Тапсырма

1. Берілген а және b екі катеттердің ұзындықтары бойынша тікбұрышты үшбұрыштың периметрі мен ауданын есептеу керек.

2. Үшбұрыштың төбелері (х₁,у₁),(х₂,у₂),(х₃,у₃) координаталарымен берілген. Оның периметрі мен ауданын табу керек.

3. Радиусы R болатын шеңбердің ұзындығын және дөңгелектің ауданын есептеу керек.

4. Берілген төрт орынды санның цифрларының көбейтіндісін табу керек.

5. Екі сан берілген. Осы сандардың кубтарының арифметикалық ортасы мен модульдерінің геометриялық ортасын табу керек.

6. (х₁,у₁) және (х₂,у₂) координаталарымен берілген екі нүктенің арақашықтығын табу керек.

7. х және y нақты сандары берілген. Олардың қосындысын, айырымын, көбейтіндісін және бөліндісін есептеу керек.

8. Кубтың қырының ұзындығы берілген. Осы кубтың жағы мен толық бетінің аудандарын және көлемін табу керек.

9. Тең қабырғалы үшбұрыштың қабырғасы берілген. Осы үшбұрыштың ауданын, биіктігін, осы үшбұрышқа іштей және сырттай сызылған шеңберлердің радиустарын табу керек.

10. Шеңбердің ұзындығы белгілі. Осы шеңбермен шектелген дөңгелектің ауданын табу керек.

11. Ішкі радиусы r-ге, ал сыртқы радиусы R-ге тең болатын (R>r) сақинаның ауданын табу керек.

12. Үшбұрыштың бұрыштары және сырттай сызылған шеңбердің радиусы берілген. Үшбұрыш қабырғаларын табу керек.

13. а,b табандары және үлкен а табаны мен бүйір қабырғасының арасындағы a бұрышы берілген теңбүйірлі трапецияның ауданын табу керек.