Меным жальöсь

Руч пö мудер, Кöч пö полысь, Кöин скöр да вывті горш. Ур пö пельк зэв, Вöркань – колысь, Гуын тöвбыд узьö ош.	Оз на дышла Пöж сэн мышсö Вöрса Мишка ньöти войт. Йöра мед кö Ыджыд ветлö, Посниясöс оз на дойд.
Парма вöрас Быдöн тöрас: Скöр и мудер, но и мед. Меным жальöсь Ставныс найö, Мортлы некод мед оз шед.

А.Мишарина

? 1. Кутшöм вöрпаяс йылысь гижöма А.Мишарина?

2. Кутшöмöсь найö?

3. Кыдзи тэ гöгöрвоин тайö кывъяссö: «Мортлы некод мед оз шед»?

JJ 92 удж. Лыддьы да вочавидз юалöм вылö.

Мишук классыскöд ветліс вöр видзан музейö. Уна выльтор тöдмаліс. Рытнас паніс сёрни батьыскöд.

– Батьö, тöдан-ö тэ Коми республикалöн «Гöрд небöгö» гижöм пемöсъясöс?

– Дерт, тöда: мой, йöра, низь, тулан, кöр, енгаг, малязі, чими, ком, кутш. А мыйла найöс сэтчö гижöмаöсь?

– Музейын миянлы висьталісны, мый найö быранвыйнöсь.

– Сідзкö висьтав, кыдзи морт вермас налы отсавны?

– Колö видзны вöр-ва, весавны юяс, тыяс, вöръяс лöп-ёгысь, садитны пуяс. Ме тай сідзи чайта. А тэ кыдзи чайтан?

93 удж. Тöдмав юржугöдлансö.

Пасьтаног:

1. Ур кодь ичöтик вöрпа. Куыс визя.

2. Зэв ичöтик рудiник вöрпа. Сёйö турун кöйдыс.

3. Ыджыд сюра вöрпа, олö тундраын. Сёйö яла нитш.

4. Яй сёйысь, дона куа, пемыдруд рöма, мича вöрпа.

5. Ичöт вöрпа. Бöж йылыс – сьöд.

6. Тайö вöрпаыс ичöтик ош кодь. Зэв ён, вермö кыйны йöраöс.

Сувтсаног:

1. Пармаса медъён вöрпа.

2. Ичöтик, пашкыр бöжа.

3. Олö ваын, зэв мича, ён, дона куа вöрпа.

4. Зэв уджач вöрпа. Олö ваын. Паськыд ёсь пиня.

5. Олö му пытшкын. Ачыс синтöм.

6. Пармаса ыджыд вöрпа. Сюра, гöрба ныра. Сёйö пу коръяс, турун.

7. Яй сёйысь, ён вöрпа. Олö пуяс вылын. Куыс гöрдов рöма.

: Лöсьöд вöрпаяс йылысь юржугöдлан либö ребус.

Керан вежлöг – Винительный падеж Керан вежлöгын эмакыв вочавидзö кодöс? (кого?) мый? (что?) юалöмъяс вылö. Керан вежлöг кого? что? -öс - Ÿ мамöс вöр

94 удж. Комиöд висьтсö. Инды Керан вежлöга эмакывъяс. Лöсьöд висьт дорö юалöмъяс.