Лым ёкмыль

Мамыс Федяöс пинялö лым сёйöмысь. А лымйыс сэтшöм чöскыд: ыркыд, вомад сылыштас да нöшта на чöскыдджыкöн кажитчö. Видзöдö зонка мамыс вылö да оз гöгöрво, мыйысь сійöс видöны.

– Мам, а тэ ачыд видлы, нюлышт кепысьтö, ок öд чöскыд!

Мамыс татчö нинöм эз куж шуны. Сэсся босьтыштіс кепысяс неуна лымсö да нюлыштіс, вомас кутыштіс да бöр сьöлыштіс.

– Мый нö сэн чöскыдыс? – сэсся дум вылас мыйкö воис. Босьт лым ёкмыльсö да гортö пырт.

Федялы тешкодь лои, но кывзысис.

– Пукты лымсö тасьтіö да виччысь сылöмсö, – тшöктіс мамыс.

Федя пöрччысис, пуксис улöс вылö да кутіс виччысьны. Мудзис весиг. А лымйыс зэв надзö сылö. Аслыс тешкодь, мый водзö лоö?

Коркö сэсся лымйыс сыліс жö. Татьяна Васильевна матыстіс тасьтісö югыдлань.

– Волы, Федя, видзöдлы, – корис писö. – Мый нö сэсь аддзан?

– Сэні, сылöм ваас, кутшöмкö посни ёг да гöнторъяс гöвкъялöны. Со öд мый, вöлöм, сёя! Кыдз сöмын кынöмöй эз висьмы!

В.Иванова серти

? Мыйысь пиняліс мамыс Федяöс?

Мыйла оз позь сёйны лымсö?

Классад нуöдöй туялöм «Кöні лымйыс сöстöмджык?»

Менам радейтана гортса пемöс.

JJ 73 удж. Лыддьы да вочавидз юалöмъяс вылö.

– Чолöм, Öльöш. Кодöс тэ киад новлöдлан?

– Чолöм, Миш. Тайö менам Пушок каньпи.

– Кутшöм мусаник Пушокыд: лöзов-еджыд гöна, сьöд лапаяса, быттьö туплиа. Кутшöм пöрöдаа каньпиыд?

– Персидскöй. А тэнад эм кань?

– Менам кань абу, но эм пон – лайка, шуöны Лыскоöн. Батькöд Лыско коймöд во нин ветлö кыйсьыны. Бур ныриса пон.

? А тэнад кутшöм гортса пемöс эм? Кыдзи сійöс шуöны?

Рис. 30. Котёнок на заборе.

74 удж. Лыддьы висьтсö.

Муркалöн чужис Пушок нима каньпи. Сiйö вöлi турунвиж синма, кузь руд гöна, лапаясыс еджыдöсь. Пушок велалiс нин тасьтiысь сёйны йöв. Ворсiс кудйын, котралiс шондi югöр бöрся. Öтчыд Пушоклöн мамыс дыр эз лок кыйсянiнысь. Дыр каньпи чуксалiс ассьыс мамсö. Петiс кильчö вылö. Кöсйис юавны Шариклысь мам йывсьыс. Но пон эргöмöн уськöдчис каньпи вылö. Пушок повзьöмысла кавшасис забор вылö. Аддзö: забор дорын кодкö турун йирö, сюръяса, еджыд тошка. Пушок некор на эз аддзыв татшöм дивöсö да повзьöмысла бöрддзис.

– Мамö! – горöдiс сiйö.

– Кутшöм тэнад мамыд? Висьталан кö, ме отсала тэныд сiйöс корсьны, – шуис сюра-тошка турун сёйысь.

? 1. Висьтав, кутшöм Пушоклöн мамыс?

2. Кодi кöсйис отсавны Пушоклы?

3. Кыдзи тэ чайтан, аддзисны-ö Пушоклысь мамсö?

Рис. 31. Три мальчика, три собаки, от мальчиков идут линии к собакам.

75 удж. Лыддьы Нина Куратовалысь кывбурсö. Серпасав ассьыд гортса пемöстö.

Полкан

Тарасиккöд ворсiс Барсик, Алёшакöд ворсiс Марсик, А кодкöд ворсiс Öльöксан? Ыджыд, мича, дзик сьöд рöма, Сöмын вöччöм еджыд кöмöн.

? Петкöдлы Барсикöс да Марсикöс.

Корсь Тарасикöс да Алёшаöс.

Кодкöд ворсö Öльöксан?

Кутшöм нима вермас лоны понмыс?

Эм-ö тэнад гортса пемöс?

Т Тöдмав нöдкывъяс.

Öшинь улын, шондi водзын шöвк тупыль кодь шань,

Еджыд уска, куньса синма куткырвидзö...

Олö гидын, чукля сюра, Сетö уна небыд вурун, Нёльнан кокас вожа гыж, Тайö, дерт жö, лоö...	Сiйöс кö тэ вердан бура, Ваяс пес и ваяс турун. Он кö повзьы – вылас сöв, Тэнö тöвзьöдас бур...
Яй кö сетан – мурзö-сёйö. Сiдзсö, мелi да зэв шань. Быдтор аддзö пемыд войö, Тайö зверыс гортса...	Вежö томан, видзö керка. Вöралысьлöн медбур ёрт. Котралiгöн тэрыб кока, Тайö лапъя пеля...

76 удж. Лыддьы да велöдчы висьтавны аслад кывйöн.

Миля

Выль во кежлö меным козьналiсны кык вежонся мичаник каньпи. «Кыдз нö нимыд?» – юалi. «М-мля», – вöлi сылöн воча кывйыс. Но, мися, Миля кö и Миля. Лöсьöдi сылы паспорт: Канева Миля Васильевна, рöмыс сьöда-еджыда-гöрда, ворсанторйыс – кöв, радейтана сёяныс – йöв. Но йöвсö Миля, вöлöмкö, оз радейт, а зэв азыма сёйö курöг кольк.

Öнi Миля ыджыд да шыльыд кань. Тöлка. Сёрнитö и!

Öтчыд гартчö вöлi кок улам, корö уль кольк. Дöзми да шуи: «Мун татысь, вай покой, кутав шыръясöс да сёй!». Шуи и вунöдi та йылысь. А недыр мысти, видзöда да, Миля ывла вылысь пырö, а вомас – шыр! Пуктiс шырсö кок улö, чатöртiс юрсö да шуö: «Мур-р. Ме тэныд вайи, мый корин». «Йöй жö тэ, Миля, – шуи ме, – кодi нö миян каньыс: тэ али ме?». Сiдз и корис кольктö. А шыръястö дыр на кыскалiс меным.

(А. Ануфриева серти)

? 1. Мыйла каньпиыслы сетісны Миля ним?

2. Мый радейтö сёйны Миля?

3. Мыйла каньпи куталіс шыръясöс?

Керка. Патера. Вежöс.

&

Ас – свой, собственный Аслад – твой собственный Аслам – мой собственный Аслас – его, её собственный Бус – пыль Вежöс, жыр – комната Джодждöра – половик Ёг – мусор Идравны – убирать Öтув оланін – общежитие Öшинь дöра – штора Овмöдчыны – поселиться Овмöс – хозяйство Овны – жить Оланін – жилище, жильё

Оланінпас – адрес Оласног – образ жизни Олысь – житель Патера – квартира Пельöс – уголок Пельк - аккуратный Пелькöдны – наводить порядок Петкöдны – выносить Пурысь – проезд Пыркöдны – вытряхивать Судта – этаж Улича – улица Уличкост – переулок Шöртуй – проспект

77 удж. Лыддьы да вочавидз текст помын юалöмъяс вылас.

Быдöнлöн аслас оланін. Настук – сиктса олысь. Сійö олö бать-мамыскöд пу керкаын. Налöн ас овмöс. Мишуклöн котырыс олö карын вит судтаа керкаын кык вежöса патераын. Ыджыдджык чойыс олö асшöра нин öтув оланінын. Сылöн вежöсыс кöть и неыджыд, но шоныд да пельк. А тэнад кутшöм оланіныд?

Рис. 32. Дома различных видов: деревянный, 9-этажный блочный дом, 5-этажный кирпичный дом, небоскреб, деревянный дом барачного типа, 2-этажный дом, коттедж.

Видзöдлы серпасалöм керкаяс да вочавидз юалöмъяс вылö.

? Кöні Мишуклöн керкаыс?

Кöні Настуклöн керкаыс?

Кутшöм тэнад керкаыд?

78 удж. Гиж ассьыд оланінпастö.

Мишуклöн оланінпас: Коми республика Сыктывкар Куратов улича 123-öд номера керка 51-öд номера патера

Менам оланінпас: Коми республика ______________________кар (сикт) ______________________улича _______________номера керка _______________номера патера

Ина кадакывбердъяс – Наречия места Орччöн – рядом Воча – напротив Шуйгавылын – слева Веськыдвылын – справа Водзын – впереди Ина кывбöръяс – Послелоги места Рисунки на послелоги Вылын – на Костын – между Улын – под Весьтын – над Шöрын – в середине Паныд – перед Дорын, дінын – у Бокын – возле Кöні? - Где?

пызан вылын – под столом

öшинь вылын – на подоконнике

Рис. 33. Комната.

79 удж. Серпас серти лöсьöд кывбöра эмакывъяс.

80 удж. Серпас отсöгöн содты сёрникузяясö ина кадакывбердъяс.

1. Джоджвывса лампа сулалö пызанкöд …

2. … öшалö мича серпас.

3. Пызанлы … сулалö небыд диван.

JJ 81 удж. Вочавидз юалöмъяс вылö. Юась ёртыдлысь.

- Кöні тэ олан?

- Кымын судтаа тіян керканыд?

- Кымын вежöса тіян патераныд?

- Кымын морт сэні олö?

- Тэнад эм аслад вежöс (пельöс)?

- Мый сэні эм?

- Кыдзи тэ отсалан бать-мамыдлы пелькöдны оланін?

82 удж. Серпасав ассьыд вежöстö (пельöстö). Висьтав сы йылысь аслад серпас серти. Пырт сёрниö ина кадакывбердъяс да кывбöръяс.

83 удж. Нуöдöй «Ми – дизайнеръяс» ворсöм. Юксьöй чукöръяс вылö да лöсьöдöй öнія вежöслысь модель. Кутшöмöн сійö вермас лоны? Дасьтысьöй висьтавны сы йылысь.

84 удж. Серпасъяс серти лöсьöд висьт.

Рис. 34. Серия картин

Рис. Утро. Семья завтракает.	Рис. Комната. Мама протирает пыль. Папа пылесосит. Мальчик поливает цветы.	Рис. На улице. Двор. Мальчик выносит мусор. Папа вытряхивает половики.
Рис. Кухня. Мама у плиты. На столе продукты.	Рис. Семья обедает.	Рис.. Семья гуляет в парке. Впереди бежит собака.

Заводит тадзи:

Талун шойччан лун. Завтрак бöрын Мишук да сылöн бать-мам заводитісны пелькöдны патера.

Вöр-ва видзöм.

&

анча – норка быран выйын – на грани исчезновения варгыль кока – косолапый видзны – беречь, охранять видзöм – охрана визяорда – бурундук винёв – жилистый вöркань – рысь вурд – выдра вöрпа – дикое (лесное) животное, зверь вöрпорсь – кабан ёсь пиня – с острыми зубами

ёсь гыжъя – с острыми когтями ку – мех ласича – ласка лöнь – спокойный мой – бобр низь – соболь сук – густой тугъя – с кистями уджач – трудолюбивый чув – выдра

85 удж. Аддзы вöрпа нимъяссö юржугöдлансьыс.

В	К	К	Р	О	В	С	А	М
С	Ь	О	Д	Б	О	Ж	О	О
Р	У	Ч	И	С	Р	Ы	Л	Й
И	В	Й	Ь	Н	К	Ы	Н	Ь
З	К	О	Р	И	А	Н	Ч	А
Я	Я	Р	А	З	Н	Н	С	Т
О	Р	Д	А	Ь	Ь	А	Л	У

86 удж. Аддзы пöвсö да лöсьöд кывтэчасъяс. Артмöм 3-4 кывтэчасöн лöсьöд сёрникузяяс.

Рис.35. Животные

Тулан Низь Анча Вöркань Вöрпорсь Сьöдбöж Ласича Ош Визяорда Вурд Вурдысь Кöр Мой

Варгыль кока Горш Винёв Скöр Дона куа Ёсь пиня Ёсь гыжъя Сук гöна Пельк Ён Уджач Вына Тугъя пеля

² 87 удж. Лыддьы кывбурсö. Дасьтысь мичаа лыддьысьöм кежлö. Вочавидз кывбурын сетöм юалöм вылö.

Кытчö вошис ош?

Кытчö вошис Вöрысь ошкыс, Кодыр усис еджыд лым? Гашкö, лэбач моз жö Лэбис Сэтчö, кöні шонді пым?

Либö, кöнкö, Вежис гöнсö, Лоис еджыд бытьö кöч? Кытчö вошис Вöрысь ошкыс? Оз тай тыдав – мый кöть вöч!

П. Бушенёв

С Пым = пöсь

«Гöрд небöгö» гижöны бырысь пемöсъяс да быдмöгъяс йылысь.

Рис. 36. Фотография «Красной книги»

88 удж. Кыдзи тэ чайтан, кутшöм вöрпа пыртöма «Гöрд небöгö»? Тайö буртор али лёктор? Гöгöрвоöд вочакывтö.

Йöра, вöркань, кынь, сан, тулан, вöрпорсь, чув, мой, анча, сьöдбöж, низь,войвывса кöр.

Кывбердысь артмöм эмакывъяс. Кывберд + -лун -тор = эмакыв     Буртор – добро, благо Бурлун – доброта   Лёктор – зло Лёклун – злость

89 удж. Артмöд абстрактнöй эмакывъяс. Лöсьöд 2-3 сёрникузя.

Озыр, мывкыд, шань, ыджыд, дона, выль.

90 удж. Лыддьы да гöгöрво висьтсö.

Мой.

Мой – важ коми кыв. Сійö кöть и эм словаръясын, но йöзкостса сёрниын омöля бергалö сы вöсна, мый ваын олысь тайö пемöсыс Коми муысь дзикöдз бырліс. Важöн мой овлöма быдлаын. Та йылысь висьталöны места нимъяс: Мояшор, Моявидз. Мойяслöн дона куыс ковмис пыр унджык и унджык. Доныс сы вылö содіс, а пемöсъяслöн лыдыс чиніс. XIX нэм шöрын дзикöдз бырисны мойяс Эжва вожысь да Печора вылысь.

Коми республикаö мойясöс вöлі вайöма Воронежса заповедникысь да лэдзöма Печоро-Илычскöй заповедникö, Печораö, Эжваö. А 1969-öд воын миян юясын мойыс вöлі сюрс да джын лолöдз.

А.Туркин серти

? Мый выльторсö тöдмалін висьтысь?

: Лöсьöд юöртор «Гöрд небöгö» гижöм вöрпаяс йылысь.

91 удж. Лыддьы кывбурсö. Дасьтысь мичаа лыддьысьöм кежлö.