Коми анбур лӧсьӧдысь

3 Вочавидз, сэсся лӧсьӧд текст да гиж.

1. Тӧдмав, кодӧс татчö серпасалӧма.

2. Мый серти тӧдмалін тайӧ мортыслысь нимсӧ?

3. Кутшӧм тӧдчанлуныс серпасвывса мортыслӧн

коми йӧз олӧмын, культураын?

4. Кыдзи нимӧдӧны да пыдди пуктӧны тайӧ морт-

сӧ да сылысь вӧчӧмторсӧ миян Коми муын?

5. Содты ассяньыд, мый содтöд тӧдан сы йылысь.

____________________________________________________________________

____________________________________________________________________

___________________________________________________________________________________________________________________________________________________________________________________________________________

4 Тӧдан-ӧ важ коми анбурысь

шыпасъяссӧ? Видзӧд да гиж.

А – Б – _____________________

5 Гиж важся анбур шыпасъясӧн

сёрникузяяс либӧ ёртыдлы письмӧ.

____________________________________________________________________________________________________________________________________________________________________________________________________________

____________________________________________________________________
Коми гижöд сöвмöм

6 Тöдмав, кыдзи сöвмис коми анбур, коми гижöд кыв.

Перымса Степанӧн лöсьöдöм шыпасъясӧн гижлöмаöсь вичкоын лыддян небöгъяс, енлы кевмысян текстъяс.

XVIII-öд нэмö гижан кыв сöвмис роч шыпасъяс подув вылын.

Коми шыпасъяс да шыяс
Молодцов анбурысь (бӧрйӧмӧн)	Миян кадся
ԁԁ	Дд
ԂԂ	[ д' ]
Җҗ	[ z ]
Ԅԅ	[ з' ]
Ԇԇ	[ z' ]
Ii	i, и
Jј	й
Ԉԉ	[ л' ]
Ԋԋ	[ н' ]
Ԍԍ	[ с' ]
Ԏԏ	[ т' ]
Щ	[ ч ]

«Трöича» öбраз улын гижöд

XIX-öд нэмö коми гижысьяс да туялысьяс гижлісны ставныс аснога, ас сёрнисикас кывъясӧн, сы вöсна мый гижанног индöдъяс эз вöвны. Зэв ёна коліс лӧсьӧдны став комилы гöгöрвоана кыв. 1918-öд вося моз (август) тöлысьö Емдінын чукöртчисны Усть-Сысольск да Яренск уездысь велöдысьяс, медым воöдчыны öти кывйö. И сэки подув кывнас шуисны Сыктывкарбердса сёрнисикас, сэки нин сійö вöлі гöгöрвоана уналы.

Вынсьöдісны и коми анбур. Анбурсö, шыпасъяссö, налысь гижанногсö вöзйис Владимир Александрович Молодцов. 1920-öд воö В.А. Молодцовлöн петіс «Лыддьысьны велöдчан» небöг, а 1921-öднас йöзöдісны нин «Шонді югöр» лыддьысян небöг.

1928-öд воö коми гижысьяслöн чукöртчылігöн вöлі шуöма, мый гижöд кыв колö озырмöдны да паськöдны став сёрнисикас тшöт весьтö, медбурсö, медколанасö сэтысь босьтöмöн. Öттшöтш шуисны лöсьöдны гижанноглысь зумыд индöдъяс (правилöяс).

Тадзи заводитіс сöвмыны-кыпавны öнія коми гижöд кывным.

Тöдмав да гиж, нималана коми гижысьяс пиысь кодъяс 1920-1930-öд воясö лöсьöдавлiсны коми кывйысь велöдчан небöгъяс.

_________________________________________________________________

________________________________________________________________

7 1. Видлы лыддьыны В.А.Молодцов шыпасъясöн гижöм кывбур. Авторыс –

Кос Кабыр. Татшöм сайним босьтлöма аслыс Иван Худяев.

Кымӧрјас

Кымӧрјас, кымӧрјас, Горттӧ он аԁԇылӧј. Пемыԁ вӧр вывтi Котӧртаԁ, котӧртаԁ, Ԋекор он сувтлывлӧј.   Мунаԁ тi лунвывтi, Мунаԁ тi војвывтi… Коԁi i новлӧԁлӧ Тiјанӧс ԁугԁывтӧг?   Гуԍа-ԉi пурԍӧм? Тӧԁса-ԉi ԉоклун?

Мыјла тi мунаԁ, Аԍныԁ он тӧԁӧј. Кытчӧ тi мунаԁ, Ԋiнӧм он аԁԇӧј. Тыԁалӧ, ԁыш лоi Öтлаын овнытӧ.   Ԍӧкыԁ тiјан олӧмныԁ, Ԍӧкыԁ iј вылӧмныԁ: ÖткоԂ век кӧԇыдӧԍ, Он ԁугԁӧ мунӧмыԍ. Абу-тај тiјанлы «јӧзла ԁор», Абу-iј «гортла ԁор».

Кос Кабыр – Худяев Иван Ефимович (1902.06.29.– 1933.05.08.). Чужаніныс – Выльгорт сикт. Усть-Сысольскын второкласснöй школа помалöм бöрын велöдчöма Петроградса университетын, лоöма геолог-палеонтологöн. Ылын олігöн век зільöма отсавны велöдны коми йöзöс. Водзмöстчöма чужан кыв сöвмöдан уджын, гижöма мича коми кывйöн висьтъяс, кывбуръяс. Шулöма: коми йöзлы колö гижны коми ногöн.

8 Кутшöм роч поэтлысь вуджӧдӧма тайö кывбурсӧ Иван Худяев?

Орччöд роч да коми кывбуръяссö, мыйын öткодьлуныс, торъялöмыс.

Тучки небесные, вечные странники!

Степью лазурною, цепью жемчужною

Мчитесь вы, будто как я же, изгнанники

С милого севера в сторону южную.

Кто же вас гонит: судьбы ли решение?

Зависть ли тайная? злоба ль открытая?

Или на вас тяготит преступление?

Или друзей клевета ядовитая?

Нет, вам наскучили нивы бесплодные...

Чужды вам страсти и чужды страдания;

Вечно холодные, вечно свободные,

Нет у вас родины, нет вам изгнания.

________________________________________________________________

________________________________________________________________

________________________________________________________________

________________________________________________________________

________________________________________________________________

9 Лыддьы В.А. Молодцов шыпасъясöн гижöм серамбана текстсö.

Гиж öнія шыпасъясöн да гижанногöн. Казялiн-ö кутшöмкö торъялöмъяс?

Велӧдчыԍ пi да баԏ

Рытын пукалӧны аја пiја. Пiыс лыԂԂыԍӧ, а баԏыс катаԋiк вурӧ. Баԏ јувалӧ пiлыԍ, кодi зэв ԋiн дыр велӧдчiс: «Пиӧ, вај те меным виԍтаԍ, кыԇ ловӧ рочӧн ныр». Пi дыр оз думајт да воча вiԇӧ: «Насос». А баԏ јона дӧзмас да аскiнас ыстас пес керавны пiсӧ, а оз школаӧ.

____________________________________________________________________

____________________________________________________________________

____________________________________________________________________

________________________________________________________________

________________________________________________________________

10 1. Тöдмась, кутшöм вежсьöмъяс лоисны коми гижöдын кольöм нэмлöн

30-öд воясö.

1930–öд воын анбурса коми шыпасъяс вуджöдлiсны латинскöй вылö. Быд шы вöлi пасйö торъя шыпас. Ставыс – 36 пас.

Татшöм шыпасъясöн кутiсны петны коми газет-журналъяс, вöлi йöзöдöма велöдчан небöгъяс, школаясын пондiсны велöдны гижны да лыддьысьны латинскöй шыпасъясöн. Но 1936-öд восянь анбур бöр вежисны молодцовскöй вылö, а сэсся кык во мысти лоины öнiя шыпасъяс.

2. Видлы гижны текстсьыс медводдза кык сёрникузясö

латинскöй шыпасъясöн.

____________________________________________________________________

____________________________________________________________________

____________________________________________________________________

____________________________________________________________________

____________________________________________________________________

11 Пырöдчы коми гижöд историяö.

Видзöд серпасъяссö, лыддьы небöг нимъяссö, текстъяссö. Тöдмав, кутшöм

шыпасъясöн гижöма. Улiас гиж öнiя ног.

____________________________________________________________

____________________________________________________________

____________________________________________________________

____________________________________________________________ ____________________________________________________________________________________________________________________________________________________________________________________

Лыддьы 1921-ӧд вося велӧдчан небӧгысь текст. Гиж ӧнiя шыпасъясӧн.

Пӧрыԍ морт

Ылi вӧрыԍ пӧрыԍ морт вајӧма сус пу да саԂiтӧ керка воԇас. Сылы шуӧны: «Мыјла нӧ тэ пӧрыԍӧ-нэмӧ саԂiтчан? Коԉԉыд ӧд татчӧ дыр на оз во i тэныд сус коԉсӧ ԍојны оз жӧ ԋiн ԍурлы-а». Пӧрыԍыд i шуӧ: «Меным кӧ оз ԍур, мукӧд ԍојасны».

Кодi воԇӧ олӧм-јылыԍ оз тӧждыԍ, сылы морт ԋiмсӧ оз туј новлыны.

____________________________________________________________ ____________________________________________________________________________________________________________________________________________________________________________________

Миян могыс – бура тöдны öнія коми кывлысь