Ичöт йöрыша текстъяс

112 Лыддьы, тöдмав, кутшöм тайö текст.

Чолöм, Митя вок! Со ме и салдат. Öні велöдча сержант школаын. Став олöмыс тані режим серти. Стöч кад серти колö чеччыны, зарядка вöчны, мыссьыны, тэрыба пасьтавны форма, стройöн мунны сёйны. Луннас велöдчам, сы бöрын ёнмöдам вывтыр, тэрыба котралам, велöдам вöдитчыны автоматöн. Прöст кадыс недыр овлö жö. Вот ме письмöтор гижа.

Митя, физкультура урокъяссьыд оз ков пышъявны. Тані вынйöрыд ёна колö. Ёнмöдчы ачыд и ёртъястö тшöкты.

Кыдзи олöмыс гортын? Мамыдлы отсась, кывзысь. Локта да пыр жö ветлам чери кыйны радейтана вадйö. Гортсаяслы ыджыд чолöм, торйöн нин муса чоюклы, бура олöй. Ставыс. Тэнад Степан вокыд. Виччыся тэсянь юöр.

113 Гиж Митя нимсянь Степанлы чужан лун кежлö чолöмалан письмö.

Мичмöд серпасöн.

114 Велöдчы лöсьöдны мича открытка. Серпасав. Гиж локтан гаж

лунöн чолöмалан кывъяс (гортсаясыдлы, велöдысьыдлы, ёртъясыдлы).

Татшöм открыткасö позьö вöчны компьютерöн.

Быдмы авъя да шань Мичлуныд мортыдлы колыштö пыр. Кыдзи нö сытöгыс олан? Мичлуныд – абу куш лöсьыдик ныр, А мöвпыд, и сямыд, и лолыд.