Главная Случайная страница Контакты | Мы поможем в написании вашей работы! | ||
|
Богоро́дичен: Д ве́ри Све́та,/ све́тлыми Ду́ха заря́ми укра́шена Богома́ти су́щи,/ Тобо́ю бо к нам Сло́во сни́де,// просвещающее вся Боже́ственным све́том пою́щия Тя.
Кано́н му́ченика Рома́на, глас 4:
Припев: Святы́й му́чениче Рома́не, моли́ Бо́га о нас.
Тропарь: З ве́ря разу́мнаго пра́щею уби́в, Рома́не,// словесы́ твои́ми па́ству Христо́ву спасл еси́ от и́дольскаго вре́да нетле́нну.
Припев: Святы́й му́чениче Рома́не, моли́ Бо́га о нас.
Тропарь: В озмога́я ору́жием кре́стным,/ прило́ги вра́жия возврати́л еси́/ и не́мощь их обличи́л еси́,// Рома́не му́дре достоблаже́нне.
Сла́ва Отцу́, и Сы́ну, и Свято́му Ду́ху.
Тропа́рь: Н изложи́л еси́ вра́жия, сокруши́в че́люсти Рома́не сла́вне,// за Христа́, блаже́нне, лани́те стру́жеме, приснопа́мятне.
И ны́не и при́сно и во ве́ки веко́в, ами́нь.
Богоро́дичен: Е стество́м еди́н Бог Сло́во О́тчее и соесте́ственное Ду́ху,/ пло́тию из Тебе́ оде́явся,// земны́я обожи́, Богома́ти.
Катава́сия, глас 4:
Хор: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве// венце́в сла́вы сподо́би.
Ектения́ ма́лая:
Диа́кон: П а́ки и па́ки ми́ром Го́споду помо́лимся.
Хор: Г о́споди, поми́луй.
Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.
Хор: Г о́споди, поми́луй.
Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Т ебе́, Го́споди.
Иере́й: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.
Хор: А ми́нь.
Конда́к му́ченика Плато́на, глас 3:
С вята́я твоя́ па́мять вселе́нную весели́т,/ созыва́ющи ве́рныя вся в пречестны́й храм твой,/ иде́же ны́не, ра́достию совоку́пльшеся,/ пое́м в пе́снех и све́тлостех./ Сего́ ра́ди, Плато́не, вопие́м ти:// язы́ческаго наше́ствия изба́ви град твой, свя́те.
И́кос:
Е́ ллинское оста́вив все су́етство,/ Христо́вых ученико́в душеполе́зная уче́ния возлюби́ зело́ Плато́н Богому́дрый./ Тем и яви́ся всем че́стен,/ я́ко анки́ра ве́ры во оте́честве,/ его́же и зва́ние я́ве Анки́ра имену́ется./ До́бре бо того́ воспита́вшее/ изве́стен покро́в на враги́/ и засту́пника те́пла в ра́тех обрета́ет всегда́, вопию́щи:// язы́ческаго наше́ствия изба́ви град твой, свя́те.
Седа́лен му́ченика Плато́на, глас 8:
П одвиго́в широто́ю, му́чениче му́дре,/ простира́яся ве́рою, всесла́вне,/ вра́жия, утесни́в, ко́зни погуби́л еси́/ и, до́бре соверши́в тече́ние Боже́ственное,/ ра́йскую широту́, ра́дуяся, дости́гл еси́./ Те́мже Це́рковь, простра́нством благоче́стия сия́ющи днесь,/ пра́зднует па́мять твою́ и вопие́т ти, блаже́нне:/ моли́ Христа́ Бо́га грехо́в оставле́ние дарова́ти// чту́щим любо́вию святу́ю па́мять твою́.
Дата публикования: 2015-04-06; Прочитано: 163 | Нарушение авторского права страницы | Мы поможем в написании вашей работы!