Хавр ирсиг медий

Цасн экләд хәәлнә.

Цандг усн тогтна.

Цаглань зурмн сернә,

Цаһан сар ирнә.

Рис.Ранняя весна. На крыше дома скворечник, птицы вьют гнезда, кое-где лежит снег, по воде плывут бумажные кораблики, дети на мостике (обязательно) и собачка бежит вдоль берега. Дом.жив. с приплодом. В нижнем правом углу стоит Девәлә и с сожалением смотрит на растаявшего снеговика.

– Шовуд альдас нисч ирв?

–Кен эднд гер белдҗ?

– Боодгин уснд юн үзгднә?

– Тагт деер кен бәәнә?

–Эдн ю кеҗәнә?

–Күүкд ямаран хувцта?

–Хооһш дахад эргәр юн гүүҗ йовна?

– Тагтын хаҗуд кен зогсҗана?

– Юңгад Девәлә гейүрҗәхмб?

– Малмуд яһҗана?

– Теңгрин бәәдл ямаран?

– Нарна күчн ямаран?

– Зургт җилин ямаран цаг зурач үзүлҗәнә?

– Юңгад тиигҗ санҗанат?

– Эн җилин сармуд келтн.

Олзлх үгмүд: шовуна гер, күчн икднә, усн гүүнә, үүрән ясна, юңгад гихлә, цасн хәәлнә, хаврин цаг, нисч ирҗ, күүкд, суулһ, модна ацмуд, моһа, мөрн, хөн, кеер, усна көвәһәр гүүнә, тагт деерәс, хооһш, мал идшлнә, малын төлг, ноһан бултаҗана, цасн күн хәәлҗ, чилгр.

***

Үвлин киитнə хөөн цуг әмтн дулан ээвртə хавр ирхинь күлəнә. Өдр ирвəс нарна күчн икдәд, нилх ноһан һарад, тəрəн эңдән көкрнә.

Хальмг тег – у, өргн, тиньгр һазр. Болв теегт өндр толһас, хотхрмуд, шиирмүд*, гүн салас, аңһайгуд* бас олар харһна. Хаврар әмлсн тег, аль нег үзгəснь харҗ хәләвчн, шар нарна герлд көкрҗ, үзгднә. Олн зүсн цецгүдин үнр каңкнҗ күүнә чееҗ дүүргнә.

Күн болһн эн сəəхн теегəн ирх үйнрин төлə хəəрлҗ, төрскнч седклтəһəр, əрүнəр хадһлх зөвтəвидн.

(Кичгә Төлә)

___________________________________________________________________

Йиртмҗин бәәдл яһҗ сольгдна?

Хаврт тег ямаран?

Тег әмлнә гисн үгмүдин чинр цәәлһтн.

♦ Харар барлата үүлдәгчд сурвр тәвәд, үүлдвр кезә болҗахинь зааҗ келтн.

♦ Чинрлгч нерд текстәс шүүҗ олтн, сурвр тәвтн.

♦ Олн тоодан бәәх бәәлһнә нерд олҗ, суффиксинь келтн.

*шиир – возвышенность

*аңһайг – овраг

«Бичкн арлын хулсн» гидг дууна айсар.

Хавр

Нарна күчн өөдлнә,

Ноһан көкрҗ шавшна.

Ке сәәхн цецгүд 2д.

Кевс мет эрәтрнә.

«Хавр! Хавр!» – гиһәд

Хамг әмтн байрлна.

Шовуд аһарт җиргнә, 2д.

Шаргад усн гүүнә.

(Дентелинә Раиса)