Главная Случайная страница Контакты | Мы поможем в написании вашей работы! | ||
|
Кезәнә нег залу хорха - меклән кел меддг бәәҗ. Хан терүг дуудад:
- Чамаг хорха - меклән кел меднә гиҗ әмтн келдмб? Мини нуурин мекләс юн гиһәд хәәкрәд бәәнә?
- Хан мана нууриг бальчгас арчулхн яһна гиһәд хәәкрҗәнә.
- Альков, хөөдм юңгад мәәллдәд бәәнә? Келлч нанд.
Идгүр һарч йовх хөөдүр залу өөрдв.
Хөөнә сүргин ардас нег доһлң хурһн мел ард үлдәд йовна. Энүнәс залу сурна:
- Цуг хурһд экән дахад йовна, чи юңгад ард үлдәд йовнач?
- Ю-у-у, би эн миңһн шар толһата хөөдин кишгиг* әрә дааҗ йовнав.
Энүг соңссн залу, хаанур ирәд келв:
– Кезә мана хан өдр болһн хөөнә мах иддгән уурхмн, – гиһәд тана хөд мәәллдәд бәәнә.
– Пө-ө-ө, тиим билү? Не, би чамд ачллһ өгнәв. Ю авнач?
– Тер хөөдин ард үлдҗ йовх му хурһан нанд өгхнтн?
- Не, муухн болхла ав.
Тер кемлә өөрнь йовсн хаана ноха хурһнас бичкн бут ноос таслҗ авад гүүҗ одна.
-Ай, хурһитн авхшв, тер нохаһан өгтн – гив залу.
– Ав. Ноха нанд харм биш.
Гүүҗ йовсн нохань бичкн ишкә деер кевтәд амрв. Нег гергн тер ишкәһәрнь хәәснә бәрүл* кечкнә.
- Би нохаһитн авхшв, тер хәәснә бәрүл* авнав, – гиҗ залу келв.
- Буру гиҗәхшв, ав, - гиҗ хан зөв өгв.
Бәрүләр гергн хәәстә хот һал деерәс һарһв.
- Бәрүлитн авхшв, хәәситн авнав, – гиһәд адһмтаһар залу келв.
– Не, авсан авич, – гив хан.
Залуг хәәс автл, хәәснд болһсн хотыг өрк-бүл уучкв.
- Не, күүнә кишг авч болшгоч, - гиҗ санад, залу хәрв.
____________________________________________________________________
Залу хаана түрүн сурврт ямаран хәрү өгв?
Нуурин мекләс юн гиҗ хәәкрнә?
Хөд юңгад мәәллднә?
Доһлң хурһн юңгад экән эс дахна?
Залу хаанас ю сурна?
Яһад залу хаанас юм авч чадсн уга?
* кишг – счастье
* бәрүл – прихватка
Дата публикования: 2014-10-25; Прочитано: 361 | Нарушение авторского права страницы | Мы поможем в написании вашей работы!