Ивртә гиичнрән тосий

Шинкән хавр ирлһнлә,

Шовуд йиртмҗ магтна.

Нисәд, үүрән батлад,

Ниргәд нәәрән кенә.

(Шугран Вера)

***

Саглр Җииҗә хойр шовуна гер кеһәд, урһа модна ац деер өлгв. Эдн өдр болһн һаза һарад, шовуд нисч ирхиг күләнә.

Цасн экләд хәәлҗәсн цагла,хамгин түрүн, үкр хармуд * нисч ирв. Күүкдин белдсн бичкн герт хойрнь ирҗ бәәршлв. Хар өрлә эдн сәәхн дууһарн әмтнә седкл байрлулна. Υкр хармуд өдрин туршар хара бәәхш: нааран-цааран нисәд, герүрн юм зөөнә.

Нег дәкҗ Саглр үкр хар герүрн хоңшартан өт авч йовсинь үзв. Тиигн гихнь, шовун үүртән өндгән дарад суусн иньгтән теҗәлинь авч ирдг бәәҗ.

Удл уга шовуна герәс бичкн җулҗухасин җаагсн ә соңсгдв. Эк эцк хойрнь һарудас өт, хорхас түүҗ авад, эднән асрдг болв. Үкр хармуд күүнд сән дөңгән күргдг шовуд.

(Куукан Анатоль)

__________________________________________________________________

Хаврт түрүн болҗ ямаран шовуд нисҗ ирнә?

Җивртн юуһарн күүнд туста?

Яһҗ дулан һазрас шовуд тосх кергтә?

♦ Өлгв, бәәршлв, дуулв, асрв гидг үүлдәгчс өдгә цагт хүврәтн, суффиксмүдинь заатн.

♦ Харар барлата олн тоодан бәәх бәәлһнә нерд нег тоод хүврәтн.

*үкр хар – скворец

«Экдән» гидг дууна айсар.

Цасн шулун хәәләд,

Цандгуд эңдән тогтна.

Υкр хармуд ирәд, 2д.

Υрглсн йиртмҗ сергәнә.

Күндтә түрүн гиичд

Күүкд гермүд белднә.

Өшәтн күршго гиһәд 2д.

Өндр һазрт өлгнә.

(Шугран Вера)

Зургар текст тогтатн.

рис.весна, в лесной школе все готовятся к прилету птиц: сделали скворечник. Медвежонок вешает его, ему помогает Белочка. Внизу Девәлә держит символичный ключ от домика. Лиса пришла с букетом.

Гөлгүд моһа сарин чилгчәр шовуд нисҗ ирхиг күләҗәнә. Аюка Кермнәш хойр урһа модн деер шовуна гер өлгҗәнә.

– Аюка юн деер зогсчана?

– Аюкан һарт юн бәәнә?

– Эн яһҗ шовуна гер өлгхәр бәәнә?

– Юңгад шовуна гериг хадасар хадҗ болшго?

– Яһҗ шовуна гер өлгхмн?

Олзлх үгмүд: нисч ирлһн, Аюка алхта, хадас бәрҗәнә, белдлһн, шовуна гер, нөкд болх, өлгҗәнә, түрүн гиичнр, дуулна, җиргнә, алхар цокхар бәәнә, боох кергтә, байрта.