Кывкöртöд пыдди

119 Лыддьы кывбуръяссö да серпаса висьтсö.

Гижöдъяссö йöзöдiс «Коми му» газет.

Коми кыв Коми кывйыд меным дона, Коми кывйыд – менам кыв. Коми кывйыд – тайö менам, Тайö менам чужан кыв. Коми кывйыд сэтшöм муса, Чужан мулöн лолыс пöсь. Коми кывйыд сэтшöм дона – Чужан мулöн сьöлöмыс. Коми кывйыд сэтшöм югыд – Енэжыслöн шондiыс. Коми кывйыд сэтшöм сöстöм – Чужан мулöн сынöдыс. Чужан кывйыд дзольгысь гора – Ягъясыслöн ёльясыс. Чужан кывйыд сэтшöм мича, Быттьö мамлöн сьöлöмыс. Коми кывйыд меным дона, Коми кывйыд – менам кыв. Чужан кывйыд – тайö менам Ёна радейтана кыв! Юлия Филиппова, Бакур сикт

Луша кань Турун пытшкын дзебсясьö Менам Луша кань. Бобув вылö видзöдö, Кутны абу сям. Пукалö да кыйöдчö, Кытчöдз оз лэб мич. Луша моз тэ нимкодясь, Бобувъяссö видз! Полина Старцева, Ыджыдвидз сикт *** Надзöник сылiс тöвбыд куйлысь лым. Регыдöн тыдовтчисны медводдза турун сiяс. А муыс быттьö век на ойбырасис, эз кöсйы петны шоныд вольпассьыс. Со мыччысисны шондi рöма вижъюръяс. Öвтыштiс небыдик тöвруöн, быттьö кöсйис малыштны да шуны: «Ставыс лоö бур!» … …Ме эг и тöдлы, кыдзи волiс тулыс да бöр уйыштiс кытчöкö ылö. Таысь зэв гажтöм. Кутшöм лоас локтан тулысыс? Татьяна Зайкова, Мыс сикт

Дона велöдчысьяс!

Асьныд вежöртiнныд нин, мый коми кывлысь орфография, грамматика бура тöдтöг гижöдныд оз понды югъявны. Енбиыд мед быд боксянь тöдчис. Та могысь вöзъя: велöдчöй шаня, кывкутöмöн, зiльöй пырöдчыны конкурсъясö, вöчöй олимпиада уджъяс бурсьыс-бура. А медшöрыс – тайö быдлунся удж – велöдчöм. Бура велöдчöмсьыд ай-мамныдлы сьöлöм вылас долыд, велöдысьыдлы нимкодь и ачыд шуда.

Зэв любö лоö лыддьыны и тiянлысь творческöй уджъяснытö коми газет-журнал лист бокъясысь, кывбура да прозаа сборникъясысь. Сöмын бурлань, сöмын водзö! Радейтöй ассьыным кыв, нимöдöй чужан мунымöс!

Вöзйöмъяс

I. Вöч проектъяс, презентацияяс, гиж висьтъяс, кывбуръяс

Темаяс:

1.Менам радейтана коми гижысь.

Менам радейтана коми поэт.

2. Коми гижöд сöвмöм.

Коми анбур лöсьöдысьяс.

3.Менам ордпу.

Миян рöдысь кужысь киа (киподтуя, медтöдчана) морт.

4. Ёнмöдö спорт. Медводдза ордйысьöм. Тöвся ворсöмъяс.

5. Кыйсян коми понъяс. Овлö-ö нёль синма пон?

Кодi сiйö Андрей Ш- Шихматовыс?