Тодлтн. зусн и канцтоваров, пятеро друзей делают покупки

делгүр

хулд

әңг тасм

магазин игрушек дегә

зусн и канцтоваров, пятеро друзей делают покупки

нүрздг

хәәч

кимзә

һадр

1. Умштн. Бичкдүд ямаран хулд кеҗәнә? Шинҗлтн:

Олмһа үүрмүд

Җаңһр, Хоңһр, Йисн, Байрта болн Долан нег классин сурһульчнр. Эврәннь баган «Олмһа үүрмүд» гиҗ нерәдв. Өдр болһн эднлә соньн йовдл харһна. Өцклдүр, эсвин кичәлд, Йиснә дорва генткн үүдн тал цервәд, дошв. Цугтан алң болад бәәв. Йисн арһул өөрдәд, дорваһан бәрв. Дорва дотрас миисин ә соңсгдв. Альвн ә угаһар дорва дотр орҗ. Тендән унтҗ. Йисн энүг үзсн уга. Эн өдр бичкн миисин кичг үд күртл маднла сурһуль сурв. Завср болһнд бичкдүд энүнлә наадв. Альвн мана багшт бас йир таасгдв. Мана багш энүг өкәрләд, илв.

Маңһдур мадн хулд кехәр седҗәнәвидн. Эврә классин хора сәәхрүлхәр бәәнәвидн. Дала юм хулдҗ авх кергтә: шир, плакат, зус, тасм, хәәч, биллүр, церд, хар бек. Классин хорад хойр самбр өлгәтә. Нег самбрт зургудын һәәхүл кехәр бәәнәвидн. Терзин хааһул деер олн зүсн өңгтә тасм өлгнәвидн. Хоран булңд бичкн хойр көлтә самбр тәвнәвидн. Самбрин өөр олн церд тәвх кергтә. Цуг белдвр мана һарин керг. Маңһдур, Бемб өдрлә, мадн негдгч классин сурһульчнриг гиичд дуудҗанавидн. Олн зүсн марһа давулхар бәәнәвидн.

Күн болһн наадһас хулдҗ авцхав. Олн наадһас цуглрв: ацана болн гиигн

машид, оңһц, җилк, бу, аю, арслң, ирвсг, дегтрмүд, девтрмүд болн нань чигн. Марһанд орлцсн улст белг белглхәр бәәнәвидн.

а) Сурврмуд хәрүтәһинь ирлцүлтн.

1. «Олмһа үүрмүд» кенә багв? Миисин кичг бәәҗ.

2. Эсвин кичәлд ямаран йовдл учрв? Һурвдгч классин сурһульчнрин.

3. Йиснә дорвад юн бәәҗ? Негдгч классин сурһульчнриг.

4. Классин хора ямаран бәәдлтә? Дорва үүдн тал дошв.

5. Кенд белг белдҗәнә? Сәәхн.

6. Кениг гиичд дуудҗана? Марһанд орлцсн улст.

ә) Чик эс гиҗ хаҗһринь келтн.

1. Дорва дотр шар мис бәәҗ. __Ч__

2. Олн марһа давулҗана. _____

3. Зургудын һәәхүл кеҗәнә. _____

4. Багш уурлв. _____

5. Марһан Бембә өдрлә болх. _____

6. Соньн йовдл эсвин кичәлд болв. _____

7. Сурһульчнр дала хувц хулдҗ авв. _____

8. Марһана улст белг белдв. _____

9. Самбрин өөр цаһан церд тәвб. _____

Рис. рюкзак, из нее выглядывает котенок

б) Сурврмудт хәрү өгтн.

1. Эн юмб?

2. Эн миисин кичг кенә?

3. Дорвад миисин кичг ю кеҗ?

4. Эн ямаран миисин кичг?

5. Чамд миисин кичг бәәнү?

6. Чини миисин кичг ямаран?

а) Дора өггдсн үгмүд һүрвн багар хуватн.

Зусн, кичәл, Байрта, хәәч, цаасн, оңһц, Җаңһр, завср, шир, җилк, церд, арслң, эсв, дегтр, Хоңһр, классин хора, Альвн, ацана машин, тасм, биллүр, Йисн, гиигн машин, бек, Долан, бу.

Сурһульчнр: ____________________________________________________

Школ: ____________________________________________________

Белгүд: ____________________________________________________

Күүндвр

1. Чи кедүдгч класст сурдвч?

2. Чини үүрмүд кедүдгч класст сурна?

3. «Олмһа үүрмүд» гисн юмб?

4. Тана школ ямаран?

5. Тадн школдан ю кенәт?