Усьöм кор

Гожöмбыд уджалісны пулöн коръясыс. Найö вердісны пусö. А öні лоисны ковтöмöсь, гылалісны муö.

Веж гожöм помасис. Корйыс öні усьöма, куйлö му вылын. Но и тайö усьöм корйыс дыр на шогмас вöрса олысьяслы.

Ёж вöчас наысь шоныд поз, дзебсяс кöдзыдысь. Пуяс улын куйлысь коръяс оз лэдзны быдмыны турунлы.

Тöв да зэр улын сісьмöны коръяс, вынсьöдöны мусö.

? Мый вылö шогмöны усьöм коръяс?

34 удж. Тöдмав ребусъяс.

Рис. 11. Рисунки к ребусам: нинпу, сус, жов, тупу, тусяпу, оржи, ниа, ньыв, пипу.

: Радейтана пу нимöн лöсьöд ребус.

35 удж. Гиж радейтана пу йылысь неыджыд висьт. Серпасав сійöс. Лöсьöд ичöтик небöг.

1 лист – серпас да ним

2 лист – висьт

3 лист – ребус

Мортлöн ортсы да сям

&

авъя – приветливый, тактичный вежавидзысь – вежливый вежöра – умный веськыд ныра – с прямым носом гöгрöс – круглый гöгрöс чужöма – круглолицый дзор – седой дзугсьöм – запутанный, взъерошенный енбиа – талантливый зiль – трудолюбивый колип гöлöса – с соловьиным голосом кузьмöс – овальный, продолговатый кывкутысь – ответственный латшкöс – коренастый лöсталысь – блестящий мелі – ласковый повтöм – смелый полысь – трусливый рам – скромный, тихий, спокойный сибыд – общительный

сöдз – чистый, прозрачный, ясный статя – статный, стройный сувтса – стоячие, торчащие сук – густой сэтöр синма – с глазами цвета смородины сюсь – умный, сообразительный топыд – прижимистый тöждысьысь – заботливый тöлка – толковый чангыль ныра – курносый читкыль – кудрявый чöдлач синма – с глазами цвета голубики шабді – лён шабді юрси – волосы цвета льна шöркодь тушаа – среднего роста шыльыд – гладкий эскысь – доверчивый

асалан Вежл öг – родительный падеж Эмакыв асалан вежлöгын вочавидзö кодлöн? юалöм вылö. Рочын лöсялö у кого? юалöмлы. Асалан кодлöн? -лöн у (у кого?)

Рис. 12. Тетрадь	Рис. 13. Стол, на столе торт. Рядом – мама.
Тайö тетрадьыс Миша Расовлöн.	Менам мамлöн зарни кияс.

36 удж. Кывтэчасъяс отсöгöн висьтав Мишалöн ортсы йылысь.

Рис. 14. Лицо ребенка: круглолицый, светловолосый, с голубыми глазами и курносым носиком. От лица идут лучики, на каждом лучике по слову: кузь синлыса, гöгрöс бандзиба, ёсь ныра, векни чужöма, гöгрöс чужöма, руд синма, кельыдлöз синма, сьöд сэтöр синма, смоль сьöд юрсиа, шабді юрсиа, паськыд ныра, чангыль ныра, кузьмöс чужöма.

G Босьт тöд вылад:

Мишук шабдi рöма юрсиа. Настук чöдлач рöма синма.

Мишуклöн шабдi рöма юрси. Настуклöн чöдлач рöма син.

37 удж. Лыддьы В.И. Лыткинлысь «Мунöны» поэмаысь юкöн.

Чеччы жö, Öльöксан,

Чеччы жö, ичöт пи.

Видзöдлы ывлаö гыöра öшиньтi.

Ывлаыс шемöсöн тыр –

Чеччы жö пырысьтöм-пыр.

Шабдi сöдз юрсиа Öльö

Чöдлач лöз синъяссö восьтiс,

Тэрыба пöлатьысь чеччис,

Котöрöн öшиньлань лэччис.

? 1. Код йылысь тайö кывбурыс?

2. Кутшöм Öльöксаныс?

3. Тэ думысь, кымын арöс зонкалы?

JJ Ёрта сёрни.

Бать: Мишук, кöні тэ вöлін рытывбыд? Тэ дорö воліс гöсьтя.

Мишук: Коді нö?

Бать: Нимсö эз висьтав. Здук кежлö и пыраліс. Неыджыд тушаа, сьöд кузь юрсиа, гöгрöс чужöма, сьöд сэтöр синма. Ачыс гöрд курткаа, джинсы гача, сьöд туплиа.

Миша: А-а! Тайö миян классысь нывка – Юля Панева. Ме сылы звöнитла.

38 удж. Серпасав кывъясöн ёртыдлысь ортсысö да сямсö.

Кывбöр – послелог Роч кывйын – предлог, а комиын – кывбöр. Сійö век сулалö эмакыв бöрын. Тöдмасям кодь да моз öткодялан кывбöръясöн. Рис. 15. Солнце. моз югъялö эмакыв + МОЗ + кадакыв   кодь мелi эмакыв + КОДЬ + кывберд

39 удж. Содты лöсялана кывбöр.

1. Мишуклöн синмыс чöдлач... лöз.

Мишук батьыс... бура уджалö.

2. Настук мамыс... мичаа сьылö.

Настуклöн гöлöсыс колип....

3. Пöльлöн юрсиыс лым... дзор.

Польö ме... радейтö сёйны юмовторъяс.

40 удж. Лыддьы да гöгöрво сёрникузяяссö.

1. Сьöд юрсиа, гöгрöс чужöма, колип кодь гöлöса Маринаöс лыддисны медся мичаа сьылысьöн.

2. Вася – лöсталысь сьöд юрсиа, векньыдик синъяса, гырысь черлыяса детинка.

3. Саньö бумага кодь еджыд чужöма, еджгов юрсиа, ар дас сизима зон.

4. Невольский – дзугсьöм юрсиа, сэтшöм жö сьöд уска да ичöтик тошка.

5. Рюрик вöлi не арлыд серти дзор юрсиа, гöгрöс чужöма, шензьöдана лöз синъяса мужичöй.

Я.М. Рочев серти

41 удж. Кодь да моз кывбöра тэчасъяс пыртöмöн гиж ас йывсьыд висьт, кутшöмöн тэ лоан вит во мысти.

Зумыд кывтэчасъяс – Фразеологизмы Мортлысь признакъяссö (ортсысö и этшсö) позьö петкöдлыны и зумыд кывтэчасъясöн.

Рис. 16. Пöсь сьöлöма.

Рис 17. Сувтса пеля.

Рис.18 Сувтса синма.

Рис. 19. Кöч сьöлöма.

Сувтса синма – никого не боится, бесстыжий, наглец

Сюсь пеля – с хорошим слухом

Кузь кывъя – болтливый

Кузь киа – ворующий, нечист на руку

Пöсь сьöлöма – добродушный

Топыд вома – молчаливый, умеющий держать секреты

Инö öшйытöм – непоседливый

42 удж. Зумыд кывтэчасъясöн лöсьöд ас йывсьыд сёрникузяяс.

H 43 удж. Серпасав öти зумыд кывтэчас да куж висьтавны аслад удж йылысь.

Миян рöдвуж

&

вежай – крёстный вежань – крёстная верöс – муж верöс сайын – замужем гöтыр – жена гöтыра – женат двöйни – двойняшки, близнецы ён – сильный зять – зять ичинь – тётя со стороны мамы киподтуя – умелый, мастеровой

котыр – семья кужны – уметь лöсявны – сходиться, ладить об – тётя со стороны отца олöма – пожилой пöрысь – старый том – молодой тшап – важный, высокомерный, гордый тшöтшъя – ровесник шöр арлыда – средних лет

Рис. 20. Дед читает, бабушка вяжет, отец смотрит ТВ, мама поливает цветы, сестра делает дом. задание, брат играет на полу машинкой.

44 удж. Лöсьöд серпасъяс серти сёрникузяяс.

45 удж. Лыддьы висьтсö. Висьт серти лöсьöд юöр аслад рöдвуж йылысь.

Менö шуöны Настаöн. Овöй менам Рочева. Ола сиктын. Велöдча витöд классын. Менам эм бать-мам, пöль-пöч, чой да ичöт вок. Ми олам ас керкаын. Батьöс шуöны Иван Пашöн, сылы 45 арöс. Батьö уджалö шоперöн. Мамöс шуöны Екатерина Александровнаöн, сылы 42 арöс. Мам уджалö велöдысьöн. Менсьым ыджыд чойöс шуöны Маринаöн. Сiйö велöдчö пединститутын. Чой кöсйö лоны велöдысьöн. Сiйö бура тöдö компьютер. Ичöт вокöс шуöны Стёпукöн. Сiйö ветлö садйö, радейтö ворсны чачаясöн. Миянкöд олöны пöль-пöч, найö пöрысьöсь нин. Ме радейта ассьым котырöс.

46 удж. Вочавидз юалöмъяс вылö.

Ыджыд-ö тiян рöдвужыд?

Кодъяс эм тiян рöдвужын?

Кыдзи шуöны бать-мамтö?

Кöнi да кодöн найö уджалöны?

Тэнад эм чой-вок?

Кывбердлöн медвылыс тшупöд артмö медся кыв либö мед- приставка отсöгöн. Мед-приставка кывбердъяскöд гижсьö öтлаын, медсякыв гижсьö торйöн.   мед- + кывберд = медъён медмича медся медся ён медся мича

47 удж. Серпас серти лöсьöд сёрникузяяс. Вöдитчы мед приставкаöн да медся кывйöн: ичöт, ён, шань, мича, вежöра, олöма, муса, зіль.

Рис. 21. Семейная фотография: папа, мама, дедушка, бабушка, брат с сестрой и я.

48 удж. Мичаа лыддьы кывбурсö. Висьтав аслад бать йылысь.

Рис. 22. Папа стружит доску.

Менам батьö быдтор кужö: Вермö пилаöн да стружöн Вöчны улöс, джадж и шкап. Батьö менам абу тшап.

Тшак и вотöс вайö батьö, Чери кыйö вугыр шатьöн, Мотоциклöн гур да гур, Öдöбаысджык оз сюр.

Физзарядка вöчö пасьтöг,

Лыжи тöв кежлö нин дасьтö,

Эм походын узьлан вон,

Менам батьö медся ён.

Юрий Васютов.

Кутшöм батьыс тайö кывбурын? Мый кужö вöчны?