь олна.

Эднә ухан тоолврар 2д.

Эдн хөвтә җирһлтә.

Толһа оңдан болхла, ухан чигн оңдан болдг.