КІРІСПЕ. Зерттеу жұмысының көкейкестілігі.Қазақстан Республикасының «Білім туралы» Заңында білім беру саласындағы

Зерттеу жұмысының көкейкестілігі. Қазақстан Республикасының «Білім туралы» Заңында білім беру саласындағы мемлекеттік саясаттың негізгі принциптері қатарында білім беру жүйесін дамытудың басымдығы; әрбір адамның зияткерлік дамуы, психикалық-физиологиялық және жеке ерекшеліктері ескеріле отырып, халықтың барлық деңгейдегі білімге қолжетімділігі; жеке адамның білімдарлығын ынталандыру және дарындылығын дамыту көрсетіледі.Ал бұл принциптердің іс жүзіне асуы білім беру мазмұнын жаңартумен тығыз байланысты. Білім беру мазмұнын жаңарту білім беру жүйесінің барлық деңгейлерін қамту керек. Мамандарды кәсіби даярлау жүйесінің де бұл процестен тыс қала алмайтыны түсінікті. Себебі, «жоғары білім берудің кәсіптік оқу бағдар­ламалары біліктілікті бере отырып мамандар даярлауға, олардың кәсіптік даярлығының деңгейін дәйектілікпен арттыруға бағытталады».

Осы айтылғандарды дәйекті түрде жүзеге асыру үшін адам ресурстарын даярлау сапасын арттыру, жеке тұлға мен қоғамның қажеттіліктерін қанағаттандыру үшін Қазақстан Республикасының 2050 жылға дейінгі Стратегиялық даму жоспарының басымдықтары негізінде көп деңгейлі білім берудің ұлттық жүйесін жаңғырту мақсаты Қазақстан Республикасында білім беруді дамытудың 2011-2050 жылдарға арналған Мемлекеттік бағдарламасын жасауға мұрындық болды.

Бұл Бағдарламада «кәсіби міндеттерін дербес әрі шығармашылық тұрғыдан шешуге, кәсіби қызметтің тұлғалық және қоғамдық маңызын түсінуге, оның нәтижелері үшін жауап беруге қабілетті кәсіби құзыретті жеке тұлғаны, бәсекеге қабілетті маманды қалыптастыруды қамтамасыз ететін білім беруді басқарудың тиімді жүйесі құрылатыны» ерекше көрсетілген.

Білім беру жүйесін жетілдіру – елдің одан әрі дамуы тәуелді болатын саяси және жалпы ұлттық міндет. Білім беру жүйесін жетілдіру мақсаты – заманауи білім сапасын қамтамасыз ету негізінде білім беру жүйесінің тұрақты дамуының механизмін құру болып табылады. Қазақстанда білім беру жүйесін тиімді жетілдіру білім берудің іргелілігін сақтаған және тұлғаның, қоғамның және мемлекеттің көкейкесті және перспективалы сұраныстарына сәйкес болған жағдайда жүзеге асады. Бұл алдына қойылған кәсіби міндеттерді шеше алатын мамандар даярлағанда, сол мамандар даярлау жүйесін қайта құрғанда мүмкін болады.

Әлемдік практика көрсетіп отырғандай, педагог мамандарға жоғары деңгейдегі моральдық және біліктіліктік талаптары қойылуы тиіс. Педагог мамандар заман ағымына қарай әртекті болатын және күрделене түсетін кәсіби міндеттерді шеше алатын болуы керек. Мұндай талаптар кәсіби оқыту бакалаврларына да қойылады. Ғылыми білімдердің көлемінің артуы, әлеуметтік ортаның талаптарының күшеюі жағдайында кез келген сала маманын, оның ішінде кәсіби оқыту педагогтарын даярлау процесі үшін құзыреттілік тұрғыдан келудің маңызы арта түседі. Ғылыми әдебиетті талдау құзыреттілік мәселесінің маманның кәсіби мәдениетінің және оның тұлғалық қасиеттерінің қалыптасуымен және дамуымен, таным процесінің динамикасымен тығыз байланысты екендігін көрсетті.

Бүгінгі күнге дейін кәсіби құзыреттілік туралы ғылыми көзқарастар ішінде оның мәнін, құрылымын анықтау бойынша бірнеше бағыттар қалыптасты. Олардың ішінде негізгі екі бағытты: тұлғалық-профессиографиялық және тұлғалық-іс-әрекеттік бағыттарды ерекше бөліп көрсетуге болады. Бұл бағыттардың екеуі де кеңестік психологтар Л.С. Выготский, П.Я. Гальперин, В.В. Давыдов, А.А. Запорожец, А.Н. Леонтьев, В.А. Петровский, С.Л. Рубинштейн, Д.И. Фельдштейн, т.б. қалыптастырған іс-әрекеттің психологиялық теориясына негізделеді.

Білім беру жүйесін реформалау негізінде шығатын педагогқа қойылатын жаңа талаптар болашақ мамандарды кәсіби даярлау жүйесі алдына инновациялық іс-әрекетке дайын, зерттеу іс-әрекетіне белсенді қатысуға даяр маман қалыптастыру міндетін қояды. Жалпы білім беретін орта мектептің жоғары сатысында бейіндік оқытуға көшу жағдайында мамандарды жобалау іс-әрекетіне даярлау қажеттігі туындап отыр. Яғни, жаңа заман педагогы білім беру практикасында бұрыннан белгілі педагогикалық мәселелерді шешу тәсілдерін меңгеріп қана қоймай, өзі де белсенді түрде оларды жобалай алуы керек.

Еліміздің өркениетті елу елдің қатарына қосылу бағытындағы мәселелердің бірі техниканың, ғылымның жаңа бір бағытта дамып, өз даму жолында белгілі бір жүйені құрауы. Өскелең жастарымыздың рухани, мәдени, эстетикалық талғамдарының жетілуіне ықпал жасау. Ол үшін қазіргі таңда ұрпақты шеберлікке, жоғары талғамды технология үрдісін дамыта білетін, осы жолда жетістіктерге жетіп, келер ұрпаққа өнеге боларлықтай етіп тәрбиелеу, үйрету қажет.

Киім өндірісіндегі техникалық қарқындылықтың маңызды факторы әр түрлі қасиеттеріне, өндіріс технологиясына, құрылымына, өңделуі мен қолданатын шикізат түрлеріне байланысты жаңа материалдарды пайдалану болып табылады.

Жақсы киіне білу де өнер. Киім таңдаудағы жақсы талғамды білдіретін кең тараған анықтамалардың бірі – әдемілік, сәнділік. Сәнділік ұғымы ең алдымен киім түсі мен сәніне қарай дұрыс құрай білуге тікелей байланысты, киімге деген талғампаздық адамның өзіне сын көзбен қарай алатынының белгісі болып табылады. Киімді жарасымды етіп пішу – қонымды киімдердің кепілі екенін ұмытпауымыз керек.[1]

Өз бағытымда қазіргі заман талабына сай зерттеу жұмысының тақырыбын «Әйелдер костюмін (блузка және белдемше) жобалау және дайындауда болашақ кәсіптік оқыту педагогтарының технологиялық құзыреттілігін қалыптастыру» деп жоба бағытын алдым. Әйелдер костюмін (блузка және белдемше) үлгісінің ерекшелігі жайлы, көркем ретро стилін қолдануында. Киімді көркем безендірудің өзі жоғары талғамды стильділікті, ынтаны, келісімді нақышты қажет етеді. Осы тұрғыда блузка және белдемшені кез келген мейрамда, іс-шарада, жиында, күнделікті киіп жүруге арналған түрлерін жасап шығару қажет. Сондықтанда киімнің үлгісін әрі қарай дамытып, әсіресе әйел қауымын талғаммен киінуіне мол мүмкіндік жасаймыз.

Зерттеудің нысаны: ЖОО педагогикалық процесі.

Зерттеудің пәні: «болашақ кәсіптік оқыту педагогтарының технологиялық құзыреттілігін қалыптастыру»

Зерттеудің мақсаты: әйелдер костюмін (блузка және белдемше) жобалау және дайындауда болашақ кәсіптік оқыту педагогтарының техникалық құзыреттілігін қалыптастыру даярлау әдістемесін теориялық негіздеу және практикалық құрастыру, яғни қазіргі заман талабына сай әйелдер костюмін (блузка және белдемше) дайындау және тігу барысында киімнің адам денесіне жарасымды қонымды болуын және тігін өндірісінің ерекшеліктерін ескеру болып табылады.

Зерттеудің ғылыми болжамы: егер болашақ маманды жобалау іс-әрекетіне даярлауғылыми тұрғыда негізделіп, практикалық түрде іске асырылса, онда маманның даярлығы білім беру жүйесі алдына қойылып отырған жаңа талаптарға жауап береді, өйткені бұл оның жоғары кәсіби біліктілігін, құзыреттілігі мен бәсекеге қабілеттілігін қамтамасыз етеді.

Зерттеудің міндеттері:

1)әйелдер костюмін (блузка және белдемше) жобалау және дайындауда болашақ кәсіптік оқыту педагогтарының техникалық құзыреттілігін қалыптастыру негізінде даярлаудың мәні мен ерекшеліктерінанықтау,блузка және белдемше үлгісін таңдау кезінде оның қызметі мен пайдалану жағдайын ескеруге;

2) Әйелдер костюмін (блузка және белдемше) жобалау және дайындауда болашақ кәсіптік оқыту педагогтарының технологиялық құзыреттілігін қалыптастыру негізінде даярлау үлгісін жасау, модаға сәйкес киім үлгісін таңдап, түр түсін анықтау және денесіне жарасымды, қонымды болуы;

3) әйелдер костюмін (блузка және белдемше) жобалау және дайындауда болашақ кәсіптік оқыту педагогтарының техннологиялық құзыреттілігін қалыптастыру критерийлері мен көрсеткіштерін және деңгейлерін анықтау, бұйым дайындаудың технологиялық бірізділігін құрастырып, бұйымның өзіндік құнын анықтау.

4) әйелдер костюмін (блузка және белдемше) жобалау және дайындауда болашақ кәсіптік оқыту педагогтарының технологиялық құзыреттілігін қалыптастыру негізінде даярлау әдістемесін құрастыру;

Зерттеудің жетекші идеясы: бүгінгі күн талабына сәйкес жобалауіс-әрекетіне даярлығының жоғары деңгейін игерген педагог тұлғасын қалыптастыру.

Зерттеудің әдістері:

Зерттеу жұмысында алдыға қойылған міндеттерді шешу және болжамды тексеру үшін әдістер кешені қолданылды. Теориялық деңгейде талдау, синтездеу, жіктеу, жүйелеу, үлгілеу, тәжірибені қорыту әдістері; эмпирикалық деңгейде сауалнама, әңгіме, сұхбат, бақылау, тестілеу, іс-әрекет өнімдерін зерттеу әдістері; зерттеу нәтижелерін қорыту барысында математикалық-статистикалық әдістер пайдаланылды

Зерттеудің негізгі базасы: Жоғары дәрежелі АДТ «Сымбат» колледжінің мамандығы — 0402013 «Киім дизайны» студенттеріне «Костюмді жобалау. Киім құрастыру» пәні бойынша өткізілді.

Диплом құрылымы: жоба кіріспеден, төрт бөлімнен, қорытындыдан және әдебиеттер тізімінен тұрады.

1. КОЛЛЕДЖДІҢ КӘСІПТІК БІЛІМ БЕРУ ЖҮЙЕСІНДЕ СТУДЕНТТЕРДІҢ ТЕХНОЛОГИЯЛЫҚ ҚҰЗЫРЕТТІЛІГІН ДАМЫТУ ЖӘНЕ ОНЫҢ ОҚУ-ӨНДІРІСТІК ҚЫЗМЕТІНЕ ТАЛДАУЫ

1.1.Кәсіптік колледжде білім беру сапасының проблемалары

ХХІ ғасырдағы дамыған ел дегеніміз – белсенді, білімді және денсаулығы мықты азаматтар. Заманау бағдарламалар мен оқыту әдістемелерін білікті мамандар ұсынуы маңызды. Оқыту нәтижесі оқушылардың сындарлы ойлау, өзіндік ізденіс пен ақпаратты терең талдау машығын игеру болуға тиіс...

Мемлекет басшысы Н.Ә.Назарбаевтың
«Қазақстан халқына жолдауы»,
«Қазақстан - 2050»
«Бір мақсат, бір мүдде, бір болашақ»!

Елбасымыздың халыққа жолдауында берілген Қазақстанның әлемдегі ең дамыған 30 елдің қатарына кіру тұжырымдамасында алдағы жұмыстың ұзақ мерзімді басымдықтары белгіленген. Осы жолдағы басым бағыттардың бірі сапалы бірегей білім беру жүйесі бар ұлттық білім берудің барлық буынының сапасын жақсартуда сындарлы ойлау, өзіндік ізденіс, педагогтан ақпаратты коммукативті құзыреттілігін арттыруын талап етеді, осы тұжырым бағдарламаны негізге ала отырып, кәсіптік білім берудің ұлттық жүйесін қалыптастыруда педагог құзыреттілігі, студенттен кәсіби құзыретті маман қалыптастыруды бәсекеге қабілетті, білімді,азаматтар тәрбиелеуді жүктейді.

Кәсіптік даярлық, кадрларды кәсіптік даярлау – білім беру жүйесінің маңызды саласы; мамандар мен жұмысшыларға кәсіптік білім беру, оларды мамандыққадаярлау, қайта оқыту және олардың біліктілігін көтеру. Орта кәсіптік білім оқушыларға колледждер мен училищелерде беріледі, мұнда кәсіптік білім беру ісі арнаулы орта білім берумен ұштастырыла жүргізіледі және ол орта кәсіптік білімі бар мамандарды даярлауға бағытталған. Колледжде оқу мерзімі–3–4 жыл. Жалпы орта білімі бар, сондай-ақ, сабақтас мамандықтар бойынша бастауыш кәсіптік білімі бар азаматтар колледждерде қысқартылған, жеделдетілген бағдарламаларбойынша орта кәсіптік білім алады. Колледждерде тиісті лицензиясы болғанда ғана бастауыш кәсіптік білім беру бағдарламалары іске асырылады. Экономиканың нарыққа бағдарланып қайта құрылуына байланысты мамандардың біліктілік деңгейіне, олардың кәсіптік икемділігіне, ептілігі мен шеберлігіне, бастамашылдығына жоғары талаптар қойылып отыр. Осыған орай кәсіптік білім беру жүйесіне ерекше назар аударылып, дағдарысқа қарсы күрес барысында оған экономикада жүргізілетін құрылымдық өзгерістерді қамтамасыз ететін, нарықтық сауаттылықты енгізетін “қуаттыфакторрөлі” жүктелуде. 1999 ж. колледждердің мемлекттік қазыналық кәсіпорындар қатарына жатқызылуына байланысты олар ақылы оқытуға көшті,олардың тек кей біреулері ғана мемлекттік тапсырыс бойынша жұмыс істейді. Бұл тапсырысты тиісті мемлекттік органдар білікті жұмысшылармен қызметшілерді даярлаудың мемлекттік бюджет есебінен іске асырылатын жоспары ретінде белгілейді. Қазіргі кезде колледждерде оқушыларға конкурстық негізде мемлекттік гранттар мен несиелер беру жолы мен мамандар даярлаудың тетігі әзірленіп, тәжірибеге енгізілуде.

Техникалық және кәсіптік білім беру жүйесін дамыту жөніндеқабылданатын шараларға қарамастан, білікті кадрларға жылдам өсіп отырған сұраныс толық көлемде қамтамасыз етілмеуде, ал түлектердің дағдыларының деңгейі жұмыс берушілердің талаптарына сәйкес емес.

Білім беру бағдарламалары мен оқу-әдістемелік қамтамасыз етудің мазмұнын талдау базалық және кәсіптік құзіреттерді бағалауға талаптардың жоқтығын, теориялық даярлықтың және ескірген деректердің басым екендігін, икемділік пен сабақтастықтың жеткіліксіз деңгейін, фактілердің ахуалдық талдауға зиян келетіндей басым екенін көрсетеді. Білім беру бағдарламаларының мазмұны еңбек нарығындағы өзгерістерді көрсететін жұмыс берушілердің талаптарына да, білім мен машықтың кең базасымен нығайтылған,талапетілген дағдыларды алуға ынтабілдіретін білім алушылардыңталаптарына да жауап бермейді.

Білім берудің мемлекеттік жалпыға міндетті стандарттарын қатаң регламенттеу оқу орындары мен оқытушылардың еңбек нарығындағы өзгерістерге жедел ден қою мүмкіндіктерін шектейді.

Оқу бағдарламаларының теорияланған, дерексізденген мазмұны, ескірген оқыту технологиялары құзыретті дағдыларды, дербестікті, эвристикалық қасиеттерді дамытуды ынталандырмайтын механикалық есте сақтауға негізделген білімді меңгерудің тек қана ұдайы өндіру деңгейін қамтамасыз етеді.

Колледждер мен кәсіптік лицейлерде оқу процесінің сапасын арттыруға оқу-әдістемелік қамтамасыз ету деңгейі, қазіргі заманғы оқу әдебиетінің, әсіресе арнайы пәндер бойынша мемлекеттік тілдегі әдебиеттің тапшылығы едәуір кедергі болып табылады.

Техникалық және кәсіптік білім беру жүйесінде ғылыми-әдістемелік және оқу-әдістемелік қамтамасыз етумен, білім беру бағдарламаларын, оқу-әдістемелік құралдарды және оқыту технологияларын әзірлеуді ұйымдастырумен мақсатты бағытта айналысатын мекемелер жоқ.

Материалдық-техникалық, оқу-әдістемелік базаның ауыр жай-күйі, педагог кадрлардың жеткіліксіз кәсіптік құзыреттілігі деңгейі қаржыландырудың жетіспеуі салдары болып табылады.

Еліміздің 2010-2014 жылдарға арналған индустриалдық – инновациялық даму бағдарламасында индустриалды жобалар мен кадрларды қамтамасыз ету бойынша ауқымды міндеттер жүктелген. Бұл міндеттерді шешудің басты факторы – техникалық және кәсіптік білімнің еңбек нарығымен тығыз қарым – қатынасын қамтамасыз ету.

Елімізде индустриалық – инновациялық даму талаптарына сәйкес техникалық және кәсіптік білім беру жүйесін жаңғырту мақсатында Дүниежүзілік банкпен бірлескен «Техникалық және кәсіптік білімді жаңғырту» жобасы іске асырылуда.

Техникалық және кәсіптік білім беруді жетілдіруде кәсіби даярлық деңгейін арттыру қолға алынуда.

-техникалық және кәсіптік білім берудің мазмұнын индустриялды жобалардың сұранысын ескере отырып жаңғырту;

- индустрия жобалары бойынша мамандарды даярлаудың инфрақұрылымын дамыту;

- техникалық және кәсіптік білім берудің мәртебесін көрсету;өмір бойы білім алу, жаппай білім беру;

Жастарға кәсіптік - техникалық білім беру, нарық қатынасын орнықтыру шағын және орта бизнесті дамыту, бүгінгі күн заман талабына сай бәсекелестікке төтеп бере алатын, жан-жақты іскер жұмысшы мамандарын даярлау - бүгінгі күн талабы. Осы талаптарды орындауда техникалық және кәсіптік білім беретін оқу орындарына үлкен міндеттер жүктелетіні сөзсіз.

Қазақстан Республикасындағы білім беруді дамытудың 2011-2050 жылдарға арналған мемлекеттік бағдарламасының негізгі мақсаты - ел экономикасының ор­нықты дамуы үшін сапалы білімнің қолжетімділігін қамтамасыз ету арқылы адами капиталды дамыту, білімнің бәсе­кеге қабілеттілігін арттыру. Орындалуға тиісті бағдарламалық мақсаттардың ішіндегі техникалық және кәсіптік білім беру (ТжКБ) жүйесін жаңғыртуға қол жеткізу, педагог мамандығының беделін көтеру, «E-learning» электрондық оқы­туды енгізу мәселелері де шешімін та­буда.

Мемлекет техникалық және кәсіптік білім беру жүйесінің дамуына, кәсіптік және техникалық білім беру ұйым­да­рында оқытылатын кәсіптер мен маман­дық­тардың көбеюіне аса көңіл аударып отыр.

Елбасының «Қазақстан-2050» Стратегиясы қалыптасқан мем­ле­кеттің жаңа саяси бағыты» Жолдауы еліміздегі ең маңызды оқи­ғаға айналып отыр. Елбасы айтқандай, «Қазақстан-2050» Жаңа бағытын ескере отырып, Үкіметке 2013 жылдан бастап халықаралық үлгідегі куәліктер беру арқылы инженерлік білім беруді және заманауи техникалық мамандықтар жүйесін дамытуды қамтамасыз етуді тапсырамын. Кәсіби-техникалық және жоғары білім ең бірінші кезекте ұлттық экономиканың мамандарға деген қазіргі және келешектегі сұранысын барынша өтеуге бағдар ұстауы керек. Көп жағынан бұл халықты еңбекпен қамту мәселесін шешіп береді.»

Кәсіптік және техникалық білім беру жүйесін индустриялы-инновациялық даму бағдарламасы талаптарына сай жетілдіру үрдісі жүріп жатыр. Ел экономикасына серпіліс әкелген бағдарламаның бір басында білікті маман кадрлар тұр десек, оны даярлау үшін «Сымбат» Дизайн және Технология колледжі өз үлесін қосып келеді. Кәсіптік білім саласында студенттерге сапалы білім мен саналы тәрбие берумен қатар ел экономикасына өзіндік үлес қосуға қабілетті, өз ісінің маманы, білікті кадрлар дайындау міндеттері қатар қойылған. Бұл бағытта колледж ұжымы аянбай еңбек етуде.

Кәсіптік колледжіндегі оқу-өндірістік, материалдық базасына анализ және оның студенттердің құзыреттілігін дамыту жолдарына әсері

«Сымбат» Дизайн және Технология Академиясы – бұл сән индустриясы, дизайн (костюм дизайны, жарнама, интерьер) және бейнелеу өнері және сәндік өнер, тігін өндірісінің технологиясы және конструкциясы, экономика және бизнес, шаштараз өнері және сәндік косметика, сценография кино және телевидения, театр костюмі саласындағы еліміздің үздік оқу орындарының бірі.

Қазақстан сән индустриясының негізін қалаушы «Сымбат» сән академиясы 1947 жылы тігін зертханасы негізінде құрылған. Осы кезеңнен бастап компания өндіре бастаған prêt-â-porter өніміне бүкіл ел жұртшылығы қызығушылық танытты.

1988 киім-кешек, аяқ киім және тоқыма бұйымдардың республикалық сән үйлері негізінде “Сымбат” сән және киім-кешек мәдениетін дамыту орталығы болып құрылды.1992 жылдан бастап бұл орталық “Сымбат” сән академиясы болып қайта құрылып, АҚ-ға айналды. «Сымбаттың» құрылуы республикадағы тұңғыш сән журналының және сән театрының ашылуына жол ашты. «Сымбат» сән журналы1958 жылдан бастап жарық көре бастады. 1972 жылы Қазақстан мамандарының қолымен жасалған сән алғаш рет шетел асты. Бұл жылы академиятарихында оның киім топтамалары өзге мемлекеттердің сән майталмандарының сарабына салынып, сынға түсті. Ал 1987 жылы Қазақстанда тұңғыш сән театрының негізі қаланды. Топтамалар көрсетілімі 1972 жылыБолгарияда, 1974 жылыЛейпцигте, 1975 жылыИталияда өткен халықаралық сән фестивальдерінде өтті. Ал 1988 жылы «Сымбат» сән үйі Чехословакияда өткен ұлттық нақыштағы киім топтамалары фестивалінің бірінші көрсетілімінде «Золотая Лента» бас жүлдесіне ие болды. 1996 жылы академияның жанынан сәнгер-құрастырушы шығармалық мамандар даярлайтын “Жоғары сән“ колледжі ашылды. 1998 жылы Сымбат” сән бизнесі университеті ашылып, онда дизайнерлер, құрастырушылар, тігулі бұйымдар технологтары, маркетологтар даярлана бастады.

35 жылдың ішінде сән академиясы әлемдік деңгейде өткен 40-тан астам халықаралық сән фестивальдерінде өз көрсетілімдерін ұсынып, 30-дан астам мемлекеттің сән байқауларына қатысқан. 2000 жылы «Сымбат» «Бірінші халықаралық «Ұлттық костюмнің жоғарғы деңгейдегі сән үлгісі» байқауын» (первый Международный конкурс «Высокой моды современного национального костюма») ұйымдастырды. Сондай-ақ академияның сән мамандары Қазақстан Республикасының мемлекеттік туының эталоны мен ҚР Президенті Н.Назарбаевтіңштандартын жасап шығарған.Қазақстандағы ірі шетел фирмалары үшін арнайы киім дизайнын жасап шығаратын алғашқы және жалғыз компания болып саналады. Мәселен, «Must industries» (АҚШ, Нью-Йорк) секілді танымал компаниялар үшін аты әлемге әйгілі «Chico’s», «White and black», «Victoria secrets» атты сауда маркаларымен киім үлгілерінің айрықша дизайнін жасап шығарады. 2007 жылы «Сымбат» сән үйі өзінің 60-жылдық мерейтойын атап өтті.

ЖОО рейтингісі бойынша жетекші орында: Қазақстанның ЖОО – ң бас рейтингісі бойынша 2010, 2011 жылдар бойынша ең үздік деген 60 ЖОО – ң қатарына кірді, «Дизайн» бойынша 22 – ң ішінде 2 – ші орын, «Жеңіл өнеркәсіп бұйымдарының технологиясы және құрастырылуы» мамандығы бойынша 3 – ші орын алады.

Бүгін «Сымбат» сән Академиясы – бұл мінсіз холдинг. Заманауи өндірістік күшті база–тігін, VIP-салон, дизайн-конструктірлік орталық, ғылыми – зерттеу құрастыру, интерьер дизайн студиясы, сұлулық студиясы, баспахана, құрал–жабдық шеберханасы, материалтану лабораториясы, конструктірлік бюро, сурет және кескіндеме студиясы, студенттердің шығармашылық даму орталығы және т. б. Интернетке қосылған компьютерлік залдар, 150000 данадан тұратын кеңейтілген электронды кітапхана,заманауй оқу корпусы, европалық типтегі жатақхана,ректор гранты бойынша білім алу мүмкіншілігі және оқу ақысына әртүрлі жеңілдіктер алу,үздіксіз білім алу жүйесі - колледж, бакалавриат, магистратура, докторантура,заманауи информациялық технологияларды және бағдарламаларды кәсіби интерьер дизайны, жарнама, костюм, сондай-ақ киімді моделдеу және құрастыру саласында пайдалану, дайындық курстары,білім беру курстары, халықаралық қарымқатынас бар.

Кәсіпорын өнімділігі жоғары автоматтандырылған технологиялық жабдықтармен жарақтандырылған. “Қаратау”, “Отырар”, “Гаухар”, “Алатау”, “Той”, “Алтын шұға”, “Астана” сияқты аса сәнді ұлттық киім үлгілерінің көрсетілімі жұртшылық тарапынан жоғары бағаланды. Сән театры ұлттық нақыштағы сәнді киім-кешек үлгілерін алыс-жақын шетелдерге көрсетіп тұрады.

«Сымбат» сән академиясы – қазақстандық және әлемдік жоғарғы деңгейдегі сән арасындағы көпір іспеттес болған, қазақтың ұлттық киімін соның туындылары арқылы төрткүл дүниеге паш етіп жүрген бірден бір холдинг болып саналады. Ол өзінің өнімдерін безендіретін Шығыстық, сондай-ақ қазақы нақыштағы ою-өрнектерімен Ресей, Еуропа және т.б. сәнгерлерін таңқалдырып, өзіндік бет-бейне қалыптастыра білді.

Колледж кәсіптік білім берудің ұлттық жүйесін қалыптастыруда педагог құзыреттілігі, студенттен кәсіби құзыретті маман қалыптастыруды бәсекеге қабілетті, білімді,азаматтар тәрбиелеуде. Студенттер жетістіктерін айтатын болсақ ауыз толтырарлықтай. Мысалы, 2004 жылы Жарнама дизайны бойынша студенттік жұмыстардың республикалық конкурсында (Алматы) және 2008 жылы Графика дизайны бойынша студенттік жұмыстардың республикалық конкурсында 1-ші орын алды. 2009 жылы Түркияның Стамбул қаласында сәулет және дизайн мектептерінің студенттік жұмыстарының халықаралық конкурсында 3-ші орын (костюм дизайны) алды. 2012 жылы студент Нұранова Р. Халықаралық «Половодье 12» сән фестивалінде Дебют номинациясында 1-ші орын жеңіп алды, студент Жоломанова С. костюмнің жас дизайнерлерінің Халықаралық «Кремль жұлдыздары-2012» байқауында жартылай финалға шықты.

Енді үздіксіз білім беру колледжінің мамандықтарына токталайық:

0106000 - “БЕЙНЕЛЕУ ӨНЕРІ ЖӘНЕ СЫЗУ”