Көмекші мектеп оқушыларының арифметикалық есептерді шешу ерекшеліктері

Ақыл-есі кем балалардың есептерді шешуде қиналуының көп түрі олардың ойлау ерекшеліктеріне байланысты болады. Ақыл-есі кем оқушылардың есептерді шешудегі қиындықтарының бірі – олардың есепте бейнеленген заттық – іс-әрекет жағдайларын түсінбеуімен байланысты болады.

Зерттеудің көрсетуінше интелектісі бұзылған балалар есептерді нақты әрекет және заттардың көмегімен құралса ғана шеше алады екен.

Сөзбен құралған есептерді көрнекіліктермен түсіндіру – негізгі қиындық болып табылады. Олар есептің мазмұнын онша түсіне бермейді. Есепті шешу барысында оқушылар математикалық амалдық қайсысын пайдаланатынына назарын аудармайды. Интелектісі бұзылған оқушылар есептің шартын түсінбейді, оны өзгертеді және жеңілдетеді.

Ақыл-есі кем балалардың есептерді шешуінің ерекшеліктерін мұғалімнің білуінің арқасында қиындықтарды шешу, олардан дұрыс өтудің әдіс-тәсідерін аңғаруға болады.

Есепті шешуді үйрету барысында қажетті сұрақтарды дұрыс таңдауға көңіл бөлу қажет. Ақыл –есі кем оқушыларға есепті шешуді белгілі бір заңдылықты сақтай отырып, аса шыдамдылықпен үйрету керек.

Арифметикалық есеппен жұмыс істеу әдістемесінде келесідей кезеңдерді бөліп көрсетуге болады.

1. Есеп мазмұнымен жұмыс;

2. Есеп шешуді іздестіру;

3. Есепті шешу;

4. Жауабын құрастыру

5. Есеп шешуін тексеру;

6. Есепті шешумен әрі қарайғы жұмыс.