Вастен белгісін бағалау және анықтау

Мақсаты -Вастен белгісін анықтау кезінде студенттің тәжірибелік дағдыларын бағалау.

Көрсетулері -тар жамбас.

Қарсы көрсетулері – жоқ.

Мүмкін болатын асқынулары- жатырдың жыртылуы.

Ресурстары –кереует, жеке жаялық, сабын, орамал.

Іс-әрекет алгоритмі:

1. Вастен белгісі жатыр мойнының толық ашылуы, қағанақ суларының ағуы және нәресте басының кіші жамбастың кіру жазықтығына қысылуы кезінде бағаланады.

2. Өзіңізді таныстырыңыз, босанатын әйелге осы зерттеудің жүргізу қажеттілігін түсіндіріңіз және оның ризашылығын алыңыз.

3. Қолдарыңызды гигиеналық деңгейде жуыңыз.

4. Қолдарыңызға бір рет киетін стерилді резеңке қолғаптарды киіңіз.

5. Босанатын әйелге арқасымен, аяқтарын бір –біріне жақындатып және созып, ішін ашып жатуын сұраңыз және астына таза жаялықты төсеңіз. Босанатын әйелдің бетіне қарап, оның оң жағына отырыңыз.

6. Вастен белгісін анықтауға кірісіңіз.

7. Оң қолдың алақанын қасаға буынынан жоғары маңдай алды (фронталды) жазықтыққа қойыңыз.

8. Нәресте басының қасаға үсті салбырау дәрежесін анықтаңыз:

-егерде алақанның жазықтығы қасаға буынынан төменде жатса, Вастен белгісі «теріс» деп саналады;

-егерде алақанның жазықтығы бір деңгейде жатса, онда Вастен белгісі «теңбе- тең» деп саналады;

-егерде алақанның жазықтығы қасаға деңгейінен жоғары шығып тұрса, онда Вастен белгісі «оң» деп саналады.

9. Бір рет киетін резеңке қолғаптарды шешіңіз және ҚҚҚ салыңыз.

10. Қолдарыңызды сабынмен жуыңыз және орамалмен құрғатыңыз.

11. Табиғи жыныс жолдары арқылы босанудың болжамы туралы пікір айтыңыз.

12. Құжаттарға жазба қалдырыңыз.

Ескерту. Вастен белгісі оң болған кезде табиғи босану жолдары арқылы босану мүмкін емес.