Юӊгад мис хотан идснәннь хөөн нүүрән уһана

Нег дәкҗ мис богшурһа бәрҗ авв.

– Не, өрүни хотта болв, – гиһәд Мис байрлна.

– Я-а-а, Мис, та намаг идхәр бәәнт?

– Идл уга, чамаг хәләһәд бәәхмби? – гиҗ Мис богшурһан толһаһинь таслхар седнә.

–Та нүүрән уһалт?

– Уга.

– Цуг делкән әмтн нүүрән уһачкад, хөөннь хотан ууна.

– Э-э, чик үг келҗәнәч, – гиһәд Мис нүүрән уһахар көлән өргнә. Эн кемлә богшурһа алдрад, нисәд йовҗ одна. Хоосн үлдсн Мис йир ууртаһар келнә: юн чигн намаг дәкҗ меклҗ чадшго. Әмтн яахан бийснь медтхә. Би болхла, өрүни хотан идчкәд, нүүрән уһахв…

____________________________________________

Яһҗ богшурһа миисиг меклв?

а) - Ээҗинд мис кичглҗ.

- Намий! Одад хәләй!

- Би боринь авнав.

- Би хар миист дуртав.

- «Түрд гиҗәтн, сәәнәр бооҗад уга», - гиҗ ээҗ келв.

б)- Чамд мис бәәнү?

- Бәәнә.

- Ямаран өңг-зүстә?

- Гилгр хар нооста, ноһан нүдтә.

– Чини мис ямаран?

– Бавһр нооста, һурвн зүсн өңгтә.

– Мини мис «Вискас» иднә.

– Мини болхла, хулһн бәрнә.

Эн юмби?Сарсхр тавгта,

Саг ишкдлтә.

– Аав, мис нәәтхв!

– Айса, чи «бурхн аш» гиҗ яһад эс келвч?

– Кен нанд ханҗанав гиҗ келхмб?

Келгч

Нерлгчин тускар юн келгдҗәхиг келгч медүлнә.Ю кенә? Ю кеҗәнә? Ю кев? Ю келә?гидг сурврмудт хәрү өгнә. Υлгүрнь: Миисин кичг утцар наадв.