Припев: Святы́й му́чениче Плато́не, моли́ Бо́га о нас

Тропарь: Ю́ ноши три, су́щия в Вавило́не, подража́я,/ всея́дца огня́ не убоя́лся еси́,/ но кре́пко и ю́ношески того́ претерпе́в пла́мень несте́рпный.// Те́мже тя Росода́вец со о́неми досто́йно прия́т в черто́г сла́вы.

Припев: Пресвята́я Богоро́дице, спаси́ нас.

Богоро́дичен: Я́ ко из ко́рене ца́рскаго су́щи,/ все́ми влады́чествующаго, Сло́во Бо́жие родила́ еси́ нам,/ плоть бы́вша и пребы́вша непреме́нна.// Те́мже Тя Богоро́дицу, и́стинно и госпо́дьственно, всесвята́я Де́во, сла́вим.

Кано́н му́ченика Рома́на, глас 4:

Припев: Святы́й му́чениче Рома́не, моли́ Бо́га о нас.

Тропарь: Н аправля́емь, я́ко ле́ствицею,/ на дре́во возне́слся еси́, блаже́нне, неизглаго́ланною добро́тою// и пребыва́ющий лик пости́гл еси́, му́чениче Рома́не достосла́вне.

Припев: Святы́й му́чениче Рома́не, моли́ Бо́га о нас.

Тропарь: С овле́кся ме́ртвенныя оде́жды в му́ках, блаже́нне,/ и спасе́ния в све́тлую ри́зу// све́тло, всесла́вне му́чениче Рома́не, обле́клся еси́.

Сла́ва Отцу́, и Сы́ну, и Свято́му Ду́ху.

Тропа́рь: У мудри́вся вдохнове́нием Уте́шителя, о́трочища язы́к/ Тя, Го́спода сла́вы, Творца́ пропове́да всех, Человеколю́бче,// и Бо́га, спасти́ могу́щаго.

И ны́не и при́сно и во ве́ки веко́в, ами́нь.

Богоро́дичен: Б лагослове́н, Де́во, Плод Твоего́ чре́ва,/ И́мже изба́вихомся кля́твы сме́ртныя, вся оте́чествия язы́ков,// и Тобо́ю благослове́ннии я́ко жи́зни пое́м Тя Хода́таицу.

Катава́сия, глас 4:

Хор: Седя́й в Сла́ве/ на Престо́ле Божества́/ во о́блаце ле́гце,/ прии́ди Иису́с Пребоже́ственный,/ Нетле́нною Дла́нию/ и спасе́ зову́щия:// сла́ва, Христе́, си́ле Твое́й.

Песнь 5:

Кано́н воскре́сный, глас 6:

Хор:

Ирмо́с: Бо́жиим/ све́том Твои́м, Бла́же,/ у́треннюющих Ти ду́ши/ любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,// от мра́ка грехо́внаго взыва́юща.

Чтец: