Чолöм, тöв

Радейта ме тöлын Гортысь петны лызьöн. Быттьö рöдта вöлöн, Гöгöр ставыс шызьö.

Ыбыс шуö «Чолöм!» Ягыс шуö «Видза!» Быттьö няньöн-солöн Гöстьöс гортас видзö.

Юковта кык визьöн

Вöрсö лызьöн-вöлöн.

Морöс кудйын сизьöн

Тотшкö менам сьöлöм.

Ю. Васютов

? Мый йылысь кывбурыс?

Т Тöдмав нöдкывсö.

Дзеб вочакывсö ребусö.

Мыйся кодзувъяс му вылын

Да и пальто вылын, со!

Босьті киö – пыр и сылі:

Ваысь кындзи, нем эз ло (…)

66 удж. Лöсьöд тöв йылысь нöдкыв.

67 удж. Гиж диктант.

Ок и мича тöвся лун!

Со и воис тöв. Войнас кöдздöдіс. Асывнас усис небыд пушыд лым. Лымйыс вевттис небыд эшкынöн мусö. Шоныд кепысьöн тöлыс пасьтöдіс пу вожъяс. Кыдз пулы да пипулы козьналіс еджыд платтьö. Крепыд йиöн топöдіс юяс да тыяс. Гöгöр сöстöм да мича.

: 68 Удж. Бöрйы öти кадакыв да видлав тадзи:

Кöдздöдіс – кöдздöдны, колян кад, 3 морт, öтка лыд.

69 удж. Содты кадакывъяс дорö колян када суффиксъяс.

Во… тöв.

Эз на виччысь некод тöв,

Узигкості сійö во…

Тöрыт лымйыс эз на вöв,

Талун еджыд муыс ло…

А.Мишарина