Мазмұны. Кіріспе

Кіріспе...............................................................................................................
	Банктік маркетинг дамуының теориялық аспектілері
1.1 Бантік маркетингтің мәні және оны ұйымдастыру қағидалары….......
1.2 Банктердегі маркетинтің ерекшелігі………………………….....….....
1.3 Шетелде банктік маркетингті дамытудың тәжірбиесі............................
	«ТЕМIРБАНК» АҚ маркетингтік қызметіне анализ
2.1 Жалпы мінездеме және банктің негізгі экономикалық көрсеткіштеріне анализ ……..............................………………....................
2.2 Банктің маркетинтік қызметті дамыту деңгейін зерттеу………............
2.3 Бантік қызмет нарығындағы «ТЕМIРБАНК» АҚ бәсекелестік жағдайын бағалау............................................................……………………
	«ТЕМIРБАНК» АҚ маркетингтік қызметті жетілдіру
3.1 Банкте маркетингті стратегиялық жоспарлау.........………………….....
3.2 Бантік қызметті жетілдіру бағыты............................................…….........
Қорытынды………………………………....…………………………………....
Пайдаланылған әдебиеттер тізімі...................………………………………...
Қосымшалар………………………......………………………………………….

Кіріспе, тараулар, қорытынды, пайдаланылған әдебиеттер тізімі және әр қосымша жаңа беттен басталады.

Мәтіндегі абзац мөлшері бес белгіге тең (1,0 см).

Диплом жұмысының беттерін араб сандарымен номерлеу қажет. Бет номері қағаздың төменгі жағының ортасына нүктесіз қойылады. Титул бетіне номер қойылмайды. Жекелеген беттерге орналастырылған иллюстрациялар және кестелер диплом жұмысы беттерінің жалпы номеріне қосылады. А3 формат парағындағы иллюстрациялар, кестелер бір бет ретінде есептелінеді.

Диплом жұмысындағы иллюстрациялар (сызбалар, карталар, кестелер, схемалар, диаграммалар, түсірілген суреттер) келтірілген мәтіннен кейін орналасуы керек немесе келесі бетте сілтеме арқылы келтірілуі тиіс.

А4 форматынан кіші түсірілген суреттер болған жағдайда олар стандартты ақ қағазға желімденуі керек.

Иллюстрациялардың реттік номерлері және атаулары болуы тиіс, ол суреттің астында жолдың ортасынан жазылуы тиіс (Мысалы: 1-сурет – «Бақытты жол»ЖШС-нің ұйымдастырушылық құрылымы). Әр суреттерге мәтін бойынша сілтемелер қою тиіс.

Бухгалтерия

Дүкен-салондары желісі

Маркетингтік қызмет

Жеткізу, кепілдендірілген жөндеу және қызмет көрсету қызметі

Техникалық директор

Қаржы директоры

Атқарушы директор

Коммерциалық директор

Бас директор

1-сурет – «Бақытты жол» ЖШС-нің ұйымдастырушылық құрылымы

Кестелер көрсеткіштерге салыстырмалы құрылымдық-қарқынды талдау жүргізу үшін келтіріледі. Кестенің атауы оның мазмұнын ашатындай және қысқа болуы тиіс. Кестенің атауы кестеден жоғары сол жағына қарай, абзацсыз нөмірленіп бір жолға сызықша арқылы жазылады (мысалы: 1-кесте – «Бақытты жол» ЖШС-нің 2009-2011 жылдардағы негізгі экономикалық көрсеткіштері). Кестені өзі ескертілген мәтіннен кейін орналастыру қарастырылады. Барлық кестелерге диплом жұмысында сілтемелер болуы тиіс.

Кестелерді келесі параққа (бетке) көшіру барысында тақырыбы тек қана бірінші бөлігінің үстіне орналастырады (бұл ретте кестені шектейтін төменгі көлбеу сызық сызылмайды), ал келесі бөлігінде «Жалғасы» сөзі жазылады, және кесте нөмірі көрсетіледі, мысалы: «1-кестенің жалғасы».

Қосымшаға шығарылған кестелерден басқа, кестелер басынан аяғына дейін номерленуі тиіс.

Кесте жолдары және атаулары жекеше түрде бас әріппен жазылады, ал тақырыпшалары, егер тақырыпша бір сөйлемнен тұрса, тармақша әріптермен, немесе егер олар дербес мағынаға ие болса, бас әріппен жазылады. Кестенің тақырыбы мен тақырыпшасынан кейін нүкте қойылмайды.

Кестелердің шрифт мөлшерін мәтіндегіден кем алуға, яғни №12 кегльмен жазуға рұқсат беріледі.

Кестенің рәсімделуінің мысалы:

1-кесте – «Бақытты жол» ЖШС-нің 2009-2011 жылдардағы негізгі экономикалық көрсеткіштері

Көрсеткіштер	Өлшем бірлігі	Жылдар	2011 жылдың алдыңғы жылдарға қатысты өзгерісі, %
Өнімді сатудан түсімдер	мың теңге	104814,8	110856,0	117562,0	112,2	106,0
Сатылған өнімнің өзіндік құны	мың теңге	78925,5	83308,3	88169,6	111,7	105,8
Негізгі қызметтен табыс	мың теңге	25889,3	27547,7	29392,4	113,5	106,7
Қызметкерлердің орташа айлық саны	адам				102,6	102,6
Қуаттарды пайдалану коэффициенті	%	77,6	73,9	78,4	101,0	106,1
Жаңа тауардың үлесі	%			4,8		96,0
Нарықтағы үлесі	%	0,5	0,53	0,59	118,0	111,3
Сату рентабельділігі	%	24,7	24,8	25,0	101,2	100,6
[1]

Кесте мен мәтіннің арасы 1 бос жол тастау керек.

Егер мәтін мазмұнына, кесте немесе графикалық материалдарға түсінік не анықтамалық мәліметтер қажет болса, дипломдық жұмысқа ескерту енгізіледі. Ескертулерді абзацтан және бас әріптен бастап жазады. «Ескерту» сөзі абзацтан бас әріппен жазылуы және сызылмауы тиіс. Ескертуді оған қатысты мәтіннен, графикалық материалдан кейін немесе кестеге орналастырады. Егер ескерту біреу болса, онда «Ескерту» сөзінен кейін сызықша қойылып, ескерту бас әріппен жазылады. Бір ескерту нөмірленбейді. Бірнеше ескертулер араб сандарымен рет-ретімен нүктесіз нөмірленеді. Кестелер бойынша ескерту кестенің аяқталуын білдіретін соңғы сызықтың үстінен жазылады.

Формулалар және теңдеулер мәтіннен басқа жеке жолға бөліп көрсетіледі. Әрбір формулалар және теңдеулердің жоғары және төменгі жағынан бос, бір жолдан кем емес орын қалдыру қажет. Егер теңдеу бір жолға сыймаса, онда ол теңдеу теңдік таңбаларынан кейін (=) немесе қосу белгісінен кейін (+), алу (-), көбейту (Х), бөлу (:), немесе математикалық белгілерден кейін көшірілуі тиіс және келесі жолдардың басында таңба тағы қайталанады.

Символдар мен сандық коэффиценттердің мағыналарын түсіндіру формулаға сәйкес келтіріліп, формулада берілген бірізділікпен жүргізілу керек. Символдар мен сандық коэффиценттердің белгісін жаңа жолдан беру керек. Түсіндірудің бірінші жолы «мұндағы» деген сөзбен қос нүкте қою арқылы бастайды.

Диплом жұмысындағы формулаларды реттік нөмірлермен нөмірлеу барлық жұмыс шегінде дөңес жақшаға алынып, сандармен оң жақ шетте бір жолда қарастырылады.

Формуланы құрастырудың мысалы төмендегіше:

n= , (1)

мұндағы: t – сенімділік коэффиценті, ол өз кезегінде (р) мүмкіншілікке қатысты шекті қате t – орта қателігінен аспайтындығын дәлелдейді;

о² – зерттеліп отырған белгінің дисперсиясы;

d² – таңдаманың шекті қатесі;

N – зерттеліп отырған бас жиынтықтың бірлік саны.

Қолданылып отырған сілтемелерді тік жақшамен белгілеген дұрыс (мысалы, [1]). Бір әдебиетке сілтеме бірнеше рет жасалынса, онда тік жақша ішінде қолданылған әдебиеттің реттік санымен қоса сәйкес беттің номері көрсетіледі (мысалы, [1, 15 б.]).

Анықтамалардың, түсініктемелердің және қысқартылған сөздердің, шартты мағыналардың, символдардың, физикалық өлшем бірліктерінің және терминдердің тізімі бар болған жағдайларда баған бойынша жазылуы тиіс және олар бағанның сол жағында мәтінде аталып өту ретімен немесе алфавиттік тізім бойынша орналастырылып, бағанның оң жағында олардың әрқайсысына түсініктеме беріледі.

Пайдаланылған әдебиеттер туралы анықтамаларды дипломдық жұмыстың мәтінінде сілтемелердің пайда болу ретімен орналастырып, оларды араб сандарымен нүктесіз нөмерлеп, жаңа жол арқылы жазу қажет.

Пайдаланылған әдебиеттер тізімін рәсімдеу мысалы:

1 Бердалиев К.Б. Менеджмент: Учебное пособие. – Алматы: Экономика, 2006. – 320 с.

2 Статистика рынка товаров и услуг: Учебник / И.К. Беляевский, Г.Д. Кулагина, А.В. Коротков и др., Под ред. И.К. Беляевского. – М.: Финансы и статистика, 2008. – 432 с.: ил.

3 Статистический ежегодник Казахстана, 2008. Статистический сборник / Под ред. А. Е. Мешимбаевой / Агентство Республики Казахстан по статистике. – Астана, 2009. – 516 с.

4 «Бақытты жол» ЖШС-нің 2009-2011 жылдардағы есептік мәліметтері.

Қосымшалар диплом жұмысының жалғасы ретінде рәсімделеді. Диплом жұмысының мәтінінде барлық қосымшаларға сілтеме болуы тиіс. Қосымшалар мәтіндегі сілтемелердің ретіне қарай орналасады.

Әрбір қосымша жаңа беттен басталып «Қосымша» сөзі мен атауы беттің жоғарғы жағының ортасында көрсетілуі тиіс. Қосымшаларды қазақ тілі алфавитінің бас әріптерімен белгілейді, яғни А-дан бастап, Ё,З,Й,О,Ч,Ь,Ъ әріптерінен басқасы.

Әрбір «қосымшаның» иллюстрациясын бөлек номерлеп көрсетіп, санның алдына қосымшаның әріптік белгілеуін жазу керек. Мысалға, Қосымша А: А1-сурет – Респонденттердің «Жақын арада қандай тұрмыстық техника алуды жоспарлап отырсыз?» деген сұраққа жауабы.

Әрбір «Қосымшаның» кестесін бөлек номерлеп көрсетіп, санның алдына қосымшаның әріптік белгілеуін жазу керек. Мысалы, Қосымша А: А1-кесте – «Бақытты жол» ЖШС тұтынушыларының пікірсұрауының нәтижесі.

Қосымшалар дипломдық жұмыстың басқа да тарауларымен ортақ номерленуі керек.